فصلية البصره (مكتملة)

التاسع عشر

ليليان. رجعت لاربيل يم اهلي لحياتي السابقه المفروض هسه افرح لان هذا الي جنت اريده بس مااكدر ماانكر اشتياقي لعبد الله اتمنيت ارجع احاول اوضحله موقفي بس عندي يقين هو راح يعرف الحقيقه وراح يجيني ويعتذر مني بقيت تقريبا شهر عازله الناس وباقيه بلغرفه اعلي حاولي يفتهمون مني شصاير وياي بس اني اصدهم وقررت مااحجي ويه احد عندي قميص مال عبد الله اخذته قبل لا اطلع بقيت بس حاظنته وابجي كل هاي الفتره انتظره يجيني عشت ع امل انتظره بس ماكو اي خبر كل مايجي اتصال يدك كلبي واكول بلكت هو بس لا ماكو ولا اتصل 😔😔بعد ماايست منه اجتني صديقتي صديقه العمر نور
نور. شخبارج ولج مشتاقتلج وبعدين هاي شصاير بيج شوفي شلون ضعفانه صايره عوده ليش هيج ولج وعيونج شلون مورمه عابتلج عوبه صايره وجه الطاوه
ليليان. من شفته وسمعت حجيه اذكرت نفسي القديمه ليليان الي الضحكه متفارك وجه اني شسويت بنفسي منو يستاهل هيج اسوي ع موده دمرت نفسي وعائلتي خليتهم يخافون عليه 😭😭😭😭ولج نور اني غبيه اني وحده غبيه
نور. اهم شي عرفتي نفسج
ليليان. 😭😭😭😭اسفه اسفه
نور. لا صدك مرتفعه حرارتج عوبه انتي ليليان نسيتي منو ليليان شبيج رجعي لوعيج 😠😠
ليليان. كافي عذبت نفسي هواي ماراح اسوي هيج وعد 😭😭😭
نور. لتوعديني اليه وعدي نفسج وشوفي اهلج شسويتي بيهم خطيه امج الي حايره بيج لو ابوج ماخله دكتور ماسأله ع مودج واخوج الي كاعد يلوم بنفسه كله من وراج
ليليان. معقوله هيج صار من ورايه وحسن كاعد يلوم نفسه ؟😳بس هو ماله ذنب
نور. اي خطيه يكول من ورايه اطرت تروح فصليه ومن يوم الي رحتي هو ماكدر يشوف اهلج ماله عين يشوفهم ولج اهلج اتعذبوا بعدج هواي لسوين بيهم هيج
ليليان.😭😭😭 لا هاهيه راح احاول اصلح كلشي
نور . شفت القميص شمرته هذا اول شي لازم تتخلصين منه انسي الماضي كله لازم ترجعين لحياتج قبل انسي هاي السنه كله تره بعدج صغيره عمرج بس ١٨
ليليان. ماكدرت اتحمل من شمرت قميص عبد الله بس كلامه صح اذيت اهلي بدون ماادري وعدت نفسي بهاي اللحظه مااراح اسوي شي يأذي اهلي او يحزنهم راحت نور وكمت وراه طبيت سبحت وبدلت ملابسي وكفت كبال المرايه باوعت ع نفسي شلون متغيره اتلمست وجهي عظام وجهي بارزه اذكرت هاي الفتره ما اكلت ابد جانوا يغصبوني ع عصير او اي شي بسيط اووف شسويت بنفسي باوعت ع جسمي  شلون ضعفانه وين جسمي الي الكل جان يكلي جسمج حلو هسه صاير عوده لااا😭😭😭اريد ليليان القديمه وينه اكرهك عبد الله اكرهك وينه ليليان ويييينه😭😭😭😭كله من وراك اووف اهدي ليليان اهدي انتي مثل ماخليتي ليليان القديمه تروح انتي ترجعيه كااافي تعتمدين ع غيرج ابني سعادتج بنفسج محد يفيدج محد يكدر يسعدج وانتي جربتي هل شي من وثقي وسلمتي كلبج شفتي شصار بيه شلون ظربج بلا رحمه وطردج من كل حياته هو الخسران لان خسرج وانتي الربحانه عرفتي هو شنو وحده مثل رنا كدرت تلعب بعقله وخربته عليج اووف يكلبي اسفه سويت بيك هيج بس راح اداوي جروحي وارجع من جديد مسحت دموعي ومشطت شعري اذكرت من جان يحب شعري وحتى اغيضه جنت افل شعري وامشي كدامه 😓اووف راحت هذيج الايام هزيت راسي حتى اطرد هاي الذكريات منه وحاولت انسه بس عليمن اجذب ماكدرت انسه بس الاقل احاول ماتفكر بيه ٢٤ ساعه رتبت نفسي وحاولت اصنع الابتسامه والتفائل مو ع مود شي ع مود اهلي شنو ذنبهم اني غلطت من سلمت كلبي مو غلطهم نزلت الهم جانوا بلصاله ماما وبابا هلااو يااحلى عائله 😍
الام. يا هلا ليليان؟
الاب . هاي بنتي؟
ليليان. عزه تبريت مني لا بابا ماتوقعت هيج منك لو لحظه صاير بيك زهايمر وصاير تنسه بس معقوله نسيت بنتك حبيبتك ☹
الاب. عزه اكلتيني وشربتيني شبيج لا هاي انتي الخبله لسه طكه ونص شوكت تعقلين انتي
ليليان. من يبيض الديج😜🤪
الام. هههههه خبله شلون صرتي بنتي
ليليان. مو زينه ☹
الاب. ليش يعمري انتي
ليليان. كاعد تسمع الصوت
الاب .ياصوت
ليليان. صوت بطني ☹جوعانه 😭😭اسمع شلون توصوص
الام. هههه هسه يلا اتأكد صرتي زينه
الاب .اهو  واني جنت خلصان من المصرف لان اكل موجود هسه راح ترجع تاكل كلشي الاخضر واليابس ام بطن
ليليان. ماما حاجي رجلج شلون يقلد عليه☹
الام. ههه لا خطيه يا ابو حسن شكله زعلت
الاب. تعالي يعمري مااقصد بس ردت اشاقج شويه غير مشتاقلج
ليليان. 😍😍فديتك لعد حتى اقبل وارضه عندي شرط
الاب. هلاا بلشت تشرط كولي خيرج
ليليان. هههه خلي نطلع بليز صارلي شكد ماطالعه
الاب. تدللين خلي نطلع لمطعم لعد حظري نفسج
ليليان. بس خلي حسن يجي ويانه
الاب. ياريت بس ماتعرفين شصار بعد مارحتي للبصره
ليليان. بلا اعرف ولذالك قررت نروح لبيت حسن قبل لا نطلع واحاول اصحح سوء الفهم ليبقه يلوم نفسه وهو ماله سبب
الاب. احسن فكره يلا كومي بدلي
ليليان. صعدت ابدل لبست بنطرون وبدي قصير اذكرت عبد الله جان ميقبل البس قصير ولا حتى بنطرون بس لبست عناد بيه وفليت شعري وحطيت مكياج كافي قيود اريد احسن اني حره نزلت لاهلي وفعلا رحنه لبيت حسوني ردت افاجأة