#الغبي والهبلة 9
أنا هيااااا قتلك
علي تي كيف درت الشامبو اصبري
أنا ووواك ياعلي مبردك راهو بنمشي اليوم يعني بنمشي
علي النم عليك فرخة عنايدية وبعد نص ساعه طلع
انا طيبلك هيا بسرعه
علي تي باهي النم بنمشي نعبي بنزينة
أنا ياعلي يانم راهو نمشي ع رجليا
علي كلبة كلاب الحق فيا الى مانبي نفارقك
أنا هيا حبي هما يومين بس
علي اطلعي درقي وجهك
انا نحبك ياماوي
ف الطريق علي شاد ف ايدي بنستاحشك النم وانتي ماشية لاتقولي راجلي من بيوكلها ومن بيرد باله عليه
انا حبي مستاحشة لحوشنا
علي كذابه غير تابي امك تقولك بنتي وشن حال راجلك
انا ايه ماهو امي ديما تعزر فيا نبيها تشوف بنتها كيف كبرت وعقلت
علي العقل ربي يجيبه
أنا قريب نوصلو
علي وقف السيارة
انا خيرك
علي بنروحو
انا علي يافرخ
علي ضمي فمك ياكلبة راهو نديرها
انا لاحبي هيا
علي اهو وصلنا إنزلي هيا
أنا وأخيرآ ونزلت جري قعدت نرن ف الجرس
بابا جاي وفتحلي
انا حضنته بابا
بابا ياهلا ياهلا انستو تفضلو تفضلو
خشيت سلمت ع ماما وهدرزنا هلبة
بعد الغداء
علي هيا روحي عمايا النم شن بيوصلني
أنا ياروحي انت ردبالك من روحك باهي
علي باهي باه منورة ياكلبة
أنا حبي هما يومين ونروحلك ومعاش نخليك الى الأبد
علي باهي هاتي بوسة
أنا لا توا يجي بابا
علي هاتي ولاتعرفي شن ندير
انا بوسته
علي خلاص معاش ماشي
أنا ههههه أقعد قطوسي
علي ياريت قطوستي لكن توا نرجعلك باهي
انا باه ودعته وخشيت
ف الليل
علي ااااه منك ياقطوستي مستاحشتك
أنا حتى انا واجد
علي شن بيصبرني
أنا حبي توا بنتخيلو رواحنا مخطوبين لأني ماعشتها الفترة هدي
علي ههههه شن حالك ياخطيبتي شني عجباتك الدبلة
أنا ايه تهبل
علي شن تحبي وشن تكرهي واحكيلي عاليك أكثر
أنا نحب قطوسي ونكره فراقه
علي النم قتلك ماتمشي لكن انتي كلبة اهو مرقد قطوستك جنبي
أنا ردبالك منها
علي وانا منو بيا النم وكملنا هدرزة للفجر
الظهر
علي الو
المتصل السلام عليكم
علي وعليكم السلام
المتصل علي ........
علي ايه تفضلي
المتصلة أنا زينب
علي زينب مني
زينب انت تعرف بالزبط مني زينب
علي شن تابي
زينب نابيك انت
علي ههههه ومن قالك نأخد ف الفضلة انا
زينب انا عرفتك قيمتك ومانسيتك ولالحظة وطلقت لاني ماقدرت نحبه زي ماحبيتك
علي مش مشكلتي
زينب نبيك تفكر ف حبنا ودكرايتنا عما بعضنا ياروحي ونرجعو لبعض شن رأيك
علي رأي توا نقولهولك بعد يومين ثلاثة
زينب تمام وتوا نخليك
علي سكر عليها
زهراء اختي حتى لحقتني لحوش بوي وغيرت جو بين حوش عمامي والجيران وصاحباتي احلا حاجة بعد تتزوجي العزايم كل مرة يعزمك حد
زهراء غدوة مروحة انا
أنا والله بنروح معاك
زهراء ستاحشتي راجلك
أنا مش غير ستاحشته
زهراء لاحشمة لاقدمه
أنا قوزي قوزي ياختي
زهراء خلاص وتي روحك امالا
طارق شني ياصقر لينا هلبة ماشفناك ياودي
علي اهو خدمة وخلاص
طارق شني مني مافيش سهريات لاشي
علي لاخلاص ياراجل
طارق باهي خودلك هدي أمس حصلت زوز قلت والله وحده ليك وسميتها عاليك
علي اووو هدي النوع المليح
طارق ماتغلى عليك يابرو
علي منور ياصقر
ورجع للحوش
انا ضميت دبشي ونظمت أموري ومشيت للمحل شرتله هدية
علي خلي اليوم ندلع روحي قبل ماتجي قطوستي
يتبع#
أنت تقرأ
الغبي و الهبلة ( روايات ليبية )
Romanceتعتبر من اجمل الروايات العاطفية تدور الاحدات حول علاقة حب تنشي بين شخصين مختلفين تماما في كل شي فهل يستمر حبهم ؟ للكاتبة : القطة الشريرة
