الغبي و الهبلة ( روايات ليبية )

حلقة 5🔥

#الغبي والهبله 5
علي طلع بعد ماغير دبشة وينك ياكلبة
أنا داسة روحي ف الدار وراء الباب وهوا يدور عليا
علي أطلعي وماتعصبيني راهو مانعرف شن يطلع مني
أنا قبل قول عليك الأمان
علي تي أطلعي قوتلك
أنا قول وعد مانقربك ولانضربك
علي يتبع ف الصوت أطلعي مش ضاربك
أنا قبل عطيني وعد مش حاتضربني نطلع
علي علقت عليك
أنا نخلعت وعيطت
علي شدني من شعري شن تحسابي روحك عيلة باش تلعبي عماي
أنا بديت نبكي والله هيا تبزعت بروحها حرام عليك تضرب فيا مش رجولة هدي راه ناسي عاطيني لراجل مش لعيل باش تحافظ عليا وتصوني وتكون سندي وأنت من أول ليلة ضاربني ع الأقل فوت أسبوع زوز وبعدين ساهل
علي طلق يدي وقعد يشوفلي
أنا حول بنمشي نغسل وجهي
علي فتحلي الطريق
أنا ههههههاي غبي تحساب حق يعني وهربت
علي يجري فيا وديني لويني قاتلك ياكلبة الكلاب
انا خشيت للحمام وسكرت ع روحي بالمفتاح
علي توا تشوفي لأمتي بتقعدي الداخل ياحيوانه
بعد مرور ساعتين
أنا وواك جيعانه ياريتني خشيت للمطبخ وسكرته ع الاقل لقيت مانأكل ولاخشيت لدار وكسدت ع التلفزيون حتى ظهري وجعني
علي هالفرخة المهبولة كان ماماتت ف الحمام
أنا خلي نطلع بشويا ونهرب لدار النوم وفتحت الباب بشويا وشفت يمين ويسار مالقيت حد وكيف بنهرب لدار يشدني علي من الخلف
أنا لاااااااا
علي علقت عليك ياكلبة بنقتلك تو
أنا والله هدا أسمه غدر
علي حاط فمه ف وذني تعلمته منك ياكلبة
انا يوم الى عضيتك طبعآ
علي عضني من رقبتي معاش طولي لسانك واوسكتي
انا حطيت إيديا ع ايديه علي أطلقني
علي زاد مسكني بقوة لدرجه حسيت النفس بينقطع توا بنعدبك اشد العذاب ورن الجرس
انا ياناس
علي حط ايده ع فمي تي اوسكتي تتكلمي نوقتلك وطلقني ومشى يفتح ف الباب
انا خشيت لدار النوم وساويت روحي وطلعت كانت سارة واختها مروة ومعاهم المزينة
سارة هيا نبدو
أنا ضروري المحضر هدا والبدلة الكبيرة ووواك
سارة ههههه تحملي اليوم بس
انا أحسن ع الأقل مانقابل هداك الحيوان الغبي وكملنا قبل العصر
مروة تبارك الله طالعه تهبلي
سارة علي البس الزبون باش تصور مع جليلة
علي جليلة من
سارة ههههه زيد تبرد ع اساس ماتعرف اسم مرتك
علي النم طارت من بالي لكن اسم كلبة طالع عاليها احلا
انا مانبيش نصور
مروة تي علاش هيا علي يراجي فيك
أنا خشيت للصالة
علي يشوفلي من فوق للوطة
سارة هيا أوقفي جنبه
أنا هوا الى يوقف جنبي
علي تي والله ماني مصور ف أمها حاجة اصلآ انا الحمار الى نسمع ف كلام النسون
مروة غير تي لاياعلي وسع بالك وهدي شوي
سارة تعالي ياجلول وحطتني جنبه وخدت الصورة الأولى
الصورة الثانية قابلو بعضكم وحطي إيديك تحت الكتف شوية
أنا سامحوني قلة الأدب ماليش فيها
سارة ومروة يضحكو تي خيرك
علي يصلو ع طرفك ياشيخة
أنا بشويا ع الأقل مانسكر
علي شدني من قصتني والله كان ماتسكتي لما نخليك صلعه توا
أنا لالالا الا شعري قريب الف جني حطيتهم فيه باش ولاملمسه ناعم صابوني
علي كملو بسرعه قبل مانطلع من عقلي
انا أطلع وسكر الباب المخ يضربه الهواء
علي حول شبشبه وطلع لسانه بغل والله كان ماتوسكتي نسكتك أنا
سارة لا ياعلي مايجيش هكي عيب
صورنا وكملنا ودرنا المحضر وبعد المغرب روحنا
انا الهم كيف بنحيه بروحي وقعدت نحول وواك خلي نادي هداك الغبي يحولي ومشيتله
علي يشوفلي
أنا تعالا حول معايا
علي وانا مالي ومالك بري دبري رأسك
أنا مش إنت راجلي ولازم تساعدني
علي تعالي أوقعدي وبدا يحول معايا
أنا محلاك وأنت مستهدي
علي مسكني من شعري شن قصدك
أنا مسكته من شعره جرب شعوري حتى أنت شعري نتفته
علي شوف الحيوانه أطلقي ياكلبه
انا أطلق نطلق
علي قوتلك أطلقي ولاليلتك غبرة
أنا غبرة ولاتراب أطلق نطلق
علي طلقني وانا طلقت ونزل فيا ضرب
أنا بكيت لين رقدت ف الصالة
بابا الحوش فاضي من غير جليلة
ماما والله كرهته الحوش مخليا مكانها
الساعة 2 علي طلع من الدار ولقاني راقدة ع الأرض وخاشه ف بعضي من الصقع
علي تابي تمرض الكلبة هدي و نوقعد نعاني ف امها جابلي بطانية وغطاني
بعد مرور أسبوع
علي وين الغداء
أنا توا نوض نقليلك بطاطا
علي كأني ماسمعت شن تقلي تي نوضي يعطك تل تحسابيني فأر نوضي طيبي
أنا مانعرفش نطيب
علي قتلك نوضي
أنا نضت خشيت للمبطخ وقعدت ساعة نقرض ف البصلة وقعدت نحرق لين نحرقت الحريقة
علي تي هدا شني شن هالريحة ولقى الطنجرة دخن
أنا الطنجرة دخن ف الحشيش
علي سلب شبشبه وحدفه عليا لكن الحمد لله جاء ع الدولاب وطلع وهوا يسب
أنا يحسابني خدامه
فات اليوم وعلي ماروح لعند الليل خش وهو يغني قلبي يانا يانا قلبي وخشلي ف الدار وكان يتمايل يمينآ ويسارآ
أنا
أنا هذا سكران ياغبارتي
علي انتي يادبة شن ديري هنايتها بري روحي عندامك أنا مانصلحش بيك
أنا هذا بدا يعترف وفتحت تسجيل الصوت خايف عليا منك ولاشن
علي يابنت أنا مانصلحش بيك أنا واحد مش كويس انا واحد عافن
أنا تبي الحق الحوش عاجبني ومانبيش نسيبه
علي وصوته ثقيل ومرخي كلبة انتي والله الا كلبة تبي القتل
أنا برا دوش وتعالا أرقد
علي قرب مني شن تحسابيني عيل وبدا يضرب فيا
أنا دفيته وخشيت للدار الثانية هالحيوان مرمجني لكن مسكين أكيد فيه شي خلاه يسكر ووووه قداش مابديت نفكر فيه زعما يصير زي المسلسلات ونحبه ولانروح مطلقه هالفرخ هذا مش عارفة شن أخرتها معاه
أيوب ااااه وخلاص وين جليلة توا وشن مدايرة أكيده فرحانه مع راجلها ضيعتها ياأيوب تستاهل
ف الصبح نضت وخديت دورة ع الحوش وولعت البخور
علي ناض وهوا راسه يوجع فيه دوش وطلعلي انتي يافرخه طفي ام السحر الى ديرو فيه النم وبدا يفتح ف الرواشن
أنا خيرك ع الصبح هدي الروائح تعطي طاقة ايجابية وتبعت ف النفوس المودة والألفة والمحبة
علي ضميلي فمك ع الصبح الأغبر
أنا ضميته وقعمزنا نفطرو
علي صبي قهوه والطاسة مدها ليا بعيد عن فخاده
أنا شادني الضحك ومش قادرة نسيطر ع روحي
علي طلعيها توا تنفجري وانتي تعصري ف روحك
أنا ههههههههههههههههههههههه خايف ع فخيداتك
علي ضمي فمك كلبة وحدة توا نصبها ع وجهك
أنا بعدين حايبدا فيها قطع الروس وتربن تربن تتتا
علي تي شني تقولي النم
انا موسيقة هتلر متع الحرب
علي أفطري واوسكتي مكثر دوشتك
فات أسبوع وعلي كل ليلة سكران ويجي يضرب فيا ويسب
انا خلاص تحملت أكثر من اللازم وهوا الحيوان مايبي يتحشم ع وجهه لازم نأدبه
علي أنا طالع راه ومش جاي للعشاء
أنا ااااه يابطني بنموت ااااه
علي تي خير مصيبتك يادعوة توا كان مابيك شي
انا بطني شكلي بنولد
علي تنفسي باهي ياعن لخبطتي أمي ياكلبة الكلاب نوضي نرفعك للعيادة
أنا لالا ليش العيادة والتكاليف أرفعني للسرير توا يبدا حالي باهي
علي نوضي هيا
أنا مسندة عليه وطحت لوطة مش قادرة نوقف وبديت نبكي
علي حن فيا وتغيرت نبرة صوته هيا نوضي
أنا مش قادرة ياعلي
علي حاول يرفعني بس ماقدرني لأني دبدوبة وهو ضعيف وبعد محاولات منه وصلني للدار وحطني ع السرير
أنا ماتطلع خايفة نموت بروحي ومانلقى لمن نقول وصيتي
علي تي ضمي فمك موت شن ووصية شن ريت هاالأملاك الى عندك
أنا والحوش هدا لمن مش ليا
علي مش وقته العراك ياعن ضمي فمك دهبتيلي شيرتي ومشى للمطبخ
أنا هاتي بوسة اامواه اامواه انتي المفروض يديرو نصب تدكاري بأسمك جليلة الفنانة القديرة ولا الفنانة القديرة جليلة تي اما منى واصف واما صباح الجزائري اول مانبرا بنشوفلي دور ف باب الحارة على الأقل نمرض عند ابن عمي
علي خودي أوشربي مية
انا شربتها وكملت بكاء
علي نوضي نوضي نرفعك للعيادة
أنا لا مانبكي من الوجع نبكي ماهو خايفة نموت
علي وقاعدة تتكلمي ع الموت تي سكريه فمك وحشالي فيه كلينكس وقعد جنبي نكلمك خواتك
أنا لا
علي رقد جنبي وفتح تلفونه ونشوف فيه يلعب
أنا هدي بوبجي
علي ألهي ف بطنك مادخلك ووواك قتلوني الكلاب
أنا هات نوريك كيف تلعبها
علي تعرفيها
أنا ايه كنت نلعب فيها مع ولاد عمي
علي انتي خاشة حتى ف التريس علاش تلعبي معاهم ياكلبة والله كاني خوك دفنتك
انا وشن فيها تعرف ستاحشتهم
علي شدني من شعري
انا احيييه انا مريضه
علي نسيت لكن مازلتي تعاودي أمها نقتلك النم
انا بنظرة براءة نحاول
علي فنص فيا
انا تي باهي ياودي ونسيت اني مريضة وقربت عليه وقعدت نتفرج عليه كيف يلعب
علي ووواك النم قتلوني تي حولي راسك مكبره هوا الى غلطني
انا لأنك غبي وماتعرف تلعب
علي ضمي فمك تعالي شوفيني ع ارض الواقع والله مايقدرني واحد
أنا نبي نشوف ف اللعبة
علي يامبروك نابي دخيرة ياراجل
مبروك تعالا هنايتها فيه وقتلوه
علي...... الاحرف
أنا عطيني بالله نوريك بس
علي مدلي التلفون توا نشوفوك
مبروك نزلنا ف الحاويات وطبعآ مسكرة المايك وبديت نلعب
علي منسجم معايا ومركز
مبروك ايوا عليوا والله الى منور ياصقر
أنا بدون لاوعي فتحت المايك مبروك دورلنا سيارة
علي يتبع