فصلية البصره (مكتملة)

الثاني عشر

ليليان.كعدت مالكيت عبد ألله موجود عرفت نزل وجنت اتمنه صدك نازل جوه غسلت وبدلت وحطيت مكياج خفيف وذبيت الشال ع شعري لأن هسه يبقه يتعارك ميقبل انزل كبال اهوانه بلا شال المهم نزلت رغم رجلي بس هسه صارت احسن
ريم.يا عزه بعينج ولج شنزلج
ليليان.😒صباح الخير عوبه شنو عزه بعينج
ريم.اسفه خيه صباح النور بس شنزلج
ليليان.ضجت فوك وحدي 😣
ريم.والله حق حبيبه تعالي أصلا خلصنه الشغل خلي اسوي جاي ونكعد نسولف شويه لأن صدك ضوجه وهم بنت عمي جايتنه راح تحبيه كلش هي وتؤامه حبابات
ليليان.ممم ظيوف شي حلو يلا تعالي
ريم.روحي انتي واني جايه وراج بس اجيب الجاي وكيك
ليليان.رحت للصاله اباوع بلوجوه ماكو عبد الله😔خايفه ليكون إلي ابالي
لين.اكيد انتي هي مرت الشيخ مو
ليليان.ها اي 🙂
لين.ياهلا واني بنت عمه لين اشرفت بيج ريم سالفتلي عنج وبصراحه حبيتج بس من سوالفه عليج
ليليان.هههه هاي ريم بس تحب اسولف وتمدح بلشخص اشرفت بيج اني ليليان
لينا.واني لينا 😊صاحت بصوت عالي اسمه
ليليان.هههه اسرفت بيج
لين.هاي اختي شويه خبله هههه
ليليان.ها التؤام؟ بس شو متشابهن
لين.يي ابد ابد هههه
ريم.ها شكلج اتعرفتي عليهن ممم
الحجيه.شوف لمت البنات شلون حلوه ولج ريم روحهن للغرفه احجه براحتجن وخطيه ليليان ضايجه خلي تتعرف عليجن
ريم.تعالي وهم حظرت جاي وكيك هلا
ليليان.فدوه للخبال طبينه لغرفهالحجيه كعدنه حبيتهن مثل طبع ريم حبابات نيتهن صافيه
لين.ليليان هاي شبيهن عيونج مورمات ليش باجيه حبيبه
ليليان.هاا لا مو باجيه بس يحركني
ليان.ههه مشيه ع الدبه ولج امبين باجيه تره محد يستحق نبجي عليه
ليليان.هم صح😔اكلج ريم شاورته عبد الله وين شو ماكو
ريم.ممم وشعندج بيه😏
لين.ولج رجله ومن حقه تسأل عابتلج وعابت سؤالج
ريم.😒راح لبغداد من الصبح كال عندي شغل
ليليان.مااعرف ليش من كالت بغداد كلبي عصرني عرفت راح لهذيج رنا😔
لين.هاي شبيج حبيبه
ليليان.لا مابيه شي انتي هم تكولين حبيبه
لين.مافهمت
ليليان.اقصد ريم هم متعوده تكول حبيبه حبيبه انتي هم مثله
ريم.يي غير بنت عمي😂😂
ليليان.الله لا يحرمجن من بعض
لينا.اكلج شعدنه هيج كاعدات وانوب جاي جنه عجايز كومن خلي نسوي شي نغير جو شويه وهم ليليان رايدله تغير جو شويه شكله ضايجه
ريم.وشنسوي🤔
لينا.😏
ريم.عزه هاي النظره ولج شكو ابالج🤨
لينا.وين المكياج
ريم.ليش
لينا.خلي نغير شويه ومادام وحدنه كاعدين ومحد يمنه خلي نأخذ راحتنه شويه
ليليان.صدك اني مخنوكه ومحتاجه اغير شويه اجيتي بوكتج ليان اني عندي مكياج لحظه اجيبه
ريم.وين رايحه انتي ورجلج ابقي اني اجيبه
لين.هلاا راح نلعب لعب لعد😂
ليليان.جبنه مكياج وكاعد تحطلي ليان مكياج
ولج هاي شبيه ايدج كله شعر مسويهن
ليان.مااعندي أحد يسويلي وبعدين قابل شعندي واسويهن مالي هواس
ليليان.عابت اعجوزيه كومي نسوي اني هم اريد اسوي والله هههه
صدك شو ريم جابت الشمع وسدينه الباب وكعدنه نشلع ههههه وكل شويه وحده اصيح وانسد حلكه لو لين فضحتنه بصياحه بس صدك اتونسنه
ليليان.ها هيج حلو انصلخنه😂😂😂
ريم.يمه شسويتي بينه انكلبنه حمر هههه عزه شوفي الوقت صارلنه فوك الساعه
ليليان.طبعا بس زين خلصنه بساعه اكلجن عندي فكره😏
لين.اني وياج بس كولي شنو
ريم.افتهمي بلاول هههه
ليليان.خلي نسوي حفله
ريم.صخام ع شنو شبيج اتخبلتي
ليليان.هههه لا ولج هيج حفله بيناتنه احنه نأخذ راحتنه بيه
لين.اي والله المزاج هسه مال ركص هههه
لينا.وهي اشد وصله ع خصره اكو احد جاب طاري الركص
ليليان.ههههه بس لحظه خلي نبدل مو خوب هيج نحتفل
ريم.ممم خوش فكره خلي نسوي عرض ازياء ههههه ونشوف منو احلى
ليليان.ماقصدي هيج بس يلا شكله الخبال بلش ههههه
فعلا راحوا البنات لغرفه ريم يبدلن واني رحت لغرفتي جبت ثوب قصير كلش احبه من اضايق متعوده هم احط مكياج والبسه واكعد افتر هههه رحنه للغرفه وبدلنه
ريم.ياا ولج هاي شنو
ليليان.شكو ولج
لين.طالعه تجننين 😍
ليان.يي عبالك اميره من اميرات دزني
ريم.ممم من جرمن الشيخ ذايب بحبج هههه
ليليان.لا ولجن لتبالغن مو لهاي الدرجه
ريم .ولج تخبلين عابت الج😍
لين.ولج لتغلطين عليه صدك ثوله هههه
ليان.ولج هذا عبد الله بس يشوفج هيج عقل ميظل عنده بعد هههه
ليليان.هههه كافي ولجن يلا علكن اغاني
فعلا علكنه اغاني وكعدنه نركص ريم متعرف جوبي كعدنه نعلمه شو هاي منشوف غير اجقلبت ووكعت ع الجربايه ضحكت عليه صدك ضحكتني من كلبي ع غباءه
لين.ولج عزه شنو من ضحكه هاي
ليليان.اااخ بطني ولج ماحسيت ع نفسي هههه
عبد الله.من سمعت صوت الضحك رأسن فتحت الباب ولللللجن هذا شنو الصوت هااااا😡😡😡
ليليان.عزه اني سمعت احد فتح الباب رأسن طفرت ختلت وره الكنتور إذا احد شافني هيج او سمع عبد الله هلا هلااا تقيم القيامه حتى😨😨
لين.هاا شيخ عبد الله😨
عبد الله.منو الي جانت تضحك هاااا
لينا.هااا هاي ليل ليل😰😰
عبد الله.متحجيييين😡😡😡
لينا.ليليان😓
عبد الله.شنو ليليان وين هي
لين.اشرت وره الكنتور😓باصبعه
عبد الله.رحت شفت وره الكنتور واشوف منظر يمكن بحياتي ماراح اشوف مثله ملاك لا حوريه واكفه كبالي مااعرف عليمن اصفن ع جماله لو جسمه إلي لابسه فستان امبين جسمه وتفاصيله 😍معقوله هاي بشر واكفه وامغمضه عيونه وسادته ايده حيل مثل إلطالب الخايف من العقاب إلي خايف من لحظه المدرس يجي ويظربه ع ايده الي كاعد ينتظر عقابه بخوف😶منظره هذآ وحده كافي يفقد البشر عقلهم جمدت امكاني ماعرفت شسوي غير رحت وحظنته مثلي الي يريد يطمنه ماكو عقاب اجاج عفو وهي دفنت راسه بصدري مثلي الي لكه مأمن من هاي الحياة لعد الصوت طلع منج ليليان كاعد احجي وياج
اوخره عني ماكو متحجي باوعت عليه كامشه قميصي بيده قوي وتبجي ولج هاي شبيج ليش كاعد تبجين مااراح اسويلج شي بس ليش تبجين كافي ليليان كليلي احد سوالج شي او سمعج شي ها احجي ليش بس تبجين
ليليان.😭😭😭😭😭وين جنت😭
عبد الله.بس رحت بشغله واجيت ليش شصار
ليليان.من كال بشغله عرفت راح ع رنا مااتحملت كمت بس ابجي محد يحس بحساسي اعرف مو من حقي احاسبه او اكله ليش رحتله قررت الجئ للبكاء بحظنه بس
عبد الله.استغفر الله راح اتخبليني هيج انتن متعرفن شبيه شصار وياه
لين.لا والله ماجان بيه شي أصلا جانت تضحك واسولف عادي حتى انت سمعت ضحكته مابيه شي
ليان.بس اول منزلت جانت عيونه مورمه امبين جانت تبجي وجانت ضايجه وماقبلت تكول ليش
بعدين لا اتغيرت عادي
عبد الله.جيبن عبايه بسرعه لاحد يشوفه هيج راح اصعده ليفوك احسن
جابن عبايه لفيته بيه وهي بقت لازمه قميصي كأنوا تكلي لتعوفني
عبد الله.هدي قميصي مااراح اعوفج بس خلي نصعد اني كلت هيج وهي رفعت راسه وباوعت بظره بعيونه المدمعه كأنوا تترجاني مااهده اخذته لحظني وصعدنه فوك وكل خوفي احد يشوفه هيج طبيت للغرفه تعالي ليليان كعدي كعدت ع الجربايه وكعدت يمه شبكته ومسحت ع راسه اطمنه اني وياه اوعدج ماراح اعوفج بس كافي بجي تمام إذا تبقين تبجين هسه اعوفج واطلع ارجع
ليليان.من كال ارجع خفت لا صدك يسويه ويرجع لرنا صحت لاااا ابقه ابقه شهكه يمي تحجي والدموع تنزل
عبد الله.بس بشرط كافي بجي
ليليان.تمام وهي تمسح دموعه من خده
عبد الله.مسحت دموعه بيدي وكلتله هسه احجي ليش بجيتي
ليليان.نولت راسي بلا مااحجي شي
عبد الله.ممم شكلج ماناويه تحجين زين عادي اعرف سبب هل ملابس والشعر هذا
ليليان.انتبهت ع نفسي اني لابسه الفستان وكدامه صدك استحيت حاولت اغطي اي شي من جسمي بس عيونه فصلت جسمي حسيت نفسي كدام جهاز كشف كمت ردت اغطي نفسي بلعبايه
عبد الله.وين وين بقيج جر العبايه منه ابقي هيج لايكلج الفستان
ليليان.لا فدوه لتباوع استحي
عبد الله.تره اني رجلج اذا مو اني اشوف هل جمال لعد منو😉
ليليان.عزه صدك متت بخجلي بوكته باوعت عليه وكلت خلي استغل الموقف
باوعت ع عيونه وحجيت بصوت ناصي وخجول عبد الله ممكن سؤال
عب الله.ياعيون عبد الله اسألي
ليليان.منو هاي رنا
عبد الله.هااا مو شخص مهم 😓لا بلى شخص مهم هاي خطيبتي وراح نزوج الاسبوع الجاي
ليليان.من سمعت الي كاله مااستوعبت بس حسيت الدنيا ظلمه وبعد ماادري
عبد الله.قررت اكلله هي اول وحده اول تالي راح تعرف بس ابد ماتتوقعت هاي رد فعله اغمه عليه بس سمعت ليليان ليليان كعدي ماكو متكعد مااعرف شصار بيه بوكته لفيته بلعبايه زين وشلته وركضت ليجوه يمممه ريييم
الحجيه.ها عزه لطمت ع صدره شبيه ولك شصار
عبد الله.مو وكت اشرح اغمه عليه فجأة راح اروح للمستشفى خلي احمد يلحكني خابريه عود اخابرك من يصير شي رحت صعدته بلسياره وسقت اعلى سرعتي حتى من كثر ما بالي يمه ماشوف كدامي بعد وصلنه للمستشفى واكددت ميطب اي دكتور للغرفه غير بس دكتوره لأن لبسه فاضح وكل شويه أروح اتأكد منه واغطيه عدل
الدكتوره.انت شصير منه
عبد الله.زوجه
الدكتوره.المدام سلامات مابيه شي خطير بس اغمه عليه بسبب سوء التغذيه والارهاق وامبين انو النفسيه هي السبب الرئيسي اكيد صار شي اثر عليه هسه حالته زينه حطيناله مغذي بس لازم ترتاح ورجاء لتعبوه يعني خلي تقلل العمل والتفكير واي صدمه ممكن تأثر عليه
عبد الله.اووف اذكرت من كلتلي ريم شلون عمتي تعامله صدك جن جنوني بوكته اتمنيت اروحله اخنتكه امكانه واجي اوووف منج عمتي اووف

لتنسون تنطوني رأيكم بلتعليقات 😚