فصلية البصره (مكتملة)

الثالث عشر

ليليان.كعدت لكيت نفسي بلمستشفى اذكرت كلام عبد الله لا اكيد جان حلم مستحيل هذا الشي فتحت عيني وقررت اعتبر ولا كأنوا شي صار
الممرضه.ها واخيرا كعدتي
ليليان.🙂مع الاسف اي اجه عليه أحمد اخو عبد الله ورجعت البيت وطبعا عبد ألله ماشفته من كعدت وحسب إلي فهمته صارلي يومين ماكاعده
احمد.اختي شلونج هسه
ليليان.الحمد لله احسن حسيته يريد يحجي شي بس متردد طبعا احمد أكثر واحد بخوان عبد ألله حباب وكلبه طيب وهو اصغر منه بسنه
احس اكو كلام بكلبك احجي
احمد.هاا لا ماكو شي بس صيري قويه ولتستسلمين 😶
ليليان.ليش شصاير
أحمد. لا مصاير شي ان شاء الله يلا المهم وصلنه
ليليان.طبيت البيت ولكيت كرايب هواي يمنه استغربت
ريم.هلاااا وهلااا بلحبيبه ولج الج وحشه
ليان.اووف مشتاقين شلونج شلون صرتي
ليليان.لا مابيه شي الحمد لله بس
ريم.بلا بس ولج هستوج راجعه من المستشفى وتريدين تبسبسين يلا صعدي لغرفتج ارتاحي
ليليان.ولج عوبه خلي اكمل كلامي اكو شي اليوم يعني اقصد شو الكرايب كومه هنا خير
ريم.ها شبيج حبيبه لسه ماتعودتي احنه كل يوم هيج عادي يعني عدنه مو اله اكو شي
ليليان.اعرف بس شو هل مره هواي وحتى شفت هواي زلم بره
ريم.كافي بس تفكرين ماكو شي انتي روحي لغرفتج وارتاحي
ليليان.كلبي حسني اكو شي بس ليش محد يريد يكلي وتصرفاتهم غريبه المهم فعلا رحت صعدت لغرفتي ومالكيت عبد ألله اكيد يم بلديوان يم الزلم المهم كعدت بدلت وكل مااذكر كلام عبد الله احس كلبي ينعصر بس قررت اصرف ولا كأنوا صار شي وهذا الشي اكدلي عبد الله مو اليه اني وين هو وين هو كم شهر وراح اروح وشكلي صرت فاصل بينه وبين خطيبته😔قررت ادوس ع كلبي واتحمل كلشي
وره شويه سمعت صوت سيارات تروح وفرغ البيت ردت انزل بس بقيت كلت شعندي ابقه هنا احسن خابرت صديقتي الي صارلي فتره طويله مامتصله وياه وكعدنه نسولف ونضحك صدك كدرت تخفف عني وسولفتله عن عبد ألله وعن مشاعري وهي هم نصحتني انسه كلشي احسن اليه وبلاخص بقالي كم شهر مو هواي واروح وره شويه سمعت صوت طلك ونسوان تهلهل استغربت كلت هاي شصاير باوعت من الشباك وشفت سيارات اجتي كومه وطبوا للديوان وشفت عبد الله إلي جان كاشخ عبالك عريس ويبتسم للناس بس عيونه كل شويه تصعد ع الشباك خفت بس لا حس بيه عاد رجعت لمكاني وكلي فضول اريد اعرف شكو كلت انتظر شويه وانزل اشوف بس فجأه انفتحت الباب واجه عبد الله باوع عليه صفن شويه بعدين نزل راسه😔
استغربت من تصرفه بدون ميحجي شي راح ع الكنتور طلع ملابسه وطب للحمام هاي شبيه لا اكيد صاير شي من طلع من الحمام وكالعاده بس منشفه ومنظر قطرات المي ع جسمه لو شعره المبلل😍😍هزيت راسي حتى اطرد هاي الافكار عني اتجه للملابس حتى يبدل
عبد الله😶
عبد الله.بتفاجاه نعم
ليليان.بس رد اسألك صاير شي شو ناس تروح وناس تجي شصار بهاي اليومين سألتك لأن محد يقبل يكي
عبد الله.اخذت نفس وكلت من أرجع عود افهمج كلشي هسه لتنزلين أبد وبعدين الحمد لله ع سلامتج شلون صرتي
ليليان.زينه الحمد لله🤨بس ليش ماانزل
عبد الله.كلت شي نفذي لتبقين اسألين مفهوم😠
ليليان.تمام تمام ماكو داعي هيج تعصب اباوع عليه جان يلبس ساعته وحط عطره لبس دشداشه سوده ولف العكال ع الطريقه العماره اووف شلون طالعه عليه صدك شيخ😍😍

عبد الله.بعد ماوديت ليليان للمستشفى بقيت يمه وكل يوم اهتم بيه لحد ماسمعت انو رجعت لوعيه رحت بس رجلي ماكدرت تدخل وتواجه فأكتفيت انو اطمأن عليه من بعد ووصيت عليه ورجعت لأن اليوم المشيه مالتي بهاي الفتره وبسبب نك رنا عليه حجيت ويه اهلي ومارفضوا لأن اول تالي جنت راح ازوج رنا رحت للبيت وبلغتهم ليليان راح تجي بس مااريد احد يكله شي ع الخطبه لأن اريده تسمع مني مو من غيري رحنه للمشيه ومن رجعنه رحت للغرفه ابدل بعد ماسألت ريم ع ليليان وإذا عرفت شي المهم شفته ولاكأنوا بيه شي مدري هي هيج تظاهر ماكدرت اواجه أبد فقررت الهرب بس إلا متى كلتله تنتظرني بليل اجي اسولفله ورحت للديوان يباركولي واني بالي مو يمهم أصلا كل تفكيري بهذيج إلي اخذت كلبي وعقلي وسيطرت ع لحظه بيه خلتني ابعد عن البشر واكعد افكر بس بيه هي صار الليل ولا مهرب من شي صعدت ليفوك بعد ماراحوا الكل لكيت ليليان امرتبه الغرفه وابدله وحاطه مكياج مو من عادته هيج تسوي بلبدايه استغربت شفته حاطه سماعات وكاعده تسمع اغاني ليليااان ليليااان
ليليان.وخرت السماعه وشفت عبد الله ابتسمت ابتسامه بسيطه وكلت ها اجيت اسفه ماانتبهت
عبد الله.قصدج ماسمعتي صارلي ساعه اصيح المهم هسه راحوا الخطار اتوجهت للكنتور اطلع ملابسي واتفاجأه بليليان تكلي😳😳مبروك
ليليان.مبروك🙂
عبد الله.ع شنو🤨
ليليان.ع خطبتك ولو زعلانه منك ماعزمتني بس يلا فرحتلك بلاخص بعد ماسمعت انو تحبه من زمان🙂همزين ماجنت الي فرق بينكم
عبد الله.منو كلج
ليليان.مومهم منو كلي
عبد الله.مهم احجي
ليليان.هاي شبيك عبد الله كلتلك مو مهم ولتتوقع مني راح احجي اول تالي جنت راح اعرف وبعدين ماصار شي خطيبتك وراح تزوجه بس ناوي تعزمني ع عرسك لو مثل اليوم؟🙂
عبد الله.رد فعله غريب مااتوقعت هيج أصلا هي من درت بيه خاطب اغمه عليه وهسه راح ازوج ماالمفروض هيج رد فعله لو هي أصلا ماجانت تحبني معقوله متحبني اي واضحه لأن حتى لو معجبه جانت شويه غارت بس يبدوا انو مااعنيله شي😔اووف منك كلبي اووف دائما تختار غلط
ليليان.بعد مانزل عبد الله وكلي بليل اسولفلج حسيت اكو شي ومنو يعرف غير ريم نزلت ادور عليه ولكيت هواي نسوان جوه طبيت الصاله واسمع النسوان يأشرن عليه ويحجن
ام محمد.هاي مو مرته الالولى شو جنه كمر ليش،يزوج عليه
ام علي.ولج هاي فصليه شبيج
ام محمد.ياا هاي الفصليه بس صدك حلوه
ليليان.شنو السالفه كاعد يحجون عليه اني وعبد الله واضحه لان اني الفصليه مرت عبد الله بس شنو بس لا الي ابالي صح رحت للمطبخ لكيت ريم جريته ورحنه للغرفه
ريم.ولج هاي شبيج احجي حبيبه ليش هيج جارتني صاير شي
ليليان.اي صاير وانتي لازم تكليلي هسه شنو إلي صاير احجي يلا
ريم.يا شبيج ماكو شي خليني اروح
ليليان.ماكو روحه احجي شكو
ريم.ماكو شي
ليليان.عبد الله راح يزوح مو😔
ريم.😶
ليليان.تمام عرفت الجواب😔😔طلعي بره دااكلللللج طلعيييي بره ارررريد ابقه وحدي طلللللعيي😭😭😭اووف يربي رااااح يزوج شراح اسوي😭😭😭اتمنيت اموت بهل لحظه بس لا اني قويه اني ليليان مستحيل استسلم قررت اخليه يندم ع اليوم إلي عرفني بيه وراح اسوي بيه مثل ماسوه وياي وكسر كلبي راح اراويه هو شنو الي خسره من قرر يزوج وينساني 😞تمام عبد الله😤😤