الغبي و الهبلة ( روايات ليبية )

حلقة 6🔥

#الغبي والهبلة 6
علي جبد التلفون وحدفه ع الحيط قوليلي شن ندير مع أمك النم خلاص راهو اعصابي من قبل وزدتيني إنتي وعاض ع سنونه وراسه يطلع ف الدخان
انا اسفة والله ماقصدي
علي اوسكتي صوتك مانبيش نسمعه مش عارف ليش وجهك صحيح وماتتحشمي شن تابي يقول عليا الولد توا انا علي مراتي تكلم ف التريس ياعن جد نكون راجل كان خليتك حية
أنا قوله اللعبة تعلق وتغير الصوت
علي ضربني ع رأسي اوسكتي قتلك
انا ف خاطري ياغبارة هذا بيقتلني وغدوة بيصلو عليا صلاة غائب قصدي الجنازة
علي كلبة كلاب لاتطيب طيبي زي الناس رز معجن كوسكسي يوخنق البازين تقول واحد حادفينه من الدور العاشر
أنا من السطح بس معاش تبالغ
علي يعض ع إيده اوسكتتتتي يافرخه
أنا واخدة وضع المسكينة وحاطه ايديا ع وجهي خايفة من الكفوف
علي أنا نعرف دواك ورب الجلالة وديني والعزة الما نزوز عاليك الثانية ولما نجيبها أفلح منك ومراءة
أنا رفعت إيدي
علي تي نزلي إيدك ف مدرسة نحنا
أنا أشرتله بمعنى بنتكلم
علي تكلمي لكن كان تقولي حاجة زي وجهك بنمسح بيك الليلة
أنا ف قروب ف الفيس اسمه تعارف وزواج ليبين كان تبي نكتب مواصفاتك ونجيبلك وحدة
علي تتمهتكي إنتي النم وناض بيضربني
أنا شوية شوية بنقولك حاجة
علي والله لو تترجي لغدوة ماني راحمك
أنا لا مش ترجي هو طلب صغير الجيهة اليمين طابت من الضرب أضرب الجيهة اليسار بالله
علي شدني من شعري مش عارفه خيره مع شعري نتفه ليا كله وضربني ضرب وناض طلع للصالة
أنا يحسابني حسيتها المشكلة الى مخليني نتحمل الوضع الى أنا فيه انه بعد مايضربني ديما يخشلي ويقعد يشوفلي وكأنه نادم بس مش قادر يقول
علي هالفرخة هدي قداش ماتعصب فيا خايف نوقتلها يوم من الأيام
أنا نضت دوشت ولبست توتا حمرا وطلعت للمطبخ وفتت عليه
علي زي الجن الأزرق بس طالعه تهبل بالأحمر
أنا طيبت الينسون خلي نشربه ليه كل يوم خلي يستهدى شوي لكن لأمتى بنتحمل الضرب والإهانة لازم ندير خطه أقوى ونخليه معاش يضربني ولايسكر فكري فكري فكري أيوا لقيتها بس يارب تشد معايا ومشيتله أنا تفضل
علي شني جايبتلي السم
أنا السم ماعنده لون
علي صار تعرفي حتى لونه
أنا أشرب هذا يهدي الأعصاب ويخليك تتحملني لأنى ديما نعصب فيك انا مش متع مشاكل لكن انت شفت بعينك انا مقعمزة لما جت المشكلة عندي
علي باه والمطلوب
أنا أسف من الليلة من توا ومن هده اللحظة وهده الثانية بنتغير اول شي معاش بنتبرد ومعاش بنتكلم ومعاش بنضحك التطيب توا نتعلمه ماحد جاء متعلم غير انت علمني كيف نفتح حكة الطماطم باهي
علي الطبع يغلب التطبع برادتك وقلة الأدب فيك من الصغر
انا لا مند الولادة
علي لاحق تغيرتي
أنا 🤦‍♂️🤦‍♂️لاماتحسبها توا بنبدأ وتوا تصبح ع خير
علي درقي وجهك
انا خشيت لدار ورقدت
علي هالفرخة هدي مانعرفش ليش نندم لأني نضرب فيها ونعامل فيها وانا ماعموري ندمت ع حاجة ف حياتي لكن شكلها خافت من الضرة كل يوم بنفتح معاه الموضوع هذا زعما غارت هههه النسون مايبو الا العين الحمرة
أنا اووف هيا نوض تمرقد الزح قريب نرقد أنا
علي فتح الباب وخش وجاء من جيهتي واقف مشوار وحط ايده ع راسي بشويا ياروحي قداش حنين
علي شن ندير انا خلي نورقد غدوة عمل
بعد نص ساعة
انا ااااااااااااااه ماما ماما لالالالالالا
علي بسم الله الرحمن الرحيم تي خير........خلعتي أمي
أنا حولو عني حولو عني مادرت شي
علي تي من هما
انا مسكت ايده كلمهم يبعدو عني ومعاش يشوفولي
علي تي مني الى تشوفي ف أمهم وناض ولع الضي
أنا تعال بسرعة جايك من وراك
علي يتلفت سلامآ قولآ من رب رحيم تي مافي حد
أنا مش انا الى نسكر هوا حولو عني حولو وقعدت نبكي ونريش ف شعري
علي خلاص تأثر ومعاش فهم شي وقرب مني وحضني أوسكتي مافي شي يابنت خيرك
انا قولهم يحولو عني منظرهم يخوف
علي شد التلفون وفتح ع سورة البقرة
أنا نضحك محلاه وهوا حاضني ريحته تهبل هدي أول مرة يحضني فيها لأنه ماقربني من هديكا الليلة السودة النودة
علي معاش تتحركي اوقعدي هكي وسكري عيونك
أنا رقدت ف حضنه ياسلام
ف الصبح
فتحت عيوني لقيتي روحي قاعدة راقدة ف حضنه وانا ماصدقت زدت خشيت فيه يارب ان شاء الله ماينوض ونقعد لليل هكي
علي كان نايض بس ماباش ينوض ع خاطري محلا امها الرقدة هدي النم لكن الفرخه خيرها زعما وشن الى تشوف فيه زعما نرفعها لشيخ ولاكيف الرأي و خداه النوم
أنا نسمع ف الظهر يأذن نضت
علي تي باهي الى تحشمتي ونضتي
أنا قاعدة نشوف يمين ويسار وبديت نبكي
علي ووواك عالينا صبح خير أمك
أنا قالولي كل ماتبكي بنجوك وكل ماراجلك يضرب فيك ويسكر بنجوك
علي من هما هادو مجنونة إنتي شكلك

انا لامش مجنونه حرام عليك
علي هيا بالعقل شن جاب شياطينك ليا انا
أنا ماهو البنت لما ترقد وهيا تبكي الجن العاشق يقعد يحضن فيها ويقرب منها يرضيك انت كاراجل وزوج يجي واحد جن عاشق ولهان يحضن مرتك
علي نحس فيك تكدبي
انا افتح القوقل وأبحث وهما أصلآ قالولي كل مابتبكي وراجلك بيسكر بنجوك
علي شني عندهم علاقة بأمي بنسكر وبنحشش وطز فيك وفيهم
أنا بديت نبكي والله حرام عليك شن دنبي انا نقعد نشوف ف مناظرهم واحد راسه تحت باطه وواحد عنده 4عيون
علي اوسكتي خلاص توا يجوك النم
أنا خليهم يجو خلي نتعود عليهم
علي اوسكتي قتلك ونوضي توضي وصلي
أنا هزيت برأسي ونضت
علي سخفتني مسكينة جوها مني أنا لازم نسيطر ع اعصابي ونحاول نتحملها
درت الفطور وفطرنا وأنا ساكتة ولاكلمه
علي مش عاوديك ولاجنونك قالولك ماتتكلمي
انا خايفة نتكلم وتعصب وتضربني ويجو يهجمو عليا
علي لا خودي راحتك مش ضاربك
أنا بجديات
علي شني نكدب عاليك
أنا هاشفت بديت تعيط
علي بنعيط النم لكن مش ضاربك أفهمي
أنا حتى العياط يبكي فيا
علي أنا عصبت راه ماتخلي شياطيني يطلعو
انا عصبت لا ع الأحد انا الى قاعدة نتعدب مش إنت
علي اووووف كلمة ثانية وبنوض راه
أنا بديت نبكي كل يوم بنشوفهم وبيقعدو يخوفو فيا وحطيت ايديا ع وداني حولو عني معاش تجوني حرام عليكم
علي قرب مني أهدي أهدي وبدا يمسحلي ف دموعي اوسكتي خلاص مافي حد
أنا قاعدين مايبو يخلوني
علي نوضي لدار هياااا
انا مشيت معاه قداش نحب روحي لما نعيش الدور وهوا يصدق بالله عليكم مش يهبل وهو حنين
علي اوقعدي هنايتها وفتحلي سورة البقرة وقعد جنبي وشدلي إيدي معاش تبكي متاخفيش معاش ضاربك ولامعيط عليك
أنا وعد
علي وعد
أنا باهي
علي خلاص مشو
أنا ايه مشو
علي توا نجي انا بنطلع
أنا لا ماتخليني يجوني وانا بروحي
علي تي مش معطل النم
انا اهو قاعد تعيط عليا
علي مش معطل وقالها بكل هدوء
أنا باهي وطلع مازال ماشفت شي ياعلي ياحبي زي ماحبيتك وتعلقت بيك بنخليك تحبني اصبر بس
زهراء بالله ماريتي الفرخة جليلة
زاهدة لا والله تقول مش عايشين ف بلاد وحدة
زهراء شن رأيك نمشولها زيارة غدوة
زاهدة إيه عادي توا نكلمها بعدين ونمشو نتغدو عندها
زهراء شن عازمين رواحنا برواحنا
زاهدة خلي نشوفها تهني ولاتحشم فينا
زهراء هههههه
أنا دوشت ولبست قفطان فوق الركبة وعريان من فوق ودرت شعري ع جنب وشوية مكياج
طارق شني يا صقر اليوم وين ف الإستراحة ولاعند مبروك
علي اليوم لامش جاي
طارق ليش ياراجل غير فكنا عاد
علي لا الفترة هدي أعفوني
طارق غير فكنا ياراجل وهيا
علي لا المراءة مريضة شويه
طارق بدينا عاد ف المراءة وبعدها ف الصغار ومعاش بنلحقو عاليك
علي تي لاياراجل هما يومين وراجع بقوة
أنا فاتحه ع اليوتيوب وندير ف الغداء رز بلاو وبطاطا وسلايط دلعت الجو
أنا الو
علي شن تابي
أنا أمتى بتروح
علي قودم الحوش أنا
أنا لازم نجربه ونشوفه فات التعصيب والا لا وقعدت خلف الباب
علي فتح الباب
انا يااااااااع
علي ياعن.........ياكلبة ياحيوانة وقعد يجري فيا وانا من كثر الضحك فشلت ووقفت وشدني
أنا خلاص معاش نعاود
علي لصقني ع الحيط شن ندير فيك توا
أنا يتبع