كسرات السنين الجزاء الثاني ( باللهجة العراقية)

البارت /39

الكاتبه رهف..

هلو حبايب شلونكم..مشتاقتلكم..
ولو زعلانه عليكم اكتب وانتم مراضين عليه.. وها تره النشر يومين ويوم استراحه يعني باجر ماكو بارت..
#ابحث عن أجابة !

ذلك العصفور المنفرد ؛
هل ظلمته الحياة بما يكفي لينعزل عن الجميع
أم خذله الكل ولم يعد يثق بأحد
زينه.. وهيه تغسل مواعين الريوك وتصيح بمها يوم شنسوي غدا اليوم..

ام ياسر.. وهيه تنفض اديها من الملابس ودكوم تتوجه البنتها زينه وترد الكلام بحيره والله يايمه حرنه بل غدا والعشى شنو

زينه.. اكلج يوم .. تره ملينه تمن ومركه يوميه شنو ريئج نسوي شوربة عدس هم خفيفه وهم تزود الدم وبيه فايده..

ام ياسر.. خو انتي . بس تردين تسوين اى شي .حي الله اكله . ولج ماما اخوج خطيه ..خل نسويله اكله ترم عضامه...كافي عليه اكل الفات..

زينه - والله محد عاتب علي يروح يدور سحوره بعدين ..بله كلب عليه ميخاف من المقابره اوي لو اني من زمان شخطت.

ام.ياسر.. ههههه والله يازوينه ما ادري شكلج اضحك عليج لو ارزلج ..

زينه....ييييييمااااا لا ااا دكولين زوينه ليش تكلبين اسمي.. ها ليش .. كل هجمال زوينه.. دكولين...

ام ياسر ..يل فهيمه.. انتي ولوو قرده بس بعيني غزال..

زينه...يييما ..كافي تره مصختيها ..تحجي وتعوج حلكها..

ام ياسر.. ههههههههه. .. اول شي اني من اكول زوينه مو قصدي مو حلو لو اقلل من قيمتج بلعكس من زايد معزتج.. انتي شحلاتج جنج العافيه بصراويه مولحه سمارج سمار بصراوي.. وعيونج جنهن عيون غزال واسع وسود مثل الحجر الاسود كل مازاد سواده زاد سعره وغلا.عد ناس لو حلكج ..هذا قضيه.. ثانيه

زينه..يماااا كولي شفايف ..

ام.ياسر.. علاكولتج ششششفايففففف..
..

زينه .- اي يمه كملي. المدح بيه فدوه خلي
الطموح..مالي يزيد..

ام ياسر. شاجب هذا على هذا .

زينه..يمه تره الريضيات والعربي نفس شي.

ام. ياسر..يمصكوعه شي ميشبه شي.. المهم خل اكمل مدح.. الطول مالتج فوك النخل.. وخدج الكمر..

زينه..هاي غنيه فوك النخل فوك وتضحك. والله يايمه. زوتي يجابياتي ..هسه الزبده شننننسوي غدا .

ام.ياسر. مو عدنه كسور بلمجمده.. وياهن باميه . غير تطلع المركه فد شي..

زينه..ااااي ونسوي ماعون ثريد شكده وشكبرها ونكوم نضرب وماكوو😂😂

ام ياسر. عابتلج . اي والله .. خليه ع نار علمود الضهر نروح الام عبير اريد اشوفها الفديووو..