الغبي و الهبلة ( روايات ليبية )

حلقة 1🔥

الغبي والهبلة1

أنا ياماما مانبيش نمشي لزنتان
ماما بتمشي غصبآ عنك خالتي الى متوفيه مش قطوس وقداش ليك مامشيتي غادي من 2006
انا ياماما ماحبيتها ومانبي نمشيلها
ماما زنتان توا مش زي زنتان زمان تغيرت
انا ماما مانبيش نمشي
بابا خيركم انتي وياها زي القطوس والفار
ماما بنتك ماتبيش تمشي معانا وانا ماني مخليتها كم مرة نمشي ويسألو فيا عليها
بابا المرة هدي بتمشي عيب هذا عزاء ولازم تمشي تقومي بالواجب
انا بابا خلوني عند عمامي بالله عليك
بابا صلت الرحم واجبه علينا وهما ثلاته ايام ونروحو
ماما ناسنا وأهلنا وبلادنا ماك ماشيه للشارع
انا كانها بلادكم ليش طلعتو منها
ماما الله غالب مش بأيدنا جدك والعمل متاعه
انا خشيت للدتر وسكرتها قريب نطربق
انا جليلة عمري 20سنه شهادة ثانوية بيضة عيوني عسليات طشة ومربربة طايشة هلبة مش شوية زاهدة متزوجه من سنه لكن ماعندها صغار زهراء 25 متزوجة من شهرين وليد 22سنه موقف دراسة ويخدم عمل حر هدي عيلتي ماما اصلها زنتانية وبابا اصله تارقي يعني انا تارقيه
ف الصبح ماشين للزنتان
ماما ووك مكفرها هالبنت تقول ماشية بندبحها
انا بالله ياماما بنات خالتك دراه كبد وابرد منهم مافيه
بابا عيب يابنت ان شاء الله ترفعي ع امك قدام الناس
انا قولها ماتنرفزني وتخليني ف حالي
ماما تعرفي غادي نشوفك مقعمزة وماسكه التلفون نكسره ع راسك
انا قريب نفتح الباب ونحدف روحي
وصلنا وكان صوت العياط البرا وخشينا بدو يسلمو علينا ويتعياطو وكل شوي نشوف وحدة دايخة
انا سلمت ع حناي ام امي وخواتي لأنهم يسكنو ف الزنتان وقعدت شادة تركينه ونتفرج عليهم
زاهدة نوضي مدي معاهم الحليب والتمر
انا فوتي امي راهي واصله حدها
مني هادي يا زاهدة
زاهدة أختي الصغير
انا وانتي مني
زاهدة هدي عمتك دهيبة جارت المرحومه
انا بالجودة
دهيبة نابي حد من الصغار يمشي للحوش ويجيبلي تلفوني نسيته
زاهدة اهيا جليلة تمشي الحوش قريب
انا ماس هدي كلمه بتارقي يعني شن الى تقولي فيه
اختي تحشمت وخافت دهيبة تفهم انه مش عاجبني الموضوع بري الحوش الى ع اليمين
انا نضت يحسابوني جاية خدامه الهم الأحرف وشكله اليوم مابنكلم حبي ندق ع الباب بالقوة نسمع ف واحد يقول تي باهي كسرت الباب
الشخص تي خيرك كسرتي أم الباب شن تابي
انا نابي بوك سيدك زي ماتقولو
الشخص ضمي فمك واعرفي شن تقولي
انا قوله تبيك مرتك الثانية
الشخص وربي كان ماتصكري ........ الما نفرغ فيك
انا يامامي كانك راجل أطلعها بالدراع والله لما نوكلك التراب
الشخص تي من وين طلعتي لأمي ماتعصبيني راهو نشدك ندفنك وإنتي حيه
انا تعالا هيا خايفة منك ماهو وقريب يجيني السكر
الشخص طربق الباب ف وجهي
انا شديت رشادة وحدفتها ف الحوش وهربت
.
انا فروخ اخر الوقت
الشخص بنوت ماتتحشم بكل وياريتها حتى لابسة زي الناس
زاهدة شن صار معاك
انا طلعلي ولد وقعد يعيط عليا ع خاطر دقيت بقوه
دهيبة هدا ولدي بسلامته عصبي ومايتحمل سامحيني بنيتي
زاهدة قصدك علي
دهيبة ومن غيره نشفني بسلامته
انا شادتها بسلامته بسلامته عطيه حادث يمرمجه تمرميج
فات اليوم الأول وانا ندور ف مكان نكلم فيه أيوب حبي بس مالقيت
حنان ترا نحكر للصور كان عندك
انا تلفوني فاضي مافيش شي
حنان باهي وناضت من جنبي
ماما ليش تكلمي فيها هكي
انا دراه كبد بنت خالتك شوفيها كيف تشوفلي وتراقب فيا
ماما والله والله والله ماتأخدي غير زنتاني تموتي تجنحي تهبلي بتأخدي زنتاني
انا والله الا بنعنس ف حوش بوي وبنقعد مقابلاتك وبنظفر معاك الشيب
زاهدة خلاص ياجليلة نوضي اطلعي مع البنات
انا قعدت نراسل ف أيوب ف الصالة
ف الصبح نايضين من الفجر
ماما امس صقعت مارقدت باهي
زاهدة خيرك
ماما مافيش بطانين ناقصات
دهيبة ليش ماقلتو عندي ف الحوش
زاهدة جاية هيا
ماما انا كان نحساب راهو جبت معايا
دهيبة لاتجيبي لاواحد هيا سلم بنتي نوضي عمايا نجيبو البطانين
انا درت روحي طرشة
ماما إنكر يا يعني نوضي طبعآ ماما تعلمت الى الكلمات الى فيهم الأمر بس الكلام الحلو صفر من عشرة
انا ماشية وراها ونتلبد مانبيش هذاك الغبي يشوفني
دهيبة خشي
انا نراجيك هنا
دهيبة والله لما تخشيها شني بتقعدي بروحك البرا باش التريس تقعد تحكرلك
انا خشيت مكثر دوشتها وخلاص مالا ماعندك صغار
دهيبة عندي بنتين وولدين
انا بناتك وين
دهيبة وحدة راقدة ووحدة ف طرابلس
انا وعادي بديتو تخلو ف البنات يطلعو ويكملو قراية
دهيبة اكيد من قالك حابسينهم هداك زمان ايام جدي وسيدي بس توا الشهادة اهم من حاجات ياسر مع خشت علي
علي تي أطلعي شن دير هنايتها
انا هنايتها لا حكايتها حول من قدامي
علي تي حوشنا هذا أطلعي لين نفرغ فيك هالبندقة
انا بندقه لالوزة مانيش طالعه باهي
دهيبة تي عيب ياوليدي ربي يهديك خلي البنت ف حالها ضيوف
علي هدي ضيف هيا تي هدي حتى كلب جنب الحوش مانديرها
انا الكلاب يديرو فيهم للناس الى كيفك متع تمشيط
دهيبة خلاص هذا شني والله لما نحرش سيدك باهي اطلع من قودامي
علي طلع ونحنا رفعنا البطاطين ورجعنا
انا ياربي الصبر غدوة بس ياجليلة
حنان والله الى تكلم ف ولد من بكري نحكرلها شادة الهاتف وتتبسم
ناجيه حق حتى انا شاكة فيها يعطيها سحقة
حنان احسن شي نشهدرو بيها قودام اماليها
ناجية خلي نشدوها بالثابت
انا ووواك حبي والله مستاحشتك هلبة لكن مش قادرة نكلمك ف كل وقت زي مافى حوشنا
ايوب هيا روحي حبي نبيك ومستاحشتك هلبة هلبة هلبة
انا ياروحي إنت نحبك ونموت فيك
ف العشية
ماما راسي بينفجر خاطري ف قهوة
حناي جليلة نوضي شوفي كان فيه قهوة ف المطبخ ديري لأمك طاسة
انا باهي ومشيت للمطبخ مافيش والله
دهيبة عندي ف الحوش تابي نجيبلك
ماما لاعادي بينها
دهيبة سارة ياسارة
انا سارة روحت توا تجي
دهيبة خلي نرن عليها تجيب عماها تي خيرها ماترودش بري سلم بنتي قوليلها تعطيك
انا ايق يعني اوف
ماما ايه خبطي ع اساس تغطي
انا دق دق دق دق دق
علي فتح ياعن تي خير ....... شن تابي شن تابي ماشية جاية عالينا
انا قاتلك ماما قول لأمك عطيني شويه من لحم الفيل غير بنطيبو غدانا
علي حاول يمسك الضحكة بس ماقدرش وبانو سنونه
انا نادي أختك شن تابي حق
علي وربي إنتي نهايتك ع إيدي وقولي ماقالها علي
انا ننننين ننننا نننننننن
سارة اهلين تفضلي
انا اعطيني قهوة بسرعه خلي نتوكل
سارة هيا شوية وجايه
انا نراجي فيها قدام الباب وفات عليا علي فتح سيارته24 وركب وبعدها نزل
انا جبت عود ومشيت للعجله وبديت نفرغ ف الهواء
علي ياعن ....يافرخةال......
انا جري هربت وهوا بدا يحدف فيا بالرشاد
سارة طلعت تي وينها مش توا كانت هنايتها ولقت علي يسب ويلعن
انا وووه قريب شدني الغبي ههههه لكن حركه قوية منك ياجليلة تي والله لما نفتح معاه جبهة
دهيبة وين القهوة
انا توا تجيبها سارة
فات اليوم عادي جدآ ووصلنا لثالت يوم
انا الو بابا صباح الخير
بابا صباح النور كيف حالك
أنا حالي باهي هيا امتى بتجي بنروحو
بابا هههه صبح يافتاح قلقتي
انا ايه
بابا خلي نفطرو قبل ونجي
انا باهي ومشيت لماما
ماما خيرك واقفة وتشوفيلي
انا هيا بنروحو وتي روحك
ناجيه اوينها بتروح
حنان عطيها سحقه كيف الرآي
ناجية تعالي عمايا
حنان وين
ناجية جلول تعالي نابوك شوية
انا نعم تفضلو
ناجيه ف مني تكلمي إنتي
انا مافهمتش
ناجيه تهدرزي مع الولاد توا نخبر أمك
انا بري خبريها حركات الصغار
علي
يتبع