فصلية البصره (مكتملة)

الثامن والعشرون

عبد الله. بعد ماراحت ليليان من حياتي احس حياتي انتهت بعد ماله طعم بلبدايه اجاهلت كلشي وابتعدت عن الكل بس من اذكر خيانته اليه صدك انقهر ع نفسي شلون جنت اتقشمر بكلامه وتمثيله وهي بس تخون الكل لاحظ عليه بديت اتغير بس نكرت كلشي كرهته كلش وحتى كرهت من ينذكر اسمه بلبيت فممنوع احد يذكره بشي اما بلنسبه لرنا هجرته وبقيت بس بغرفتي وهي بغرفته اكثر من مره راحت زعلانه للاهله من وره هلشي بس مادرت بال اله لان بعد مالي شي اعيش علموده وره شهر من لمن راحت لليليان اكتشفت الصدمه جنت راجع من الشغل من وكت وردت اصعد ليفوك للغرفه ومن جنت مار من غرفه رنا سمعت الصدمه جانت تخابر حبيبه وكله حبيبي وحياتي ردت اروح عليه اكتله واطرده من بيتي بس ماردت اسرع رحت لشركه الاتصالات وجبت قائمه موبايله وشفت الرقم الي تتصل بيه عندي صديق بلاستخبارات انطيته الرقم وطلبت منه يجيبلي معلوماته كله فعلا وره يومين جابلي معلوماته ومع الاسف طلع الي جنت خايفه منه رجل خالتي جعفر يعني هو السبب بدمار حياتي هي تحجي وياه ع شنو ماتحملت عصبيتي رحت كبل للبيت سقت بسرعه وصلت للبيت صعدت للغرفه قبل لا اطب لغرفته سمعته تخابر عرفت انو تخابر جعفر ردت افتح الباب بس سمعته تحجي ع ليليان تكول ع الخطه الي سوته بيه وشلون كدرت اطرده من البيت وبكل وقاحه كاعد تتباه بذكائه حسيت الدنيا دارت بيه طبيت عليه للغرفه اتفاجأه بوجودي وحاولت تدور اعذار قبل لا تحجي بشي كسرته بلظرب نزعت الحزام وقفلت الباب ولج اني الشيخ تالي عمري مره تضحك عليه اغمه عليه وماعفته شلته وشمرته وراسه انطخ بلحايط عفته وطلعت من البيت رحت لهذاك جعفر لكيته بلشغل مااكدر اكتله لان هو رجل خالتي لذالك بس ظربته نهيت عليه وحتى ابقيله اثر مينساه درس طول عمره ظربته بطلقه برجله حتى اعوقه ماردت ارجع لببيت بقيت افتر بلسياره لليل رجعت عرفت انو ماخذين رنا للمستشفى كلتهم عود من ترجع تروح بيت اهله وطلكته ردت ارجع لليليان واعتذر منه بس بيا وجه اروح اعتذر منه اكيد هسه حتى متريد تشوفني اريد اروح اله بس ماعندي الجرأءة اواجه فبقيت اعاني وحدي وعندي صديق بأربيل اتكفل يجيبلي معلوماته عرفت انو تريد تكمل دراسته فكلت انتظره وفعلا فرحتني من طلعت معدل عالي وعرفت راحت صيدله اتمنيت اشوفه وهي صيدلانيه بس لسه ماعندي الجرأءه اروح اشوفه واقابله بس كلت يمكن يتقدمله واحد من الكليه وتقبل بيه بعد صار عده شهاده وهي جماله ماشاء الله فقررت هاهيه اروح ارجع حبيبة كلبي واتحمل كلشي مهما كان الي راح اسويه راح اتحمله منه لذالك رحت لاربيل يم صديقي عنده شقه وصلت يوم جمعه ردت اروح عليه للبيت بس صديقي نصحني اروحله للكليه احسن احاول احجي وياه قبل لا التقي بأهله وفعلا من الصبح رحت للجامعه من شفته لا ماصدكت هاي ليليان متغيره هواي حليانه كلش ولبسه وشعره اتمنيت اروح عليه اجره من عيون الكل شلون هاي تطلع هيج عصبت كلش ردت اروح عليه بس صديقي منعني كال مايصير زين اذا رحت عليه هسه واني عصبي هيج فأخذت السياره ورحت بعيد عنه ماكدرت اتحمل منظره هيج هي وبنطرونه والمكياج والشعر اووف شكاعد احجي اني مالي حق عليه هسه تكدر اسوي الي تريده فقررت احبس بداخلي لان المهم هسه بس ترجعلي وتقبل اعتذاري منه بس صدك صايره تخبل كل ماتكبر تحله اووف شسويتي بكلبي ياليليان وخليتيني هيج احبج كعدت الصبح بسرعه رحت سبحت وبدلت واتعطرت حتى اروح ليليان اليوم راح التقي بيه واخيرا بعد كل هاي الفتره