الغبي و الهبلة ( روايات ليبية )

حلقة 8🔥

الغبي و الهبلة 8🔥

أنا حق
علي تعالي معايا وإنتي ساكتة
أنا بشويا مش قادرة نمشي عظامي يوجعو فيا هذ الى بيدير الخير شن يلقى ومش قتلك لما تضرب اضرب ع اليسار اليمين طاب
علي وقتها عيوني مضروبات ف بعض مانعرفش
أنا حتى وإنت سكران غبي
علي باهي خلاص زودتيها الزح
أنا وين تلفوني نكلم بابا
علي باهى وإنتي دليتيني النم ارقدي توا
انا مانبيش نرقد مرات تطلع وتروح سكران
امس بعد الطريحة الى عطيتها ليا خفت نموت مشيت غيرت دبشي ولبست عبايتي ووشاحي باش كان طلعت فى 218 يقولو خبر عاجل المغدورة المسكينة المؤمنة الصادقة ماتت وهيا ترتدي الحجاب دليل ع ظلم زوجها لها وضربها حتى الموت عندما كانت تصلي
علي شن تحسابيني كافر امالا
أنا مالا شني
علي أنا قطوسك
أنا بسبس
علي ماو ماو
أنا شن تقول
علي ترجمي للقطوسة هديكا لكن انا لا
انا ماهو هديكا لغتها مفهومه انت لغتك مكسرة مش مفهومه
علي قوتلك بنرقد بحداك
انا لا القطاطيس يجيبو ف المرض
علي ع كلمتك هدي بنرقد فوق منك
انا لالالالا والله نتوجع الله ف واحد غبي ضاربني امس
علي من هوا الحيوان يعطيه كسرة والله كان مانشده نقتله
أنا نشوفله تقول مش عاليك الكلام
علي انا قطوسك توا معاش محسوب ع الناس التانية وبنقولك الكلام الزنتاني طالع منك يهبل
أنا احم احم عارفه أصلآ نعرف زنتاني أكثر منك
علي ترا سيول (معناها تكلمي)
انا عندك عرق ف التوارق انت
علي صحابي التوراق
أنا باهي مليح
علي يلعبلي بشعري
أنا حول يدك رزيتني فيهم هاشعرات ولابتكمل باقيهم
علي كل مانشد فيك منه يدي تعلق الداخل
أنا احمد ربك تطلع سليمه
علي قصدك الموضوع كبير الداخل
انا اكبر من مشكلة أزمه ليبيا
علي لا هكي هلبة
انا غير توا نمشط فيه قبل مانتزوجك كان يبكي ويترجي فيا نمشطه
علي ياساتر
انا بنسألك وجاوب بصراحة وفكني من جو من ربي هكي شعرك شن تستعمله
علي من ربي هكي
انا وواك غير هيا
علي رسمي ندوي عماك من يوم يومي هكي
انا تستعمل ف زيت السيارات وتقول من ربي طروح متع الولاد وضرب تلفوني
أنا ألو
زاهدة اهلين شن حالك
أنا تمام وإنتي
زاهدة الحمدلله
أنا دوم ياربي
علي يعض فيا من ودني
أنا نفنص فيه
زاهدة قتلك
أنا ههههه علي يدغدغ فيا
زاهدة خيرك تضحكي
أنا جت لقطة ف التلفزيون ضحكتني
زاهدة اسمعي بنجوك انا وزهراء اليوم ومتغدين
أنا سامحيني وخيتي انا قاعدة عروس وما نستقبل ف الزيارات
زاهدة قهرتك خلاص قدمتي توا ليك شهرين وقريب تجيك الضرة
انا من يجيب عليا الضرة ان شاء الله علي كان تشوفي كيف مدايرته زي الخاتم ف صبعي
علي عضني بقوة
انا اااااي
زاهدة خيرك يافرخه
انا القطوسة عضتني وشديته من شعره بقوة
زاهدة غير وتي روحك
انا خليها وقت تاني معزومه ف حوش عمتى دهيبة اليوم
زاهدة تفو ياواطية لزان عيني عينك اصلآ الحق فينا حنا الى بنسألو عاليك
انا توا نجيكم انا باهي سلم وخيتي مش تزعلي
زاهدة تمام هيا باي
انا باي
علي ليش كدبتي عاليهم
انا ويجو يلقو منظري هكي شن بيقولو عليا
علي أسفة مرة تانية ووعد معاش نقربك ولانمد ايدي عاليك
انا جرب باش نقطعها انت ماتعرفني لما نعصب تجيني قوة خارقة
علي ياخطيرة إنتي وقعد يدحنس عليا زي القطوس
انا خيرك حول
علي ماو ماو
أنا خيرك ديما تقول ف زوز ماوات قول واجدت
علي انا نابي نعرف الكلام من وين تجيبي فيه
أنا عندي خزنه خاصة ف دماغي تفتح بالنمط فيها كل الكلام الى نقول فيه
علي عندك فيس الداخل
انا عندي حتى سناب شات دماغي ديما يصور بفيس الكلب
علي معناها حق إنتي كلبة
انا تدكر لما ضربتك بحكه التن وانت تربط ف الكلب
علي ايه ياحيوانه وضحكتني كلمه ضميرك طاح منك ضحكت عليها لين قريب متت
أنا قداش كنت مانحبك درهلي ف كبدي
علي وتوا
أنا كانك بتقعد قطوسي بنحبك وكان بتسكر بنكرهك
علي ماو متاعك أنا بس
أنا قطوسي المدلل
علي تعالي ف حضني خلي نرقدو
فاتو أيامات وانا عايشة احلا ايام مع قطوسي
علي وتي روحك كان بتمشي عند اماليك
أنا بجديات
علي نغير راي راه
أنا جري بنمشي نضم دبشي
علي مقعمز ع السرير ويشوفلي كيف فرحانه
علي نمشو ونجو ف نفس اليوم
انا مالا مش ماشية
علي علاش ياكلبة
انا شن نص نهار تحسابني ماشية للمدرسة
علي ماهو مانقدرش نقعد يوم من غيرك
أنا تعود
علي راهو كان تعودت بنمشي نتزوج
أنا جرب وربي نقتلك
عليك ترا وريني كيف بتقوتليني
أنا القطوسات يقتلو فيهم بالسم
علي خزي عاليك بدال ماتقولي تعال نوريك ودفيني ع السرير وتبوسني ودلعي الجو
انا تحسابني يسرا ولاروبي
علي انتي قطوستي
انا مياو مياو
علي ههههه بنستاحشك ياكلبة
انا الإستيحاش يولد المحبة بين الزوجين ومايخلي حياتهم مملة
علي يولد تؤام مش المحبة
أنا الله أكبر اهو تعلمت البرادة
علي من عاشر قوم
أنا عاشر لاتاسع
علي من يقدرك انتي ليك عاد
أنا نفتحلك كورس كان تبي
علي نبي تخصص الصياعة وقلة الأدب انا بس
أنا من عيوني بس جيب الورق المطلوب اسم اسامة بلادن الكامل و رقم ترامب ومواليد ام زكي مش ف الواقع ف المسلسل متع باب الحارة وجيب صورة أحلام لما خشت لصف الأول واسم المصور
علي خلاص خلاص معاش نابي وجاء حضني والله بنستاحشك ياهبلة يامجنونه
أنا اسمع ردبالك تتهور وتنتحر مش ناقصة ذنوب أنا
علي غير اسمعي نابيك الليلة دلعي الجو شموع وعشاء حلو باهي
أنا حاضر
علي باسني من فمي باي ياعمري
أنا بديت رومانصي هلبة
علي رومانسي مش رومانصي
انا رومانصي هدي البلص متع رومانسي
علي غير دلعي الجو بتشوفي الرومانسية ع أوصولها
أنا تمام
كملت ضمان الدبش ونضمت الأمور ودرت العشاء ماقتلكم بديت نطيب والحمد لله قريب نولي جليلة العالم وننسخلكم كتاب خاص بيا لطبخ
انا فاتحة الدولاب شن نلبس شن نلبس الأحمر لا مغري هلبة الأخضر لا نولي زي اشارة المرور برتقالي لانخاف يدكر اغنية يالبرتقالة الأصفر لا مرات يقعد يغنيلي انا الموزة احسن شي نلبس الأحمر وندير جو المصريات باش لما نسافر يقعد مستاحشني
نظمت السفرة وجهزتها وولعت الشموع وتصلت بيه مقفل
ودكرت هديكا الليلة زعما ياجليلة يديرها وبعد نص ساعة جاء علي
أنا مشيتله ماو متاعي واخيرآ رجعت
علي هيفاء وهبي مرة ثانية ههههه بالأحمر طالعه زي البندورة الحمرا المزروعه بين الخضرا تأكل مني لاتشبع هههه ارقصي خيرك