كسرات السنين الجزاء الثاني ( باللهجة العراقية)

البارت /35

الكاتبه رهف...

كمت الميت نفسي ودموعي على خدي وحس داخلي نار نار مشتعله معقوله
يضربني على مودبيبته ليش هيه مو غلطت بحقي وكل مره تغلط بحقي وهو دائما مكاتفها هيه تفرح بزعلي تفرح من تشوف فارس يضربني ويهيني .. احسها تشمت.. .. . .. . . كمت من مكاني ورحت الفراشي اريد انام انسى كلشي الصار
. . . خليت راسي ع مخده واني احس غصه بصدري عمري مراح انسه كل اليصار.. .حاولت انام بس مكدرت وفارس

مبين عسا بل حرك.. واني ليش ماكله همه خل يولي .مدري شلون نمت محسيت ودنيا اصبح بيش الساعه خمسه كعدت.. وجفن عيني مورم وجهي منفوخ.... باوعت فارس ماكو بكل لشقه.. اصلا ماريد اشوفه خل ينام يم بيبته هاي الحيه..

مصطفى... وهو يكعد فارس من نومه..
فارس فارس.

فارس... بتعب ها.. مدكلي شتريد من صبح..

مصطفى.. شنو مطرود ليش نايم هنا..

فارس.. الك نجب منو يكدريطردني..
بس نمت من تعب مادري بنفسي
من غفيت.

مصطفى .. اني راح اسوي ريوك .انت غسل وتعال وراي للمطبخ..

فارس وهو يطلع جكاره ويشرب..
ويهز راسه. . كمل جكارته وراح غسل وتوجه للمطبخ.

مصطفى.. هلا وكل لهلا ..شتريد اسويلك ريوك بيض عيون سلق او كيمر او كلشي ماكووو.. ويضحك..

فارس ..تدري انته بطران ويرادلك خلك .
منو يشتهي من صبح..بله انطيني بس جاي..

مصطفى.. . فارس تره هذا موضوع يوميه عركه ليش متصفون القلوب. ...

فارس. شايفني. كاض عصاتي وعارك..
.
مصطفى..لا موقصدي بس فارس انته قاسي ويه عبير ليش هيج تضربه..تره مهما يكون خطيه . وانته تعرف بييتك شلون .. تحب عبير...

فارس.. عبيرلسانها طويل .ومتحترم كان المفروض تسكت واني اخذ حقها بس بتصرفاتها ضيعت الاول والتالي..

مصطفى.. عبير صريحه ومتعرف تصرف المفروض تعلمها.. مو تضربها فارس انته من تصير عصبي تصير شخص غير فارس الاعرفه يمعود تمالك اعصابك تره حياتك تخرب .

فارس... انت تعرف شكد احبها بس هيه تخليني بموقف صعب بس تريد تثبت
اني غلط وانت تعرف بيبتك وحجيها
هيه لو شويه تحترمني جان كالت اسكت

الخاطر زوجي .. وخلتني اني اتصرف
واخذ حقها بس لا هيه لازم تطول السانها وتغلط.....

مصطفى والحل شنو بريئك مرتك وبيبتك ..

فارس .. ما اعرف ثنينهن احبهن وثنينهن عنيدات والحرب مستمره والله كريم ..

مصطفى... الله يسهل امرك تكسر الخاطر انته ويضحك..

فارس .. وهو يضربه نجب لك جاي تشمت ..المهم ..اريد منك شغله ..

مصطفى .. عيوني الك . بس امر.