Unicode
You & Me
အခန်း ၁
သို့
ချစ်လှစွာသော ဟန်နီ....
" ဟိတ်ကောင် ပေးစမ်း ပေး အဲ့စာ ငါ့ကို "
မီးရထားစက်ခေါင်းမျိုချထားသလိုအသံနဲ့ ရှူးရှူးရှဲရှဲအော်ဟစ်ဆူညံနေသူက ကျွန်တော့်ဦးလေး လူပျိုချိုးတူးကြီး P'Phyo....
🖤 လေးလေးကလဲဗျာ ဘာဖြစ်တာလဲ အဲ့ဒါ
နှစ်ဆွေးနေတဲ့ ရည်းစားစာကြီး သိမ်းထားပြီး ခုထိ ဟန်နီ ဟန်နီနဲ့ တ နေတာ မပျင်းသေးဘူးလား
လူပျိုကသိုးရုံတင်မကဘူး ချိုးပါတူးနေတာ
"ဘာပြောတယ် မင်းသာ အဖြစ်ရှိအောင်အရင်လုပ်စမ်းပါ ပြောတော့ဖြင့် King လေးဘာလေးနဲ့ အကုန်လုံးမင်းနဲ့ ကင်းကင်းနေကြတာလဲ ပြောဦး အလကား ရည်းစားတစ်ယောက်တောင်မရှိတဲ့ ကောင်ကများ"
🖤 လေးလေး ဒီမှာ သားမျက်နှာကို ကြည့်စမ်းပါ
" အေး ကြည့်တယ်လေ ကြည့်တော့ ဘာဖြစ်လဲ"
🖤 ဒီမှာ ဒါက အချေမျက်နှာ ဟော ဒါကျတော့ ပြုံးတဲ့မျက်နှာလို့ ခေါ်တယ် ဟော ဒါကျတော့ စိတ်မကောင်းတဲ့မျက်နှာ တွေ့လား တွေ့လား
"အေး တွေ့တယ်လေ တွေ့တော့ ဘာလုပ်ရမှာလဲ"
🖤 သားက အဲ့လို ခံစားချက်က မျက်နှာမှာ အပီအပြင်ပေါ်တဲ့ လူချောလေး ရည်းစားက မထားချင်လို့မထားတာ
လေးလေးသာ ငိုမှန်းမသိရယ်မှန်းမသိ ဘိလပ်မြေကိုင်ထားတဲ့ မျက်နှာနဲ့ အသက်တွေကြီးကြီးလာတာ ဟီး သွားပြီသိလား
ဟန်နီ့ကိုတွေ့ရင် P'Phyo က လိုက်ရှာနေပါတယ်လို့ ပြောလိုက်မယ်နော် သွားပြီဗျိုးးးးး
" Perth............................"
နံနက်ချိန်ခါတေးသံသာအဖြစ် တစ်ဦးတည်းသော ဦးလေးကို စနောက်ရင်း အကျေနပ်ကြီးကျေနပ်ခဲ့ရပါပြီ။
မုန့်ဖိုးတောင်းမို့ သူ့အခန်းထဲဝင်ရာကနေ သူ့ကုတင်ပေါ်မှာ စာတစ်စောင်တွေ့လို့ အသံလေး ခုနှစ်အိမ်ကြားလောက်ရုံ အော်ဖတ်မိပါတယ် ကဲကဲတွေကိုလှုပ်နေတာပါပဲဗျာ။
