كسرات السنين الجزاء الثاني ( باللهجة العراقية)

البارت /29

الكاتبه رهف،،،،،،،،،
،،،،...
يكسر خاطري مرات حتى الطير 🕊
هم مثلي غريب وحسرته بصدره 😔

يلم عشه على شجره وعود لازم عود 🎋
ويجي الماخايف الله يطيح الشجره 💔

."""
عناق : ما اكو شي فارس  بس اني ما احب احد يذلني ..

فارس منو ذلج .كولي غير املص راسه

بيبي .. اسال مرتك يمه كللها شبيها عناق

فارس: عبير كولي شبيها عناق تبجي

عبير :  واليش متسالها هيه شنو سوت
قبل لا يحجي فارس نطت عناق من يمها
وكالت والله فارس محجيت اى شي دخلت المطبخ وهيه كللتي مرحتي البيتكم شعندج هنا شنو عنده فندق

فارس.. بعصبيه ويصك على سنونه صدك هذا الحجي كولي جانت بيبي اتتفرج بعيونها ونضراتها الحاده المليانه حقد وكره ونتقام .. ردت ارد علي بسلوبي  وكلت اليصير خل يصير بس مصطفى تدخل بل موضع....

مصطفى.. فارس تره عبير محجيت هيج شي اني جنت واكف يم شباك اخابر وسمعت عناق تزتهزا بعمتي  وعبير تره مردت عليها بس كالت الها لان انتم اغنيا تتفضلون ع ناس .. عناق تريد تخلق مشكله من ولا شي ..

عناق  ..مصطفى ليش هيج تسوي محاجه تدافع ..

مصطفى احجي بس الحقيقه .اني
فارس .   عناق   ..هاي اول واخر مره اسمحلج تجاوزين عل اكبر منج افتهمتي
تره ثاني مره غير تصرف اتصرف وياج
ويله اعتذري من عمتج ..

عناق اني مكلت شي جنت اتشاقه .

مصطفى: زين اذا تشاقين ليش سويتي هاي الدرامه والبجي وريد اروح الاهلي ..

بيبي : عفيه بوالدي خوش ربيت اشوف من اول يوم نكلبتو كلاب شجاكم ..لازم شبعتو مي ورد ..

ام عبير.. عمه شنو هل حجي صدك تحجي قصدج اني احيلهم عليج . 

بيبي .. البعبه صخل يمعع ..

فارس: بيبي شبيج من صبح عود صباحيت عرسي .. ادري من صبح تتعاركون. اشو تعالي عبير خل نتريك بل ريوك الجابته امج ..عود يريد يلطف الجوو ..

عبير : ماشي رحت اني وفارس للمطبخ
سوينه ريوك اني وياه لان الجو متوتر بسبب عناق واني محجيت بعد ماريد انزع صباحيت عرسي وامي متحمله
بس الخاطري متريد تنزع فرحتي ..

حرظت زيتون والسلطه وفارس سوه بيض عيون والريوك الجابته ماما وفارس اجه يساعدنه وشهد بس يلطفون الجو
فارس كال خل ننقل لريوم الصاله يم بيبي وهيه طابكه الحاجب وعاقده النونه
ميت ابوها مدري تذكرت ايام عرسها 😂😂ونقهرت هاي لان بابا ابن ضرتها حسب
خبرتي بيبي متحب بيبي الحقيقه الله يرحمها لان جدي جان يحب بيبي ام بابا اكثر شي جانت طيبه وحنينه وحلووه واني انطي شبها الها. المهم نقلنه الاكل بصاله  رتبنه الفطور عل طاوله وجاب بيبي وكعدها وجاب امي هماتين واجه بابا واخواني ميثم وهيثم  واكلهم كعدهم فارس بس عناق مكللها تفضلي . ومااعرف لسبب وهيه لازكه ابن العم ويا ابن العم مدري شتحس من صبح بعد الفشله الحصلتها من مصطفى وفارس تسوه عمرها لو اني منها ما ابقى ثانيه كدامهم اختفى من الوجود اصلا . بس احساس ماعدهم  ..  كلمن اخذ مكانه بقينه اني وفاارس واكفين  ...كالت بيبي تعال يمه اكعد اتريك  .. .