#الغبي والهبلة 3
بابا شن صار
ماما وافقت غريبة بدون ماتعرف من هوا قالت المهم انتو تعرفوه
بابا ان شاء الله خير
ف الصبح
انا يارب ناجحة يارب ناجحة
ماما ثلاثة سنين ف الشهادة الثانوية حشم حالك
انا تشوفي فيهم يأخدو بالوجوه شن تحسابيهم كان مش المصور الحيوان الى مقرب الصورة ومكبرلي خشمي راهو توا نحضر ف الدكتوراه
ماما غير ضمي فمك وشوفي كان طلعت والا لا
بابا فتح الباب
انا مشيتله نجري شن صار
بابا والله شن بنقولك يابنتي
انا عيوني تعبو دموع وكيف بنبكي
بابا ناجحة
انا حضنته وأخيرآ
ماما الف مبروك كلموني خواتي وباركولي وأخيرآ بنخش ف الطب ياالله واخيرآ بنحقق حلمي ولما يخشلي مريض نقوله قول ااااه وانا نرد عليه ياسهر الليالي واخيرآ
زاهدة اهلين خالتي دهيبة
دهيبة اهلين بيك شني حالك
زاهدة الحمد لله بخير شن حال خالي إسماعيل وسريوة
دهيبة تنشد عاليك الصحة كلهم ف نعمه
زاهدة بخصوص موضوع جليلة هيا موافقة
دهيبة تزغرط يبشرك بالخير يابنتي وان شاء الله ف اقرب وقت بنمشولهم
زاهدةتفضلو مرحبتين بيكم
ماما هيا نوضي يابنت
انا بسم الله وين نوض
ماما مش بتتزوجي نوضي للمطبخ وإحدفي الهم من إيدك
انا شن بنتعلم الدحي نعرف نطيبه والبطاطا نقلي فيها وحكه التن نفتح فيها
ماما هذا ف حوش بوك اما ف حوش راجلك هدا مايمشيش ولابتعبي ع خواتك غادي
انا شن دخلهم خواتي
ماما ماهو بتسكني معاهم ف نفس البلاد
انا😱😱😱 قصدك العريس زنتاني
ماما لا تركي وشعره اشقر
انا ماما فوتيها البرادة توا
ماما جبرتك ع حاجة لا قتلك تزوجي بالسيف لا إنتي بروحك وافقتي وقلتي كأنكم تعرفوه انا موافقة ودرتي جو بنات باب الحارة
انا جيبي موس وإقتليني ماما ارجوكي
ماما اسمعي يابنتي الموضوع مايستاهل انك تخافي ولاتعقدي روحك خيرهم الزنتان ماناقصهم شي مش لأنهم عيلتي بس ناس كويسة وتفزع وطيبين
انا يحبسو ف المراءة ومايخلو فيها تقرأ ومايطلعو وديما محبوسين
ماما لالالا هذاك زمان الجيل الأول بس توا الدنيا تغيرت
انا مش مقتنعه بيهم ياماما كلميها المراءة وقوليلها بنتي مشلولة وفيها جميع الأمراض المعدية
ماما شني لعب ولاد هوا اسمعي يابنت راهو نزعل منك تبي تسلخي وجهي قدام الناس
انا خشيت للدار وقعدت نبكي وبعدها سكتت شوية ورجعت نبكي وقررت نفتح ايميل أيوب ولقيته يراسل ويتمعشق
أنا هالحقير والله لما نحرق أعصابه يحساب واقفة عليه والله لو نأخد سوداني المهم نحرق قلبه
فاتو أيامات
ماما نوضي عطك مرقد عبو عليك بتفتحي حوش وبديري صغار اليوم جاين بيخطبوك رسمي وإنتي تترقدي
انا وكان هذا شن جاينا رؤساء العالم
ماما نوضي وعاونيني
انا اااوف وخلاص يارب تطلع جنازتي اليوم مش خطبتي
ضمينا وهالضمان مايتفكروه الا ف الأعياد ولاقبل رمضان والا قبل السفر وبعد السفر ولما تجيك خالتك الى عايشة البرا وباقي الأيام يحسسوك كنت عايش ف زريبة
انا اسمعي من توا لانبي نظرة شرعية ولانبي نكلمه ولانبي نطول ف العرس وقوليلهم قرايتي ثم قرايتي ونشطيلي روحك وديري لسان
ماما تشوفي فيه الصحن هذا نكسره ع رأسك
جو عماتي ومانعرف ليش جايات أصلآ وبناتهم الى يجيبو التوحد
ماما اهما وصلو
خشت دهيبة ومعاها سارة ورحبت بيهم امي
انا نمد ف راسي نبي نشوفهم
حياة هيييي ياهبلة توا يشوفوك ويقولو من الهبلة هدي
انا خليني نشوفهم
حياة لاتوا تشوفيهم
انا قداش ماتحبو جو النفاق وشن فيها الواحد يقعد ع طبيعته
حياة انا بنمشي نسلم وأنتي ألحقي بالعصير وردبالك تتمرعشي وطلعت
انا يارب البنات كلهم عايشات عشان اللحظة هدي يارب رعشة بسيطة ضحكه خفيفة لامش ضحكه ابتسامه خفيفة ونطلع حلوة ف الصور والعريس يكون سمح ومايقول نابيها يارب يارب يارب امين بسم الله ورفعت السفرة وكنت نتمختر ونسمع فيهم يهدرزو ويضحكو
ماما اهيا جليلة
سارة جلول
انا وقفت ومصدومه هدي دهيبة ولاشبيهتها ولاانا نحلم لاياربي شن الى قاعد يصير
ماما جليلة خيرك
عمتي فريدة متحشمه شكلها
انا قربت ومديت العصير ومانعرف كيف سلمت
سارة قعدت جنبي وتسأل فيا ع احوالي وانا نرد بأيه ولا زعما كيف الرأي بالك بيخطبولي خوهم الثاني
دهيبة علي مستعجل والعرس الشهر الجاي
انا عطيه بلا وخلا هذا شكله مشعوذ لأنه قالي نهايتك ع إيدي وبيقتلني وبنطلع ف218 وليبيا الأحرار مقتل زوجه ع ايد زوجها مسكينه ياأنا لكن شن بندير
المهم درنالهم غداء وتغدو وقالو شروطهم وقلنا شروطنا وفات اليوم وانا نفكر كيف بنتزوج هذاك الغبي
ف الليل فتحت الفيس بعد ماسكرت من أيوب قبل نسهرو لصبح بس بديت نوزع فيه الحقير السافل قداش ماكرهته وفتحت الفيس ومشاء الله بنات ليبيا كلهم يحبهم وطلع مش زي الولاد وشريف وعفيف وكان يحارب مع خالد بن الوليد
انا نقرا ونسب فيه ومرات نبكي
طارق تي شني ياصقر خلاص معاش تعدل عالينا ربطوك
علي تي شني ربطوني تحسابني معزة تي عيب خوك طير حر
طارق مش تزوز وتفوت الجو راهو نابيك علي الأول مش مراء وصغار ومسؤولية
علي تي بنخليها تغسل وطيب وتكنس والسهاريات كلها عماكم فقدان لصبح
طارق توا نشوفو
انا نوتي لعرسي
ماما شن بناخدو
انا الكفن
ماما شن حسك قلتي
انا ماما انتي ماتعرفي تشري خلي هدوك العاهات يطلعو معايا
ماما تعرفي تسكتي هدا عقابها مانعرف نشري ياما لبستك وطلعتك احلا وحدة
انا ايه تقول جاية تهريب من بكستان
شريت كل شي ناقصني وانا نفكر كيف بنعيش مع علي
علي يشطب فى حوشه
أيوب خيرها متغيرة والله ماكانت هكي والله نحبها الفرخة من دون العارهات الى عندي
يتبع
أنت تقرأ
الغبي و الهبلة ( روايات ليبية )
Romanceتعتبر من اجمل الروايات العاطفية تدور الاحدات حول علاقة حب تنشي بين شخصين مختلفين تماما في كل شي فهل يستمر حبهم ؟ للكاتبة : القطة الشريرة
