فصلية البصره (مكتملة)

بارت الثالث

عبد الله. عمري29سنه احب بنيه من الجامعه اسمها رنا بس مرات أحس تحب املاكي أكثر هي بنت مدينه و متقبل تجي للبصره فقررت إني اتقل لبغداد حتى نزوج هناك بس لسه ماكايل لاهلي وادري راح يرفضون لأن اني شيخ العشيره بعد جدي هسه اكيد تستغربون ليش اني بعد جدي لأن من إني صغير جنت أروح وياه للديوان وأخذت خبره بسوالف الكعدات والعشاير والفصل والي سمعتي وهيبتي بلعشاير المهم نرجع للقصه جنت هستوني واصل البصره بعد ماجنت بشغله بغداد وهم شفت حبيبتي رناوي😍
عبد الله.هلا يوم شلونج وبست راسه
ام عبد الله.هلا بلشيخ شلونك وليدي
عبد الله.الحمد لله حجيه إني هستوني اجيت وتعبان كلش راح انام ومااريد اسمع نفس وإذا هاي بنتج اجتي كليله لتخلي جهاله يطلعون صوت لأن صدك تعبان وطريق ومانايم
ام عبد الله.مو تدلل وليدي روح أسبح وارتاح بين مااحظرلك الاكل
عبد الله.يسلم اكلت بلطريق رايح اسبح
رحت سبحت ويابدوب لحكت اناملي ربع ساعه واسمع صياح اليبو جوه نزلت بسرعه وماشوف غير مرت عمي كاعد تلطم واصيح وأمي تهديه ابواوعلهم بنظره استغراب
عبد الله.ريييييم رييييييم
ريم.ها خويه صحتني
عبد الله.شنو شصاير
ريم.بكر😔
(طبها بكر هو ابن عم عبد ألله بس بلنسبة اله اخو الصغير وكلش يعزه ودائما وياه وياه ويعرف اسراره كله)
عبد الله.شبيه بكر احجي احجيييي داكلج😠😠
ريم.سوه حادث وهسه هو بلمستشفى وحالته كلش خطره😓😭
عبد الله.شنوووو بكر؟؟؟😧
من سمعت هيج كبل رحت للديوان والكه الزلم ملته عمي شنو السالفه
ابو بكر. مثل ماسمعت هسه اني رايح لبغداد ونشوف شيصير يكولون واحد سبب الحادث وهو هم بلمستشفى
عبد الله.اذا صار شي لبكر صدكني راح ادمرهم كلهم😡😡😡
رحنه للمستشفى وبكر حالته كلش خطره وره شويه اجه واحد وعرفنه انو هو ابو هذاك الطايش الي بسببه بكر حياته بخطر وانوب يحجي بكل برود واني مشتعل من يمي ردت أروح اهدده بس ماخلوني الولد ولزموني بس بليل من سمعت خبر وفاته ماتحملت وجمعت الولد بدون علم جدي او عمي رحت لبيتهم بلطلك وهددتهم وتوعدتلهم راح ادمرهم ونبهتهم انو يشردون
الجد.عبد الله ليش رحت لبيتهم😠
عبد الله .لعد شتريد مني ابقي دم بكر هيج يروح😓
الجد. لا مااقصد هيج بس احنه ولد عشاير وانت شيخ وتعرف لازم حسب الاصول ناخذ حكنه مو بلقوه جان شني هي السالف ها ولك عبيد
عبد الله.لعد هاهيه حسب الاصول دم بلدم يسلمونه ابنهم نكتله مثل مامات منه العزيز
الجد.لا مو جن هيج السالفه إذا سوينه هيج راح تصير دمايه
عبد الله.الي افهمه من جلامك شيخنه انو دم بكر يروح
الجد.لا القرار هو نأخذ فصليه وفصل وننهي السالفه
عبد الله.شنو فصليه شنو لا مااوافق اريد ابنهم وكون اني بيدي اجتله
الجد.جاشمالك عبيد تالي عمري تكسر جلمتي
عبد الله.لا شيخنه اعتذر بس
الجد.بلا بس هاهيه باجر الكعده ونتفق ع كلشي وانتهى
عبد الله.تؤمر شيخنه😔
اووف شنو سالفه الفصليه وانوب براسمن توكع اكو غيري اووف واني ماكيفت راح ازوج حبيبتي رنا ياربي من وين اتلكاه من موت اخويه بكر لو الفصليه ااااخ
ياسر.عبد الله عبد الله عبد الله
عبد الله.من انهجم عبد الله شمالك شتريد
ياسر.هذوله اهل الولد ناوين يشردون فد شويه
عبد الله.😏هم جابوه لنفسهم امشي لم الولد يلا
من وصلنالهم وشفتهم واتعمدت اهين ابنهم حتى يحجي شي واطلع حركتي بيه واكتله وانهي كلشي بس اتفاجأت من شفت بنيه جنه ملاك الجمال ساحر الجسم منحوت نحت والشعر يطاير صفنت بجماله بس إلي فززني رفعت اصبعه بوجهي وتححي وتهددت هنا صدك ردت ادفنه بمكانه شلون وقاحه منه صدك بنات مدينه بلا احترام بقيته تحجي وماسويت اله شي بس اعصابي كوه كامشه لأن اني شيخ عشيره مو مال اتعارك ويه بنات بس باوعتله بنظره برود واتوعتله عرفت هاي هي الفصليه لان سمعت ماعدهم غير بس هاي البنيه فكلت هي يومين واني اعرف شلون اصرف وياه😏

نرجع ليليان وعائلته

ليليان.رجعنه للبيت وإني كلش خايفه من كلمات هذاك الوحش احس يقصد شي بس ماافتهمت منه المهم اهلي كاعد يحظرون نفسهم لأن بابا وعمامي باجر راح يروحون للكعده ويشوفون شيصير
بلكعده
ابو حسن. شيخنه اعرف ابنه غلط وتره هو قدر والي قاسمه ألله صار بعد شبيدنه بس رغم ذالك جايكم اليوم اني وعشيرتي وتحت امركم شتريدون احنه حاضرين
الجد.نقدر هذا الشي وصح إلي صار قدر بس هم مايصير نخلي دم وليدنه يروح هيج
ابو حسن.شتريدون احنه حاظرين شكد متريدون نطيكم فصل
الجد.مو بس فصل فصليه هم
ابو حسن.شنو😳أنت تعرف اني عندي بس بنيه وهي صغيره مو مال فصليه وحتى بعده بلمدرسه اطلبوا اي شي
عبد الله.لعد هاهيه مادم متريدون فصليه لعد سلمونه ابنكم نكتله وناخذ حك بكر
ابو حسن.هاهيه إلي تريدونه
الجد.لعد باجر تجينه الفصليه
ابو حسن.تمام😓😔

ليليان.اجه بابا بس شكله ابد ميطمن بخير
ليليان.بابا كلي شصار وياكم
الاب.بنتي الامر هسه كله بيدج انتي تقرين يموت اخوج لو لا😔
ليليان.شلون يعني واكيد مااريده يموت مستعده اسوي اي شي بس كلي شصار شرادوا منك شكد
الاب.رادوج فصليه😔😓
ليليان.شنو😳
حسن.لا مستحيل اختي تروح فصليه أروح اسلم نفسي احسن خلي يكتلوني ولا ليليان تروح فصليه
ليليان.اسكت أنت اني اقبل اروح فصليه بس المهم مايصير لاخويه شي😭😭😭وبعدين هي سنه وارجعلكم😓😣
الاب.لعد حظري نفسج باجر ترحين😔😔واني اسف بنتي😔سامحيني
ليليان.لا بابا لتكول هيج هي سنه عادي وبعدين لتنسه بنتك قويه وشاطره اخليهم يحبوني وارفع راسك🙂
ليليان.صح بينت نفسي كبال اهلي اني قويه بس ماتحمل وخايفه كلش بس مااريد اخوفهم اكثر بقيت الليل كله ابجي وحتى مانمت كل شويه أروح يم احد من عائلتي انام يمه شويه لأن بعد مااشوفهم إلا بعد سنه😣😣ودعتهم كلهم
ثاني يوم الصبح اخذني بابا للبصره ويانه عمي وهناك رحنه لبيت كلش جبير تكول قصر والزلم ملتمه نزلت من السياره وبابا سلم ع اشخاص امبينين عشاير هم ودشاديشهم وعكالاتهم بوعت عليهم وجان اشوف الوحش واكف وعيونه تطلع شرار خفت منه كلش
ابو ليليان.بنتي ليليان طبي جوه يم النسوان
ليليان.طبيت جوه واشوف نسوان تبجي واكو مره جبيره خطيه كلش انقهرت عليه😔
ريم.انتي الفصليه مو؟
ليليان.لا اقصد اي😔اني الفصليه😓
ريم. اهلا بيج بينه
ام بكر.وين أهلا بيج اجيتي لموتج ألله ينتقم منج ومن اخوج المجرم ولكم اختوا مني ابني الغالي وينكم من عذاب ألله ألله ينتقم منكم تحجي وتضرب ع صدره
ليليان.من حجت وياي بنيه شكله حبابه ومن سألتني اني الفصليه كلش ضجت هاهيه يعني اني صدك هسه فصليه😔😔وفجأة هاي المره إلي جانت تبجي عرفت هي ام الولد إلي مات خطيه امبين مشلوع كلبه صح قهرتني بداعه عليه وع اخويه بس شتوقع منه ابنه مات واخت إلي سبب موتنه كباله همزين ماانتقمت مني☹
وفجأة دخل واحد صاح البنيه إلي حجت وياي وكلله اجيب الفصليه إلي هي اني😣