ITUTULA NA LANG (Poetry Compilation)

Mambabasa

#INL

~~~

Higaa'y nakalubog mula sa maayos na pagkakahiga
Ang isang kamay ay inaabot ang supot ng kilalang chicheria
Di man lang napansin na ito'y ubos na

Damit na suot ay pagkaluwang-luwang
Nakaukit sa mukha ang halatang pagkalibang

Buhok ay hindi naayos ang pagkakatirintas
Nahuhulog tuloy sa mukha at ang iba'y tumakas

Di nya alintana ang kalat sa kwartong tila dinaanan ng bagyo
Patuloy na hinahayaang lamonin ang kanyang mundo
Ng kanina pang hawak hawak na libro

Bawat paglipat ng pahina ay sadyang kapanapanabik
Wala naman syang kasama ay parang kinikilig

Lumamig na ang kapeng di man lang natikman
Mga susunod na pangyayari ay pilit inaalam

Tiyan ay kumukulo dahil hindi kumain nong tanghali
Hindi parin tapos nong sumapit ang gabi

Galit na sa labas ang kapatid na matagal na syang sinisigawan
Pero sagot nama'y,
"Wag mo muna akong pakialaman!"

Sa ilang sandali,
Sya'y nagmistulang bingi
Ng kanyang ilipat sa huling bahagi

Nakakapagtaka kung bakit sya'y lumuluha
Libro'y binalik kung saan nya ito kinuha
Pinikit ang mata at napagtantong napakalungkot pala na estorya ang kanyang nabasa

❤