الغبي والهبلة 10 الاخيرة
ف الصبح طلعنا بعد الفجر باش نوصلو بكري وطول الطريق وأنا نتخيل ف شكل علي لما يشوفني أكيدا بيطيح يدوخ وانا بنوضه ببوسة ولابيجري لحضني ياخيتي سلمه العسل قداش ستاحشته
وصلنا الساعة 9
زهراء باي
انا بااي
فتحت الباب وانا طايرة من الفرحة وخشيت بشويا ومشيت لدار النوم وبصوت عالي قطوسي وسكتت من الصدمه كان شارب وكان ف شيشة جنبه وقعدت ع الأرض وبديت نبكي
علي يسمع ف الصوت وناض وهوا مش فاهم شي وخدا وقت باش رجعتله الخريطة
أنا نبكي بصوت عالي
علي جليلة حبي خيرك تبكي
أنا مازال تسأل فيا ليش ياعلي ليش
علي والله تخلطت عليا عمل وغيابك وهلبة حاجات انا لازم نكون معاك باش نمشي ف الطريق الصح نبيك تشدي ف إيدي وماترخيها بكل ياحبي باش نقدر نكمل
أنا بس انت وعدتني
علي عارف ياحبي بس الله غالب انا مدمن ونبي وقت باش نتعافى
أنا أوكي بس لو فى هديكا اللحظة كلمتني راهو ماسكرت ليش قافل تلفونك هدا دليل انه عندك نيه تسكر
علي ياحبي وباسلي ايدي اسف وعد اخر مرة وعد
انا الى يخون الوعد مرة يخونه مرة تانية
علي والى يتزوج مرة يتزوج مرتين
أنا مصح وجهك فوق مامداير عملتك قاعد تتبرد
علي حبي انتي ستاحشتك وانتي معصبة ياقلبي
انا حول عني مانبيش نحكي معاك
علي مانقدر ع زعلك خلاص التوبة ورن هاتفه
علي ألو هيا جاي توا
انا نشوفله
علي صارت مشكله ف العمل وبنمشي مش مطول عليك ياقلبي
أنا مش مهم
علي لبس وطلع جري
انا حولت العباية وقعدت نشوف للخمر الى دايره علي يعععع هذا شني الله لاتسامح من كان السبب لكن توا نوريك ياعلي كان ماحرقت قلبك واعصابك وخليت ريحت الشياط يشموها ف الصين مانتسمى انا جليلة
خشيت ع اليوتيوب وقعدت نتفرج
علي الحمد لله مشت ع خير خلي نروح لحبي نرضيها وناخدلها حلويات وشكلايط هيا تحب بطنها
الدكتورة مبروك انتي حامل
زاهدة تبكي ومش مصدقه الحمد لله الحمد لله
انا يارب امنع عني الضحك واعني على الثمتيل والإقناع وانزل ف قلب علي الخوف والرعب والتوبة بعدا ذلك امين
علي فتح الباب
انا اهو جاء
علي مياوتي قطوستي المدللة الى ستاحشتها
أنا ههههههه اول مرة نشوف الرجل القط ونحيت شبشبي كس كس اطلع راهو راجلي مايحب القطاطيس
علي شن تقولي انتي
أنا اسسسس معاش تعيط نسمع انا مش طرشة
علي خيرك تدعدعي ياعن أمك
أنا ههههه ضحك فيا انت كلامك معوج
علي جليلة بلاش بصارة نعرفك باردة
انا تغطى ههههههه تعالا نوكلك جبنه يامياو
علي لاياربي تي شن الى قاعد يصير
أنا خشيت لدار وشديت الشيشة متع السكير تعالا اشرب معايا هدي المية طعمتها تهبل
علي ياعن ................. وااااك تي شن درتي انتي هدي عمله ديريها ليش ياجليلة بس
أنا ههههه اسسسس خيرك زعلان خليتلك حصتك تعالا فيه هلبة راه يسد حتى الجيران ومرة نقعد ومرة نوض
علي هاتي جاي هاتي الشيشة
انا لابنرفع للجيران بندير صدقة جارية عليك انت
علي هاتي جاي وحدفها مع الروشن
أنا قعدت لوطة ونبكي ليش ياشرير ليش
علي تعالا معايا ورفعني للحمام وحطني تحت الدوش صحصحي هيا
انا حول عني تبي تغرقني ياحيوان مانحبك انت واحد متوحش
علي نوضي أطلعي ومشى للمطبخ ونشم ف ريحة القهوة
انا نضت ندبك ع الهوراة الهوارة جليلة بتمثل ف باب الحارة وعلي صار مثل الحمارة
علي جاء وقعد جنبي افتحي فمك
انا لا
علي فتحلي فمي بالسيف ووكلني عسل وبعدها شربني القهوة
انا نشوفله كان مثأتر وبعدها نزلو دموعه
علي معقولة الى صار انا الى وصلتك للمرحلة هدي تي نستاهل القتل
أنا معاش قدرت نتحمل ومسحتله دموعه دمعتك غالية ياقطوسي معاش تنزلها
علي يشوفلي
أنا لازم ترفع مرتك للبنان باش تمثل ف باب الحارة
طبعآ انا معششة ف باب الحارة لأني نحبها هلبة ونحضر فيها ف جميع القنوات
علي وضحي
أنا الى صار كله ثمتيل بس وربي لو رجعت للسكير ياعلي حانديرها وحانطلع للشارع ونديرلك العار تخيل بعد وقت نجيبو صغار وانت تخش عليهم بالمنظر هذا بالله قولي ياحبي شن حسيت لما شفتني
علي حسيت بشعور أخيه لنم
أنا معناها حس بيا ياعلي لأنك تحمل فيا فوق طاقتي
انا مازلت ف بداية عمري ومن حقي نعيش مع راجلي حياة حلوة ونأسس معاه حياة كلها حب ود واحترام مش سكير ونكير مش بار هوا انت الى تعيش اللحظة ونحنا لا
علي بس دور السكرانة طلع عليك يهبل 😍😍 نعطيك ثلاتة نعم
أنا باش تعرف ان زوجتك امراءة خارقة العادة
علي العادة والتقاليد
انا 😒😒 اوسكت وسكر فمك
علي يحليلي ع الزنتانية قداش نحبها
انا ترا قولها بالتارقي كانك تعرف
علي اريقم
انا والله بديت نشك فيك ياقطوسي
علي ياقلبي انا الكلمات هدو حفظتهم زمان باش نعاكس البنوت بدون مايفهموني
انا يامتع البنات
علي ياليت الشباب يعودو يومآ
أنا برا حتى توا ماحد شادك
علي قطوستي تهبلي وانتي غايرة عليا تعالي هيا مغول عليك انا
انا قاعد فيك المرض هذا قصدك
علي هههههه خزي حق تفكرت حبي ف وحدة نابيك تكلميها راهي تابي تأخدني منك
انا من هيا هدي
علي هدي البنت كنت نحبها زمان وتزوجت قالت ماتبي تكمل مع واحد سكار
انا عندها الحق
علي حبي نحكي جديات راه نابيك تهزبيها
أنا اتصل خلي نتعرف ع ضرضتي
علي اهو يضرب وفتح السبيكر
زينب ألو
علي الو
زينب وأخيرآ
علي ف وحدة تابي تكلمك
انا الو
زينب اهلين
انا شن حالك
زينب الحمد لله وانتي
أنا شن بنقولك يعني وانا متزوجة علي اكيد حانكون بالف ترليون بخير وكان عندك سيولة زيدي من عندك
زينب علي راهو يحبني انا
انا حبي قولها انت حبيب مني
علي انا حبيب جلول قطوستي
أنا سمعتيه ولا يعاودها
زينب سكرت طول
علي والله منورة حبي
انا شن تقوللها جلول مفروض قلت مرتي وحبي الى نحبها ونعشقها ومانقدر نعيش من غيرها
علي اوسكتي خلاص وتعالي هيا نابيك انا
انا شن تابي
علي نقولك ع السرير
أنا هيااااا
بعد مرور سنتين
علي حبي نوضي هيا ياسرك نوم
انا خليني ف حالي امس مارقدت بكري
علي قطوستي رقم تنين قطوسي رقم ثلاته هجوم وكلهم فوق راسي مياو ماو مياو ماو مياو ماو
أنا خلالالالالالالاص هبلتوني انتو وبوكم
نور ماما هيا نوضي درنالك الفطور انتي و القطوس الى ف بطنك
احمد نوضي ماما
علي تي هيا قطوستي الحلوة محلاها وهيا تجري زي القطاطيس
أنا فرحان هلبة يعني
علي اكيد ياروحي ياقلبي انتي
انا سلم ماتعاني فيهم انت
علي شن اسهل منهم تعالي هيا درت انا وياهم الفطور
انا افطرو توا نجي غسلت وجهي واول ماخشيت للمطبخ عيطت
انا هذا شنو النيتو ضرب هنا ولاشني
علي تي خيرك تعيطي
انا حرام عليكم يابشر ياعالم شيبتوني والتجعايد دارو خريطه ف وجهي طلعتلي بطن رشاقاتي كلها راحت من وراكم دراستي بين الحياة والموت كل مانجي بنقرا يانحمل يانولد يانطهر يادايرة لمة ياناس دخلت امراءة النار ف هرة ارحمو من ف الأرض يرحمكم من ف السماء قريب نخطب بيكم انا
علي مازال ثلاتة ايام ع يوم الجمعه
انا تبرد انت فالح غير مغول عليك مغول عليك لين طلعت مني غول
علي حبي معاش تعصبي خلاص ماوتي
انا اسمع بنمشي عند زاهدة وبنرقد غادي وانت شد الصغار نبي فترة نقاهة مليت خلاص
علي حاضر حاضر حاضر قداش مولية مفترسة
انا خشيت دوشت ولبست وحطني عند زاهدة
علي ردبالك ع روحك
انا رنيت الجرس
مهند خالتي
انا اهلين حبيب خالتك
زاهدة اهلآ زارتنا البركة
انا تسلمي وخيتي الله محلاه حوشك كيف نظيف وهادي ولادك وين
زاهدة ف دارهم
انا اعطيني الوصفه للكائنات الغريبة الى عندي
زاهدة هههه عاد انتي ستعجلتي وحطيتيهم وراء بعض
علي تعالا ياأحمد خش للحمام
احمد الا مانبي نخش
علي يانور اطلعي من غاديكتها نجيك راه
نور طلعت ومدايرة الروج والمكياج زي ماما انا
علي تعالو جاي ياهمي الأحرف
زاهدة كلمي راجلك
انا خليه حاصل فيهم باش يعرف قداش نعاني
زاهدة صحة ليك وخلاص
علي ليش تبكو فوق راسي باهي
نور نابو ماما توا
علي يتصل بيا مقفل وطلعهم للمحلات وروح بيهم
ف الليل
زاهدة اتصلي شوفيهم حيين ولاميتين
انا لا خليه يتعذب
يستاهل فالح غير جيبي ضمي خليهم معاش تضربيهم صغار مايعرفو
زاهدة بكل الرجالة مافي شي شاغلهم
علي من التعب رقد وخلاهم جنبه
نور جابت المقص وقصت شعر بوها
احمد قرب منها وكان يبي المقص
نور ابعد امشي غادي وبدا يبكي
علي ناض عى صوتهم ويشوف للمقص تي هاتي جاي شن ديري بيه ويشوف للشعر تي شعرك قاعد شعر من هذا
نور هههه شعرك
علي حي ع امك وناض للمراية جري وقعد يشوف لروحه ومشالها وضربها هيا واحمد وبكو لين رقدو
علي مابعدك ياجليلة ورغم هكي نجي ونلقى الحوش نظيف والغداء والعشاء واتي فعلآ النساوين يتحملو اكثر منا مش من فراغ ربي حط الجنة تحت رجليهم
ف الصبح
نور وين بنمشو نحنا سيدي
علي للحوش جدك لبسهم ورفعهم
زاهدة صباح الخير
انا صباح النور
زاهدة شن حالك اليوم
انا الحمد لله رقدت رقدة من زمان مارقدتها
ورن الجرس
مهند خالتي يبيك عمي علي
انا جاي بروحه
مهند ايه
انا طلعت جري الصغار فيهم شي
علي جيبي دبشك وهيا للحوش توا
انا شن فيه خوفتني
علي هيا بس ولبست جري ومشينا
انا الصغار فيهم شي
علي لا مافيهم شي قاعدين ف حوش جدهم
انا الحمد لله طمنت بس انت فيك خاجة متغيرة لا مستحيل قصيت شعرك
علي اوسكتي ماتفكريني هدي نور خربتلي فيه
انا ههههههههه لكن تصدق طالع تهبل
علي حارقني شعري نحس ف روحي ابصر كيف تقول عريان
انا بالعكس طالع محلاك قطوسي
علي باهي انا مغول عاليك
انا نحدف روحي ياعلي من السيارة
علي نبصر عاليك حبي
وصلنا للحوش
علي هيا حبي ومسك ف يدي ودخلني
أنا اواغماه يعني هذا شن
علي هذا كله لحبي
انا الزينة والورد والشموع مش مصدقة
علي تستاهلي اكثر من هكي ياقلبي تعبتي معايا هلبة وتحملتيني هلبة وانا ماعمري حسيت بيك بس من اليوم ولادنا نربوهم عما بعض
انا ياحليلي منك حبيبي تهبل انت
علي تي نحبك ياقطوستي
أنا نموت فيك ياقطوسي
علي تعالي شوفي الكيكة شن مكتوب عليها نحبك قطوستي
انا تهبل
علي قرب مني هاتي بوسة ياقلبي
انا امممموواه
علي ربي يخليك ليا يامهبولة
انا ومايحرمني منك ياغبي
النهاية
الصبر هو مفتاح لكل شي واكيد مابعد الصبر الا الفرج وانك تواجه مشاكلك بالصبر احسن من انك تهرب منها وقتها حاتحس بطعم السعادة انشاء الله تكون عجبتكم ومشكورين ع كلامكم الحلو ودعمكم 😍😍😍
رأيكم
أنت تقرأ
الغبي و الهبلة ( روايات ليبية )
Romansaتعتبر من اجمل الروايات العاطفية تدور الاحدات حول علاقة حب تنشي بين شخصين مختلفين تماما في كل شي فهل يستمر حبهم ؟ للكاتبة : القطة الشريرة
