كسرات السنين الجزاء الثاني ( باللهجة العراقية)

البارت /20 مصالحه

رواية كسرات السنين

عبير .. ليش دافعين الها  مو هاي الحرمتج من خطيبج لو غيرها  .

شهد .. يمعوده بيبي متعرفينها زين
صح هيه متصنعه بس كلبها طيب
وتحبج بس انتي تطولين السانج عليها
المفروض تكسبيها . هيه  متحب احد يكسر كلمتها .  وانتي تصرفاتج تصرفات جهال.

عبير..  اي حقج دافعين عنها لا ن هيه بيبتج  وحدج. وهيه تحبج الج ما اتحبني
بعدين اني ما اعرف اتصرف لان هانتني
اني طبيعتي هيج ما اسكت عن حقي دائما تحجي على ماما ام سحور ه ام سحوره ليش ما اعرف شنو مسويتلها هاي لان غريبه مو من عدكم وحتى هذا اخوج الاحبه بعد ما اريده راح افسخ الخطوبه وياه. خليت ايدي على وجهي وكمت ابجي. بحركه فارس كسرني ومصدكني وذب الصوج كله بيه رغم بيبي هيه الغلطت بحقي يحبها وعنده ثقه  عميه بيها.

شهد..  يباااخ مو لعب تفسخين الخطوبه
انتي تعرفين فارس شكد يحبج لج مو بس يحبج يعشقج عشق تعرفين من سمع انتي مخطوبه شسو بركان صار لج بيبي الما يرفض الها طلب هل مره عارضها علمودج وكلها احبها وما اكدر بدونها :
وذا تطلع الغيري تصير كاتل ومكتول شلون كسرج المفروض من يكلج اعتذري منها تعتذرين حتى لو هيه غلطانه بحقج
عمود تكبرين بعينه هسه انتي بهذا تصرفج نزلتي من عينه وصعبتي المشكله
اكثر من ما هيه متصعبه يا كلبي شو كومي غسلي وجهج شصار بيج هاي
عين وصابتكم صبح جنتو مثل العصافير شصار الكم .

عبير...كله من ورا هاي الحيه

شهد .،، اهششششش اسكتي لا تسمعج
لو فارس يسمعج لا تخسرين حب حياتج بسبب بيبتج  وخصوصن هيه هذا التريده منج كافي كومي غسلي وجهج ورتاحي

عبير كتلها ما اريد جريت ا المخده ونمت واني افكر بكلام شهد بيبي جان متقصده
تثيرني بس عمود تحقق هدفها وهاي حققته بس تريد تخلق مشكله شلون تشوفنه متصافين هذا شي ميصرف الها
تشوف غيرها مرتاح ..

مصطفى..   كعدت لصبح بدلت وكشخت احسن ماعندي من ملابس  نزلت تريكت
وطلعت كبل الدوامي .. كاعد اشتغل وجهازي كلش شويه يسووي ووون
من راسائل . فتحت اشوف الرسائل
هاي سجى.   . ام سناب  . 
سجى :: هلو مصطفى شلونك اكولك بس حبيت اسائلك  اذا واحد يكح ويعاطس
شنو يشرب .
مصطفى..  يشرب حب فلاوات وكبسول بلاعيم .. سجى شنو انتي مريضه

سجى.. ها لا مو مريضه بس حبيت اسألك خاف اتمرض ☺️

مصطفى  ... وهو يبتسم عرف سجى دور حجه حتى تحاجيه .. وحجه وهو يبيع ثكل عليها . زين اذا مو مريضه ليش تسألين . يله اني ارتخص عندي شغل

سجى.  شكرا لان ساعدتني جاووو

مصطفى .. يا جاي سجى شنو  مصطفى ها قصدي باي ..سديت تليفون منها واني فرحان لان تطلع حجج وتحاجيني مدري
ليش حساس يفرحني من تحاجيني رحت ع فيس وشوف اسنياتها ولبس الحجاب مزيدها جمال وانائقه . وجهمور يسال شنو هل تغير االصار الج شنو الخلاج تلبسين حجاب . وهيه تبرر الهم انو دخل ملالك بحياتها خلاها تلبس حجاب 😂
لا مستحيل اني ملاك ههههه والله يا سجاوووي ...انتي الملاك كملت شغلي ورجعت للبيت رتاح دخلت من لباب الريسي شفت فارس كاعد بل حديقه يدخن .. ها يابه الله يساعدك شبيه العريس ضايج.