الغبي و الهبلة ( روايات ليبية )

حلقة 7🔥

#الغبي والهبلة 7
أنا اي شي المهم ماتخوفني زي هدوكا الناس
علي مركز معايا هلبة
أنا هيا شن بدير
علي مش مداير شي تغري فيا ياكلبة مرزرز أنا لكل شي
أنا حطمت فؤادي يازوجي العزيز ومسكت يده تعالا اليوم طيبتلك الغداء وأحلا غداء حاتاكله
علي الجنون هدو فيهم الخير والله غيروك هلبة
أنا معاش تقول جنون اسمهم مسعود وبركه
علي مشاء الله ومسلمين ثاني
أنا هيا قول بسم الله
علي تي هذا شني
أنا عجبك صح
علي تي هذا رز ولا لحوس صغار كان
نسبكه يولي عصيدة
أنا حرام عليك درته هكي باش مايخنقك
علي مشاء الله وهذا شن الى فوقه
انا كاكوية
على حط ايديه ع رأسه الله أكبر رز بلاو بالكاكويه
أنا هيا قالت ديرو اي نوع مكسرات الى ف اليوتيوب وخيرها الكاكوية
علي يارب الصبر يارب الصبر نقتل روحي نضرب راسي ف الحيط وين نعطي وجهي قوليلى
أنا الزوز يستعملو فيهم الكباش والمعيز
علي يشد ف شعره مش قادر يبي ينفجر وخايف نبكي ويحصل
انا ها شفت زعلت وتبي تعيط عليا
علي استغفر الله لامش معيط
أنا باهي كول بطاطا تعبت فيها هلبة
علي ايه مشاء الله واضح ربي يعطيك الصحة
أنا تأكل بروحك ولانوكلك
علي تعالي تمسمسي وإنتي ساكتة
انا قعمزت وقعدت نأكل وربي يكذب الرز يهبل يدوب ف الفم والكاكوية طعمتها تجنن
علي غير شوف كيف تأكل زي الملهوفه اسمعي يابنت انتي زدتي سمنتي والوضع مايطمنش من غدوة رجيم
أنا لالالالا شن تابيني نموت بالجوع
علي عاودي شن قلتي
انا شن تبيني نموت بالجوع
علي قلتي تابي وتوا غيرتيها
أنا لا ماقلت
علي قلتي يافرخه قريب تولي من الواشين
أنا ف خاطري ياحليلي قريب نبدا نتكلم زيه
علي الحمد لله
أنا أكش
علي انتي جليلة ولاالجنون
أنا خيرك معاش تجيب سيرتهم
علي شن أكش هدي
أنا هههه معناها كول بالتارقي
علي باهي باهي
أنا نعلمك كان تبي
علي عادي إيه وناض
أنا غسلت الماعين وخشيت لدار النوم
علي كان يلعب ف بوبجي
أنا علي
علي نعم
انا علي
علي خيرك
أنا علي
علي شن تابي
أنا كنت نبيه يقولها بنطلب طلب
علي لا
أنا🥺🥺
علي ماعاش تشبحيلي هكي
أنا قعدت عالسرير والمرة هدي بنبكي بالحق
علي شافلي لقاني نبكي بالشوية
أنا طلعت وخليته وقعدت نبكي ف الصالة خديت التلفون وكلمت ماما
ماما أهلين كيف حالك وشن حال صحتك وشن مدايرة ان شاء الله مرتاحة
أنا ستاحشك إنتي وبابا وبديت نبكي
ماما خيرك تبكي علي مدايرلك شي ضاربك معاركك شني احكي
أنا لامش مدايرلي شي ومايضرب فيا لكن مستاحشتكم تعالو عندي نبي نشوفكم
ماما اسكتي خلاص توا انتي مراءة متزوجة معاش تبكي
انا لامتزوجه لاواحد شن مانبكي ودموعي وين بنديرهم ولانتبرع بيهم لنهر النيل
علي ههههه حقيرة هالفرخة
ماما تعالي إنتي باه
انا علي مش فاضي عنده خدمه
ماما خسارة ان شاء الله ف اقرب فرصة نجو باهي شن مدايرة مع المطبخ
انا تقولي عليا بايرة اليوم درت رز بلاو مع المكسرات والبطاط والسلايط
ماما اشيه اشيه الله يبارك ع بنتي المكسرات حمستيهم ولاكيف درتيلهم
انا الكاكوية اكيدا يحمسوها مالا شن بياكلوها نية
ماما شهقت ياغبارتي يابنتي يعطك سحقة وقهرة وين بنمشي بيك انا
انا ماما خيرك انا متزوجة ونعرف وبعدين علي كلاه كله وعجبه وقالي ديريه حتى عشاء
علي اسمع الكذب
ماما الباب يخبط نحكو بعدين
انا سلمي ع بابا
علي جاني وقعد جنبي وولع التلفزيون
أنا نضت من جنبه وطلعت للجنان
علي دايرة روحها زعلانة الكلبة تهبل وهيا مادا شاربها لكن المفروض قتلها شن تابي كنت نبيها تدلع عاليا قبل لكن هيا حمارة توا شوية تكسد وتجي تكلمني
أنا علي ياعلي
علي اهي جت
أنا شوف شن لقيت قطوسة صعنونة تهبل
علي لوحي عاليك أمراض هدي
القطوسة مياو مياو
انا قتلك حرام عاليك
علي عاليك صار
انا ايه ماهي قطوسة زنتانية
علي ياكلبة الكلاب من يقدرك إنتي
أنا بنمشي نوكلها وندوشلها ونلعب معاها وإنت كان تبي تطلع عادي لقيت من يونسني
علي الفرخة بدلتني بقطوسة وانا ليش غاير منها توا شوية تمل منها وتجي عندي
جاء الليل وخشينا للسرير
علي تي هذا شني
أنا معاش تعيط القطوسة تخاف
علي ناقصين جنون نحنا
أنا شوف عيونها كيف تشوفلك تهبل وقعدت نبوس فيها
علي ياسر معاش تقربيها
أنا نبوس فيها ونشوفله تهبل قطوستي
علي حوليها من عاليك تمرضك
انا لا نبيها
القطوسة ماو ماو
علي ترجمي
أنا قاتلك شن تابي مني خليني
علي تابي صار حوليها خير مانقتلها
انا لاحرام عليك
علي اسمعي الكلام
انا باهي انت ارقد ونحنا نرقدو ف الدار الثانية وعرفتها غاير منها ونحرقله ف أعصابه
علي
علي وربي تطلعي من الدار نقتلك هاتي جاي النم
انا لاقطوستي
علي وربي نتركب ف امك طريحة وعيطي ويجوك الجنون ونصكر عاليك معاهم
انا شدها بشويا
علي شدها وحذفها برا الدار وسكرها علينا بالمفتاح
انا قعدت ع السرير وزعلانه
علي نوضي أطفي الضي وتمرقدي
أنا نبي قطوستي
علي لا
أنا نبيها
علي وأنا خيرني مش عاجبك
أنا انت شرير وتضرب فيا
علي عندك الحق انا شرير وماننفعش وانتو الصح وأنا الغلط وحدفلي المفتاح بري أطلعي من قودامي
أنا خديت المفتاح وطلعت
علي حيوانة ماحاولت حتى تخفف عليا
أنا ياناري حبي قاعد يتعذب مسكين وحق ربي شكله شايل هلبة ف خاطره
علي شن مجيب أمك أطلعي بري
أنا بنرقد ف داري شن دخلك
علي مافيش نوم جنبي بري للقطوسة متاعك
أنا إنت قطوسي
علي ضمي فمك قطوس عينك
أنا مالا ماو متاعي
علي فمك سكريه
ومشيت للسرير
علي مافيش نوم درقي وجهك
أنا جيت جيهت علي قطوسي
علي مش قطوسك
أنا شن رأيك نعقدو صفقة ترضي الطرفين
علي صفقة شن
أنا اصبر وجبت ورقه وقلم
علي تي شني هذا
أنا أقرا شن كتبت
علي بسم الله الرحمن الرحيم انا علي....... الغبي ياعن ياكلبة
انا كمل بس
علي اقر وأنا بكامل قوايا العقلية أن أتوقف عن ضرب جليلة وشتمها والتقليل من قيمتها السينية والصادية وان أحترمها وألبي جميع رغباتها وان أكون قطآ لها بالإنجليزي كات يعني وان أحبها ف السراء والضراء ف الصحة والعافية خزي عليك باهي وشرك الورقه شن تحسابي روحك
أنا ليش تعبت باش كتبتها
علي انتي مجنونة ولاهبلة ولاغبية راسك فيه مخ ولا غير هكي وخلاص خاطري يوم نشوفك تتكلمي بجديات كل شي واخد أمه بمهزله
انا ماعمري خديت حد من أمه تحسابني عزوز القايلة
علي اااااه وخلاص
أنا ايوا انت معبي كلام شاركني همك نشيل معاك انا متعودة نشيل ف الرشاد والشرشور وبراويط الرملة ونصب ف الكاتينة
علي ههههه ياعندين جوك
انا ياعندين جوك انت ليش تسب ف جوي
علي ضمي فمك مش كان ضحكت تتمادي
أنا نقولك حاجة كلنا عندنا هموم ومشاكل لكن الحاجة كل ماكبرتها تكبر وكل ماصغرتها تصغر خليك عايش هكي توا تلقى الدنيا مفتوحه قدامك
علي أول مرة تقولي حاجة صح
انا ومازال اختر الإجابة الصحيحة
علي كلبة
انا قطوسي
علي معاش تقوليها
أنا باه عادي نخش لسرير
علي تعالي
أنا خشيت جنبه وتسندت
علي ليش ماقلتي لأمك اني نضرب فيك ونسكر
أنا لأن الشي هذا يخصني أنا وانا المسؤولة ع حياتي
علي شن السبب الى يخليك تقعدي مع واحد يشرب ويضرب فيك ولامدايرة مصيبة
أنا حياتي كلها مصايب حبيت واحد وتعلقت بيه بس ربي فضحه قدامي وكانت نفسها الفترة الى أمك كلمت امي
وانا كنت مضايقة ومخنوقه فقررت ننتقم منه وقبلت بيك
علي يعني كنتي تعرفي انه اني العريس وقبلتي
انا لاماحاولت نعرفك لين جت أمك وهنا كانت الصدمة
علي ههههه تي هدي الصدفة ماتتصدق بكل النم اخر حاجة كنت متوقعها نأخدك كنت نبي نقتلك ونكرهك لنم
انا وتوا
علي توا نابي نرقد
أنا كذب
علي اخر مرة تقوليها
أنا باهي أرقد ونضت من جنبه
علي وين تابي
انا بنمشي عند قطوستي انت ماتبيش تولي قطوسي وبترقد
علي ووواك قداش ماتتمسكن تعالي جاي تطلعي نوريك
انا قول قبل ماني راقد وبنهدرز عاليك توا نجي
علي تعالي واوسكتي
انا رجعت لمكاني باهي بنطلب منك طلب
علي قولي
انا نبي نمشي لحوشنا استاحشتهم
علي لا
أنا ليش
علي هكي
أنا وانت مالا معاش تمشي لحوش بوك
علي مصح وجهك
أنا ايه انت تمشي لحوش بوك وانا لا
علي انا مش زيك
أنا شن قصدك يعني مش حانعيش اللحظة الى حانخش فيه لحوش بويا كأني ضيفه وماما تستقبلني وتقول كيف حالك يابنتي وكيف حال راجلك بدل ماتقولي ياحيوانه يابايرة
علي شوف كيف تفكر
أنا باهي خليني نزل بوبجي ونلعب مع ولاد عمي
علي ياعن شن قلنا نحنا ع واشين عمك معاش تدكري أمهم
أنا ها كشفتك تغار عليا
علي لا
أنا تغار
علي لا
أنا ترا حط عينك ف عيني وقول لا
علي لا شن تحسابي عيونك يسحرو ولاشن
انا الحركة هدي لما يديرو فيها ف المسلسلات البطل يدوب ويتغيرو ملامحه ويتغير صوته ويسكت قبل مايجاوب وهو يتأمل وانت طول لا الرومانسية عندك زيرو ع الشمال
علي كرني عنده وجاء فوقي وحط ايده علي فمي انتي تابي الرومانسية صار قولي من الأول هكي
وفاتت عليا ليلة ولاأروع
فى الصبح نضت ودرت الفطور
أنا صباح الورد
علي صباح الخير والضحكه الى ع خليقتك حوليها
أنا لامانبيش
علي فطر وطلع
أنا الليلة بنعترفله بحبي بندير عشاء وجو حلو
زهراء اهين شن حالك
زاهدة الحمد لله
زهراء شني بتمشي عند جليلة
زاهدة لا مصارش خليها يوم أخر
انا الو سارة
سارة تي باهي الى دكرتينا
أنا ماتلومو عليا خوك حابسني
سارة نبصر عاليك عارفينه نحنا
أنا نبي منك خدمة
سارة تفضلي
طارق أسمع بالتريس ياراجل اليوم ضروري تسهر معانا
علي تي فوتني ياراجل
طارق تي غير هيا اليوم دايرين جو مش عادي
علي توا نشوف
أنا خلاص ياجليلة لازم تتعلمي التطيب وديري حاجة باهية وخشيت للمطبخ
زاهدة ياهلا ياهلا
أنا اهلين
زاهدة غريبة تصلتي
أنا اسمعي مش وقت لومان قوليلى الكسكسي كيف يطيبو فيه بسرعه
زاهدة هههههههه
أيوب تخوني فيا أنا ياكلبة صورك عندي وربي لما نفضحك ياحقيرة وسكر هدا كله صاير معايا لأن جليلة تحسبت فيا قداش مانادم عليها
علي توا بنفتح الباب بنلقاها وراه المجنونة عارفها وفتح الباب وقعد يشوف باهي ماهي هنا شكلها نست تخلعني اليوم وخش لدار النوم
انا ياععععععععععع
علي ياعندين.......... ياكلبة
أنا ههههههه قريب يركبك السكر من الخوف
علي ضمي فمك تفاولي عاليا ياكلبة
أنا هيا مطيبة الغداء اليوم
علي لامانبي شبعان
انا غير تعالا هيا
علي الله أكبر كسكسي بالبصلة من طيبه الجنون متاعينك
أنا عاونوني هما الحق واحد قرض لبصل وواحد قطعلي اللحم
علي من طيبه
أنا كول هيا وعطيني رأيك
علي بسم الله الذي لايضر مع إسمه شي ف الأرض ولا ف السماء وهوا السميع العليم
أنا شن بترقد إنت تي كول
علي مرات نموت مش مطمنله
أنا هاك كول الفم هذا من إيدي ع الأقل تموت من دلع مراتك ليك
علي والله مش مصدق إنك طيبتيه طالع مليح بكل
أنا هاك ايدي بوسها وقول تسلم يدك
علي ضربني عليها بالكاشيك فرحانه يعني الى زيك توا يعلمو ف صغارهم
أنا الصغار من وين يجو يافالح
علي تلحقي عاليا ياكلبة ياصايعة
أنا اليوم بتجيني سارة
علي أنا اليوم متعشي البرا
أنا لا عشاك هنا اليوم
علي لاهنا لاواحد شن تتحكمي فيا انتي
أنا اليوم بس وبعدها أرقد حتى البرا
علي عشايا البرا قلت معاش تتكلمي
أنا قريب ننفجر مبردها من لقطه والمشكلة معاش نقدر ندس مشاعري أكثر من هكي
ف العشية
أنا اهلين سريوه
سارة أهلين ليك وحشه
أنا ليك اكثر تفضلي
سارة اهو الى طلبتيه
أنا شكرآ حبيبتي والله ماك عادية
سارة مالا ليلة حمرا
أنا الى يزوج خوك يشوف نار جهنم والعه
سارة يلا خويا مانرضى فيه
أنا قبل هكي لكن طلع متعشي البرا
سارة وكان خليها جو سهرية
انا زعما
سارة ايه تجي احلا
انا والله الى فكرة مليحة
وقعدنا نهدرزو للمغرب وروحت
جهزت كل شي
لبست قفطان قصير هلبة لونه ابيض وفيه الدهبي وفتحت شعري ودرت مكياج ولعت الشموع وقعدت نراجي فاتت الساعه الاولى وانا نولع ف الشموع ونطفى
الساعة الثانية مقعمزة وحاطة ايدي ع خدي
الساعة الثالتة نتصل بيه مقفل
الساعة 3.30 نسمع ف الباب وولعت الشموع
الزينة والكيكة والشموع جابتهم ليا سارة
انا على اساس واخدة لقطة اغراء ع السرير
علي مني هيفاء وهبي هنايتها وكان صوته ثقيل ومرخي
أنا ياحظك ياجليلة ياحظك ويبختك
علي غنيلي بوس الواو ياواووو انتي
انا تعالا خش لفراشك وأرقد
علي هوا هذا انتي مش قتلك معاش تتأمري ع ...........
أنا خيرك ياراجل ديما هكي الزح راهو فديت منك
علي ياكلبة تردي ف الكلام
أنا برا ياسكار
علي قرب مني وربي لما نقتلك الليلة وماني راحمك وشدني من شعري ونزل فيا ضرب لين قريب قتلني المرة هدي غير عن كل مرة
أنا نزحف لين طلعت من الدار ومشيت لدار الثانية
علي تلوح ع السرير ورقد
أنا خلاص ياجليلة شكله ماعندك حظ ف الحب ولاف الكذب الزايد غدوة نكلم بابا يجي يروح بيا خلاص حاولت معاه هلبة بس هو طلع مايستاهل
ف الصبح
علي ناض وقعد يشوف لدار ويدكر شن صار تي شن درت أنا وقرب من الطاولة وشاف الكيكة الى مكتوب عليها نحبك قطوسي
علي طلع وقعد ينادي عليا ويدور ف الديار ولقاني قاعدة ف المربوعه وحاطة شنطتي بحدايا
أنا لابسة عبايتي وقاعدة
علي هذا شني
أنا شفتله وكان وجهي فيه كدمات ومخبش شوفت عينك شنطتي
علي وين تابي يابنت الناس
أنا حوش بويا لأن الوضع زاد عند حده والمنظر الى أنا فيه أكبر دليل
علي قعد جنبي ماتسيبيني
أنا شفتله ليش باش تضربني وتسبني وتفش غلك فيا ليش وشن السبب حاولت نتحمل مش مرة ومش إثنين بس إنت ماحاولت ولامرة انك تتغير
علي أسف أسف أسف وعمري متأسفت من واحد وعمري ماقلت لحد ماتسيبني إلا إنتي
أنا خلاص ياعلي انت جرحتني كنت مدايرة مفجأة كنت بنعبرلك ع مشاعري بنحكيلك ع الى ف قلبي وقلت عادي حتى لو هوا ماحبني المهم انا قاعدة معاه بس انت شن درت جيتني سكران وشبهتني بهيفاء وهبي توا كل اللوك والستايل والتقعميزه الإغرائية الى ماقعمزتها حتى ليلى علوي لعدل أمام تقولي هيفاء وضربتني شوهتلي وجهي
علي مسكلي ايدي وراسك إنتي معاش نعاودها أعطيني فرصة نتغير أنا تعودت عليك وتعودت ع هبالك نفرح وانا معاك ولما نبدا ف السيارة وندكر حركاتك وكلامك وبرادتك نضحك من قلبي نفكر فيك ف كل وقت انتي الوحيدة الى رفعت صوتها ف وجهي بدون خوف ومدت إيدها عاليا مانعرفش نعبر ممكن هو هذا الحب بس أنا غبي ومانعرفش نعبر وهذا طبعي
أنا الحب تضحيات وانا ضحيت بكرامتي هلبة بس انت ماحاولت ولامرة تسيب السكير ع خاطري
علي وعد نتغير ونسيب السكير أعطيني فرصة ياجليلة
أنا لا مانبيش وبنكلم بابا يجي يروح بيا
علي جلول بتخلي قطوسك بروحه من بيوكله وبيرد باله عليه
انا انت مش قطوس
علي مياو مياو مياو
انا مياو تقول فيها الأنثى الدكر يقول ماو
علي ههههه باهي ماتخلي ماوك باهي
أنا بنقعد لكن زعلانة منك ومش حانكلمك وبتقعد تحكي بروحك لين يجيك التوحد
علي المهم تقعدي معايا تعالي خشي هيا وانتي قاعدة ف المربوعه زي التريس ياهيفاء وهبي
أنا فنصت فيه ماصارش وين التلفون
علي تي هيا يابرو نبصر عاليك تي اما هيفاء واما هم
أنا ايواه قولي فاطمة الحمصة عادي
علي حمصة فولة عدسة الى تحبيه
أنا خلاص ضم فمك وانت دوشتك واجدة
علي وربي نخنقك مع المحرمة الى لابستيها
أنا انا توا زعلانة نقول شن نبي
علي اااااه ايه قولي خلاص انا سكتت
انا كل منك ماكلينا الكيكة خاطري فيها بطعم الشكلاطة
علي احلا كيكة شكلاطه توا نمشي نجيبها وشن تابي تاني
أنا نبيك إنت قصدي عصير
علي قرب مني حتى أنا نابيك أيقين أيقين
أنا حي تعرف تارقي
علي مالا شني
انا شن معناها باه
علي هلبة هلبة
يتبع