كسرات السنين الجزاء الثاني ( باللهجة العراقية)

البارت لاول

اضغط نجمه قبل القرا

اضغط نجمه قبل لقرا

رواية كسرات لسنين. الكاتبه ساره

كسرات السنين
سواد حياتي صارت عباره عن سواد كلشي بهاي حياه نفقد طعمه حتى الوان اختفت ضل بس للون اسود سمعت صريخ امي وبعدها نقطع صوت ونسوان يصيحن باسمه يردنه ترد حاولت احرك رجلي اكوم اشوف امي اخر ماتبقالي بهاي حياه بس ماكو رجلي ميتات ميتحركن اي هذا حالي وحال كلمن فقدت احد بانفجار اني مافقدت شخص واحد اني فقدت اخواني ثنين وابوي الحياة ابد مو عادله احذتهم مني كلهم مره وحده اصواتهم بذاني اصوات ضحكهم لعبهم شقاهم وياي لمتنه لحلوه من نكعد سوه صورهم كلها جت كبال عيني واخيرا رجلي تحركن رحت بسرعه يم امي وضليت اهز بيه
-يمههه ولج يمههه كومي بس انتي ضليتي ماضل الي سند بهل دنيا غيرج اخواتي حزام ظهري وابوي سندي كلهم راحو الله ينتقم من لخذاهم ولج يمه
صوتي نبح من صريخ اجو ولد خالي شالوها واخذوه لمستشفى ضليت كاعده بمكاني مثل صنم عيوني مسحن مكان كله وستقراً على صوره والدي بالحايط اخ بويه عفتني ورحت ليش اني مو كتلك لتروح كلبي كارصني تكلي لا بابا اروح اوونس خوانج اشتريلهم ملابس افرحهم بالعيد شكد جنت حنين وعمرك مخليتنه نحتاج لو نمد ايدنه لاحد لك بويه رحت وعفتني بوويه صرخت على صوره ونسوان تحاول تهديني صار كدام عيوني سواد وعرفت راح يغمى علي يي واخيرا اريد انسى اريد اكعد والكه كلشي مثل مجان ابوي كاعد على كرويته يشوف الاخبار وخواني يتعاركون على ريال وبرشه واني وامي نحضر الاكل بالمطبخ شكد جانت ايام حلوه بس الواحد ميحس بشيء بس من يفقده تمنيت لو يرجع بيه وكت ومخليهم يطلعون اوف بس لو يرجع بيه زمن واكضي يومي كله وياهم احظنهم واشمنهم حسيت بقطرات ماي على وجهي فتحت عيوني ورجعت غمضتهن بسرعه من اجه ضوء بعيني اذكرت صار وكمت بسرعه وتمنيت هذا حلم باوعت لنفسي بالمرايه لكيت بنات ملبساتني دشداشه سوده عيوني متفخات من بجي وجهي مليان شخوط من اثار اظافيري اظافيري تركن اثرهن على وجهي وراح يرحن بمرور الايام بس رحيلكم شون ينمحي من كلبي شون يتعوض كلبي منو راح يملي فراغ تركتو بداخلي كلبي راح يبقى فارغ من بعدكم سمعت صوت امي تون تبعت صوت لكيته كاعده ونسوان حواليها يواسنه باوعلي وعيوني شفقه بعينهن اول مشافتني امي فتحت ايديه ورحت بسرعه لحظنه وضلينه نبجي ،
-ولج عبير راحو اخوتج يمه بعدني مافرحت بيهم بعدني مشفتهم عرسان ليش اخذتهم حسن ليش اخذت اولادي وموتتهم وياك ً
24
-ماما بابا ماله ذنب هو اخذهم علمود يونسهم هو هم راح وياهم
- ً اخذهم ومارجعهم ولا رجع هو لك ليش اخذتوهم مني ياربببيي صبرني شلون اتحمل بعدهم لك الله ينتقم منكم ليش تموتون العالم ولكم ماضل بيت مابي شهيد ولكم فجعتو قلوب امهات ليش هيج يااربي
ويا كل كلمه تطلع من امي يزيد بجيي ضل راسي ياذيني بس مو كد الالم الي بكلبي كمت ورجلي اخذني لغرفه اخواني فتحته وشفت ملابسهم مطشره بكل مكان جانو فراحنين راح يطلعون لان ابوي عاقبهم اسبوع خلاهم كاعدين بالبيت بس لان شردو من مدرسه كتله بابا خطيه بعد ميعيدوها يكلي لا اريدهم يصيرون رجاجيل يعرفون شنو معنى مسؤليه حطيت راسي على مخده وضليت اشم بملابسهم وابجي ياربي لا حكم على قضاءك بس بعدهم صغار ولله بعدني ماشبعت منهم ياربي شيصبرني على غيابهم غمضت عيوني ومحسيت بنفسي ونمت فزيت على صوت ملايه وصريخ باوعت لساعه لكيتها بثمانيه بليل ضليت كاعده على فراش وابجي شوي وخلصت ملايه وباب نفتح دخلت بنت خالتي وياها صينيه الاكل ،
-عبير تعاي تعشي ميصير هيج اضلين
-ماريد نور مالي نفس
-عبير انتي مجبوره تتحملين امج منو الها غيرج منو يعتني بيها اذا انتي حتى مجاي تعتنين بنفسج عبير لازم تنسين ماضي وتفتحين صفحه من جديد انتي من وره مارجعتي بيت اهلج وهملتي حياتج كلها امج محتاجتلج هاي فتره
هزيت راسي ومسحت دموعي صحيح اني قصرت بحق اهلي هواي وره مارجعتهم
بعد مرور ثلاث اشهر
حطيت جنطه كدام وجهي احاول اخفف من حراره شمس شهر السابع وبالبصرة دنيا تموت كلش ترتفع درجات حراره كعدت على رصيف انتظر كوستر حتى ارجع للبيت واخيرا شفت كوستر من بعيد اشرت بيدي حتى توكف صعدت بسرعه بسياره ويمكن حر البره احسن من سيارة مسكربه وماكو تبريد شفت مكان فارغ يم مراة جبيره بالعمر رحت كعدت يمها باوعت لساعه بنقال ب١٢ ويلي يله الحك اوصل وصب لامي غده خطيه بعدما ستشهدو بابا واخواني كلش تازمت حالته صحيه ومعاش مال والدي يادوب يكفينه اشتري بيها علاج واجار للبيت الله يرحمك بابا شون جنت تتعب ومايوم شتكيت وصار شهرين مانطونه كضيناها نداين حتى الاربعينيه مال اخواني خوالي تكفلو بدفع سمعت سايق يصيح منو مدافع انتبهت على نفسي مادفعت وشفت الي بكوستر يباوعلي متت خجل بسرعه طلعت من جنطه الف ونطيته للولد كدامي يوصله
-اعذرني خويه راح عن بالي
كتله وشفت دار وجهه وماجنه صدك اوف ياربي والله صايره ناس مترحم صحت نازل وكف سياره ونزلت ضليت امشي ربع ساعه يله وصلت طلعت مفاتيح وفتحت

مترحم صحت نازل وكف سياره ونزلت ضليت امشي ربع ساعه يله وصلت طلعت مفاتيح وفتحت باب
عبير "سلام عليكم ماما اسفه تاخرت بس اهواي ناس كله جايين من صبح واني صرت اخر وحده وهم ضليت شكد انتظر كوستر يله اجت "
ام عبير:هلا يمه هاي صاير بيج من شمس جان رجعتي بتكسي وصلج لباب لبيت"
عبير :يمه ياتكسي متكليلي يادوب تكفينه هاي لفلوس لشهر جاي "
ام عبير :عبير روحي صبينه غده وتعاي اريد احجي وياج بموضوع"
هزيت راسي ورحت للمطبخ حطيت الاكل على نار طبخت صبح دريت راح اتاخر وامي بيها سكر وتضرب انسولين متتحمل الجوع صبيتلنه غده باصاله وصحتلها
عبير : اي يمه شنو موضوع ردتيني بي "
ام عبير : شوفي ماما ادري بيج راح تعصبين بس بعدين راح تفهميني شوفي ماما اني راح اروح اكعد عند خوالج وانتي ترجعين يم عمامج "
عبير :شنووو هاي شبيج ماما شنو نسيتي سوو بيه بيت عمي مستحيل ارجعلهم فاهمه وليش تردين تعوفيني وترحين هاي احنه عايشين وحمدالله مامعتازين لاحد منو خله هاي فكره براسج خابرج عمي مو"
ام عبير :مو مهم منو خله فكره براسي بس هذا صحيح عمج كال راح ترجع عبير رجلها واني بعد خوما اروح وياج اروح لبيت خوالج اهناك اكعد يمهم وهما يحبوني "
عبير :شنو يرجعني ماما هو عافني فاهمه مارجعله ليش تردين تخلينه يرجع يذلني مستحيل فاهمه تره كبرت عبير المراهقه ما امشي على مزاجه يمتى مايريد يعوفني لو يرجعني ،"
كتلها ورحت بسرعه لغرفتي وسديت باب ضليت ابجي و ارجف من اذكرته لا ياربي ارجوك ماريد ارجعله ياربي اني جاي ٳحاول انساه وانسى حبي اله وكرهي بنفس وقت ماريد ارجع ذيج عبير مراهقه الي يذلونها رحت طلعت صورت والدي من كنتور وشبكته وكعدت ابجي ونمت بالاخيرمن تعب وقهر حسيت بضوه نطفى ونسد باب باوعت لساعة لكيتها باربعه كمت غسلت وجهي ولبست شالي وعبايه وطلعت اجيب لامي علاج من صيدليه باوعت للغرفه لكيت ماما كاعد تقره قران
عبير : رايحه اشتري علاجج من صيدليه وامر على اسواق اشتري كم شغله "
كتلها وبسرعه طلعت من بيت ماريده تفتح لموضوع مره ثانيه وياي ضليت امشي وفكر شنو راح يصير بالمستقبل لازم ادورلي شغل لان معاش والدي صار ميكفينه لاخر شهر طبيت لصيدليه واشتريت دوه هاي بس لعلاج خمسين الف صارو حتى ميرحمون بحال فقير رحت طلعت وضليت امشي وسمعت وحده تصيحلي
نرجس : شوفو هاي منو عبير شونج
عبير : هلا نرجس زينه حمدالله انتي شونج
نرجس :والله صرت بخير من شفتج شونها امج انشالله زينه
عبير :والله خطيه تعبانه من سكر وهايي رجعتي من صيدليه جايبتلها علاج
نرجس : سلامتها انشالله ماعندها غير صحه وعافيه
عبير : تسلمين حبي اممم نرجس جاي ادورلي على شغل اذا تعرفين
نرجس : والله مادري بس ها ذكرت عادي تشتغلين مربيه صديقتي صارله فتره من فتحت روضه ومحتاجه بنيه وياه اذا ترديني انطيني رقمج حتى اخابرلج واتفق وياج " انطيتها رقمي وشكرتها ورجعت للبيت فرحانه الحمدللـهۂ ياربي بسرعه ضليت امشي اريد اوصل وافرح امي بهذا خبر دخلت بسرعه وضليت اصيح لماما اول مدخلت للصاله انمحت الابتسامه عن و جهي.

..

:انا مرتاح
وجاي احلم واتغزل بشكو عصفور يتمرجح الشجره وبوست ورود الحدايق وصرت انام اليل كله بس جيبلي اليضمد غصون الشجره

هلو بنات راح انشر جميع اجزا لقصه هنا.