الغبي و الهبلة ( روايات ليبية )

حلقة 2🔥

#الغبي والهبلة 2
علي كلبة الكلاب كان نعلق عاليها النم والله لما نقتلها
انا أهلين بابا
بابا أسمعي ماصار اليوم من المرواح خوالك سكرو روسهم
انا شن بابا ماعندك لسان تتكلم
بابا حلفولي مانقدرش نردهم
انا سكرت عليه وركبت للسطح وقعدت نبكي زي الهم الأحرف بعد نص ساعه من البكي والدموع قررت ننزل ونسمع ف صوت واحد يقول ارجاني توا نجيك ومديت راسي من فوق ونشوف ف علي شاد كلب ومانعرف شن يديرله انا ندور ف رشادة ولاشي نحدفه عليه اهيا حكه تن فاضية مانعرف شن دير الفوق وحدفتها جت ف ظهره وانا دسيت روحي
علي تي من وين جت هدي اكيد فروخ الجيران
انا رفعت راسي بنشوفه قاعد ولامشى ووووشافني
علي تي والله لما نعلق عليك ياكلبة تي باهي باه
انا اشرتله ع الكلب ضميرك طاح منك
علي تي إنزلي عطك منزل ينزلك ف الجبانة
انا لاجبانة لاشجاعه 😝 ونزلت
علي هالفرخة تابي طلقة ف راسها
ماما افردي وجهك وفكينا من الجو الى ديري فيه
انا فوتوني الجية العوجه متاعك خالتك ماتت شن بنردوها يعني
ماما فمك ضميه وبري عاوني البنات
زاهدة بنروح للحوش توا نرجع العشية هيا بتمشي معايا
انا لا فكيني منه راجلك مايسلم وديما هارب
زاهدة قاعد مع الرجالة توا هيا
انا تمام لبست وشاحي وطلعنا
زاهدة هدي اول مرة بتخشي لحوشي
انا مش عارفة ليش عايشات هنا
زاهدة لابالعكس حلوة وتهبل وبدا كل شي متوفر
انا باهي وباه وفاتت علينا بقرة فيها طرف قعد يعاكس فيا لان زاهدة لابسة خمار
زاهدة كان لبستي عباية وخمار احسن
انا والله ع خاطرهم بنلبس خليه يفنص لين يطلعو عيونه وفتحلنا أغنية دلوع وعسول وصلنا لحوش زاهدة وخشينا
زاهدة أنستي
انا تسلمي الله محلا الهدوء والراحة
زاهدة بنخش ندوش وانتي خودي راحتك
انا تمام وراجيتها لين خشت للحمام وتصلت بأيوب بس لقيته حاطني ف قائمه الرفض خيره هذا شن فيه
فتحت نت لقيت روحي ف الرفض تي معقولة هكي شن صاير زعما اكيد داير هكي يبيني نروح عنده فيها البرادة
فاتو يومين وروحنا
اناماما عطيني تلفونك بنكلم دعاء
ماما مش تكملي الرصيد
ايوب الو
انا حبي حول الحظر رجعتلك
ايوب ياعمري هيا توا وحالآ
انا هيا ورجعت التلفون لأمي
فاتو أيامات ومافيش حاجة جديدة
سارة يمي شن رأيك ف جليلة
دهيبة شن خطرها عاليك توا
سارة غير شن رأيك فيها
دهيبة مشاء الله عليها ماناقصها شي
سارة شن رأيك نزوجها لولدك بالك يعقل ويفكنا من نشافه
دهيبة ياريت والله عييت وانا ندورله وهما يرفضو فيه
نحكيلكم ع مواصفات علي عمره26سنة طويل وضعيف وأبيض شعره طويل ومداير لحية نقشه حلو
سارة من بيقبل بيه وهوا هكي قوليلي
دهيبة توا نكلم زاهدة
أيوب حبي من هوا الى تحكي معاه ع الإنستا ف التعليقات وشادتها ضحك معاه
انا صديق ديما يعلقلي
أيوب اعطيني الباسورد توا
انا بشرط تعطيني الباسورد متاعك
ايوب هيا وبعتله وبعتلي
انا خيره مايخش شكله غلط خلي نقوله لكن خلي نجربه ع الفيس وفعلآ طلع متلخبط وباعتلي رمز الفيس ونصدمت من الى شوفته

انا الحقير يلعب عليا حي ع العار زعما انا الحبيبة رقم كم وشوف الصور والكلام وربي لما تندم ورن تلفوني
ايوب هاحبي فتحلك
انا عمري كيف بنتصل بيك مايبيش يفتح
ايوب معقولة
انا ايه حاولت هلبة مافتح
ايوب خليك ع الخط وتأكد من الباسورد حي ياغبي هذا متع الفيس قريب مشيت فيها حبي هدا الباسورد الأول توا نبعتلك الجديد
انا لاحبي مافيش داعي أصلآ انا واثقة فيك هلبة هلبات
أيوب ياقلبي انتي نحبك ونموت فيك
دهيبة ياولدي انا بنخطبلك وحدة مش من هنايتها بكل
علي ديري رأيك المهم تاعرفي شن نابي
دهيبة ماتابيش تعرفها من هيا
علي قتلك ديرو رأيكم غادي غادي انا طالع للحمادة
دهيبة ان شاء الله خير
انا توا نوريك ياواطي تلعب عليا انا
زاهدة كيف حالك عمتي دهيبة
دهيبة الحمد لله وإنتي
زاهدة الحمد لله
دهيبة نابي نقولك موضوع
زاهدة تفضلي
دهيبة أختك جليلة مرتبطه
زاهدة لا مازال
دهيبة كيف بنقولك باهي كلمي أمك وقوليها نابوها لولدي علي
زاهدة ان شاء الله نكلمها ونرد عليك
ماما أختك تعرفيها راسها مسكر ومش حاتوافق
زاهدة أسأليها إنتي وشوفي سيدي
ماما باهي توا نشوف
أيوب قريب مشيت فيها كيف درت لقطة زي هدي بس هيا غبية الحمد لله
انا كيف بتنتقمي ياجليلة كيف كيف
بابا ماسانغ يعني مانعرف
ماما ومن الى يعرف انت موافق والا لا
بابا ياودي بنتي مانبي نعطيها ديما نبيها تقعد معايا
ماما هبلت انت ولاتستهبل تي شني تقعدلك خلاص راهو البنات الى زيها بصغارهم
بابا شوفيها هيا كانها موافقة باهي
ماما بنشوفها توا جليلة
أنا نعم ماما
ماما تعالي نبيك ف موضوع
أنا ياربي اما مصيبة عرفت
ماما خيرك مسبوهة تعالي قعمزي
انا نعم
ماما ف واحد متقدملك
انا موافقة
ماما بسم الله غير أعرفي من هوا قبل
انا المهم الولد كويس وتعرفوه انتو خلاص انا موافقة توا تشوف ياأيوب يتبع