الغبي و الهبلة ( روايات ليبية )

حلقة 4🔥

#الغبي والهبلة 4
أنا ياربي العرس بيبدأ ونهايتي ارررررربت ع قولت ابو محمود متع باب الحارة لكن مادخلي المهم نحرق قلب أيوب الحقير خسارة مشاعري الى عطيتهمله والكلام الحلو الى تعبت فيه وانا ننسخ ونبعت استهلك كل طاقتي وتوا كيف بنعيش مع هذاك الغبي هوا صح طرف ويهبل وشعره أنعم من شعري ايه حق زعما يستعمل ف زيت فاتيكا ولادبر أملا كاني قعدت حيه بنسأله
علي زعما البنت كيف شكلها تي ان شاء الله حتى قردة المهم نزوز وتعرف زينب انها مش واقفة عاليها معقولة بعد حب سنين تقولي مانزوز سكار تي باهي تزوزنا وغيرتيني النم ليش التجريح
ماما جلول تعالي إجري
أنا نعم
مع كروت العرس وصلو
أنا ترا نشوف تي هدا شن ياماما
ماما خيرك
انا شن الهبال هذا تتشرف عائلة ....... بدعوتكم لحضور حفل زفاف كريمتهم جليلة الموافق ...... ودامت الافراح ف دياركم عامرة ياماما هدي دعوة زفاف لعجوز ميت رجلها وبيجوزها لواحد مجلوط
ماما مالا شن تبي ياحنه
انا المفروض بالإنجليزي الدعوة باش مايجو هلبة
ماما والله وانتي شن دخلك فيهم
انا ياماما شن كريمتهم ليش ماكتبتو جنبها نيفيا ولافازلين الناس تكتب اميرتهم دلوعتهم ابيات شعر ووواك وخلاص الواحد يتزوج مرة وحدة ديروله حاجه باهية
ماما مازال ثلاته ايام ونفتك من لسانك الأحرف
الحوش زحم من الاقارب والجيران
انا صفاء تعالي شوية
صفاء نعم
أنا نبعتك عادي ونعطيك خمسة جني
صفاء باه
انا بري للمحل الى جنبنا تلقى واحد اسمه ايوب أعطيه الورقه هدي دسيها وكان سئلك حد وين ماشيه قولي ماشية بنشري كرت لجليلة
صفاء باهي
انا حبي وصلت للمحل ولامازال
ايوب كيف درست نبي نعرف شن هيا الهدية حبي
انا مفجأة ياقلبي هدي
أيوب توا نشوف المفجأة متاعك شن هيا
أيوب كان زميلي من الثانوية ف الأول انا حبيته بس هوا معطاني وجه وبعد حبني حتى هوا
بس انا قعدت ف الشهادة وهو نجح ويقرا محسابه ف الجامعة
أنا البنت صغيرة لابسة قفطان أحمر
أيوب أهيا كيف خشت للمحل
صفاء السلام عليكم
ايوب قرب منها بعتاتك جليلة
صفاء ايه ومدتله الورقه
أيوب فتحها وقعد يقرا ويعاود يبي يفهم شن هوا الى قاعد يقرا فيه وتصل بيا
أنا حلوة المفجأة ياساقط يامتع البنات اسيل ورده سلسبيل سهى سميرة نهال اكرام وقداش بنسميلك مازال هدي اخرة حبي ليك انا كنت نحب وحدة بس لقيتها تخون فيا مع واحد تاني وفقدت الثقه ف الحب بس حسيتك غير عنهم ورجعت نحس بالأمان معاك انتي هذا كلام من مش كلامك ياجيعان بنات العيل بس الى يدير هكي ويتشكى ويدحنس بس الحمد لله ربي فضحك ووراني حقيقتك الى كنت مخدوعه فيها
أيوب غير أسمعي انا ايميلى تهكر
انا هههههه اعطيني صحة وجهك نقابل بيها ياخسارة ياأيوب فعلآ صدق الى قال مش كل دكر راجل لأن كلمه الطير تجمع بين الصقر والدجاجة لكن جاني الى أرجل منك ونوعدك حانعيش معاه أسعد انسانه ولو لقيت انت الى تحبك زيني وتصونك وتحافظ عليك وعد حانطلق وتوا تشاو ياخاين وطوط بالحمرة وحظر ودخلت للحمام وقعدت نبكي وبعدها قعدت نشوف ف المراية لقيت روحي مش حلوة كيف نبكي وقعدت كل مرة ندير طريقة للبكاء والحمد لله مانجحت معايا ولاوحدة غسلت وجهي وطلعت
طارق شني مني ياصقر
علي اليوم نابي ننسى الدنيا نابيها ليلة فقدان
طارق الله أكبر موعدنا الليلة معناها
جت يوم الحنه ولبست البودري الى يغنو لبس البودري محلاه وكل بنيه تتمناه يطلعن ف الإشاعات لبسته انا وماهو حلو قعمزوني ف الخيمه
حياة شن ديري
أنا حولي بنشوف التيوتا الى تسطرب ف الخيمه
حياة هههه تيوتت شن هدي نجاح بنت حليمه
انا بنوض نرقص معاش قادرة نتحمل
حياة مهبولة انتي شن تبي الناس تقول عليك
انا عرسي والله بنوض نهيج من 2001 ماحضرت عرس
حياة تمقعدي وسكري فمك
انا شوفي تهاني كيف مكياجها مبقع تقول صابين عليها وراكينة
حياة ههههه
حنيت ودخلوني الداخل وفات يوم الحنة بسلام
جاء يوم الخميس ودقات قلبي بدو يتسارعن ومدايرت عرس الداخل وعازمين الطحال والبنكرياس والقفص الصدري مداير خيمة
طلعنا الصبح ومشينا للزنتان ومن غادي مشيت للمزينة
انا يلعن ابو الأعراس على الى يبي يعرس تشحيط وجوع ومكياج
حياة الى يبي الورد يتحمل
أنا ااااحييه جبهتي حرقتيها
المزينة انتي تتحركي هلبة اهفتي
كملنا المغرب وبيب بيب لين وصلنا للخيمه قعدت ع الكوشه
انا اااححححح ااااااح
سارة خيرك
انا الكوشة ساخنة
سارة ههههه تي خيرك إنتي ماشدك خناق العرايس
انا خناق العرايس بيشدني بعدين وبيدبحني
طبعآ نحنا ف عادات الطوارق العروسة هيا الى تخش ع العريس بس بما إنه انا متزوجه من العرب بنمشي ع عاداتهم ياريت انا الى خلوني نخش عليه ع الاقل نقدر نهرب ولانسكر عليه الدار الداخل مش هوا الى يخش عليا ويحصل عليا
دخلوني لدار وانا نقرا ف اية الكرسي والمعوذات قعمزوني ع السرير وطلعو
ونسمع ف الباب طربق وصوت مشي وبعدها نسمع ف صوته يقرب يقرب
انا وقفت وقعدت نشوف يمين ويسار وين بندس وين بندس روحي وفتح الباب