فصلية البصره (مكتملة)

البارت الثلاثون

ليليان. بعد مارجعت للبيت صعدت كبل لغرفتي نزعت الشال بقيت صافنه عليه وافكر بيه لحظه شكاعد اسوي اني ؟؟😮😮هاي شبيج ليليان رجعي لوعيج وين راح عقلج شنو نسيتي منو هذا عبد الله شسوه بيج شنو نسيتي عوبه عوبه انوب سمعت كلامه ولبست شال ثول اي والله ولللج ليليااان شصار لعقلج اووف اووف منج اووف يربي شرجعه هسه ووكت عقلي يروح مني ثول اي والله ثول اااخ يربي شسوي هسه اووف اتمنه الكاع تنشك وتبلعني ع هاي سوايتي اووف منج ليليان شوكت اشغلين مخج هذا اووف خلي انام بلكت اكعد وهذا كله ماصار بلكت ياالله ☹☹☹نمت وحطيت المخده ع راسي بس اريد انسه مااريد افكر بشي يربي شسويت نمت من كعدت الصبح عندي دوام جنت ابدل واذكرت كلام عبد الله من كلي اشوفج باجر شيقصد هذا معقوله راح يجي للكليه لا مامعقوله يسويه واذا اجه شكللهم هذا منو اووف كافي تفكرين هسه خلي انزل احسلي لان صدك كلش جوعانه صبااحو ماما
الام. صباح النور
ليليان. ماما جوعانه شسويتي ريوك بسرعه ليجي ابو الخط
الام. اي تعالي اتريكي راح اصبلج جاي
ليليان. استغفر الله جنان بعدني ماحاطه شي بحلكي واجه ابو الخط خبصني بلهورن يلا عود اتريك هناك
الام. لا اتريكي خلي ينتظرج شويه
ليليان. يا ينتظر مشوفيه خبص الامه ماناقص الا يكعد الجوارين اذا بعدهم نايمين ع هذا صوت الهورن مالته يلا ماما باي بوساتي 😚😚😚
نور. صباحو شو شكلج متفائله اليوم
ليليان. صباحو ماعرف يعني لازم اعبس من الصبح هاااااا
نور. ع كيفج تره ماكلنه شي
ليليان. ولج كافي الي بيه مكفيني
نور. لحظه خلي احزر مالحمتي تاكلين مو؟
ليليان. ولج ميته جووع😭😭😭
نور. هسه شويه وتاكلين ام بطن ههههه
ليليان. وصلت للجامعه واني من كل عقلي اتوقعت عبد الله راح يجي اول منزلت من الخط اباوع منا ومنا
نور. هاي شبيج امضيعه شي كاعد ادورين ع منو؟
ليليان. لا مو ع احد يلا اني راح اروح راح تبدي المحاظره خلصت المحاظره طلعت اني وهند للكفتريا
عمر. ليليان ليليان
ليليان. نعم استاذ صباح الخير
عمر. صباح النور شلون صرتي ظل بالي يمج
ليليان. من كال ظل بالي يمج هند ظربتني ع زندي وتباوع عليه كلتله الحمد لله زينه
عمر. سمعتي الدكتور شكال
ليليان. استاذ لصير مثل امي
عمر. مو قصه مثل امج بس يعني هو بيج فقر دم وكال قوي انوب ميصير هيج تجاهليه لازم تنتبهين ع اكلج منا وجاي
ليليان. ع طاري الاكل بصراحه هسه ميته جوع راح اروح اتريك لان مالحكت اتريك بلبيت
عمر. طبعا اكيد جنتي سهرانه وماكعدتي من وكت ومالحكتي تتركين
نور. اي والله استاذ شلون عرفت
عمر. هو انتن بنات هذا الجيل كلجن هيج 😒
نور. ااخ كصتي وصل القصف
ليليان. ههههه تعال استاذ ويانه نتريك
عمر. وشراح تتركين ؟
ليليان. بسكت وجاي
عمر. وهذا ريوك يعني برأيج ماكو هيح اكل منا وجاي لازم تهتمين بصحتج مو مثلج هذيج المره
ليليان. شكلي راح ابقه اذكره من كثر متحجون بيه
عمر. يلا تعالن للكفتريا
ليليان. فعلا رحنه وكعدنه وراح الاستاذ جابلنه اكل لفات وعصير
عمر . شوفي هذني تاكليهن كلهن غصب
ليليان. شنو كلهن لا مااكدر
عمر. ولج شوفي وجهج شلون صاير يلا هاج
ليليان. فتحتلي العصير وانطانيه حسيت بوكته اكو عيون كاعد تراقبنه باوعت لكيت عبد الله واكف وكاعد يباوع علينه والشراره تطلع من عينه عزه صدك خفت بوكته منه بس لحظه ليليان عود ليش تخافين منه طز بيه خلي يفور احسن حجيت بدلع ويه الاستاذ عناد بيه استاذ شكرا ع اهتامك بيه
عمر. ممكن طلب
ليليان. اتفضل اكيد
عمر. الفرق بينه مو كلش جبير بلعمر يعني اقصد من احنه وحدنه مااريدج تعامليني برسميه يعني بلاه هاي الاستاذ اذا تكدرين يعني مااقصد بيه شي لتفهميني غلط بس اقصد يعني ...
عبد الله. احم احم السلام عليكم
عمر وليليان ونور. وعليكم السلام
عبد الله. شلون صرتي ليليان ان شاء الله احسن
ليليان. ليش شمعرفك اني اتخربطت
عبد الله .ليش نسيتي ع شنو اغمه عليج
ليليان. شنو 😶😶
عبد الله. 😏غير من شفتيني
ليليان. هاا😶
عمر. شنو شكاعد تحجي انت
عبد الله. اي هو بمحاظرتي اول مدخلت حتى بعدني مامعرف عن نفسي واشوفلك طالبه اغمه عليه
ليليان. يعني انت الاستاذ الجديد؟
عمر. ليش متذكرين ؟
ليليان. لا مااذكر ليش شصار؟
عمر. مو استاذ عبد الله هو الي وداج للمستشفى
ليليان. صدك شو ماشفته من كعدت
عمر. اي هو جان موجود بس من كعدتي راح
عبد الله. راح تبدي المحاظره يلا روحي مااحب الطلاب يطبون ورايه
ليليان. 😒😒 ....استاذ عمر ها اسفه اقصد عمر اني راح اروح هسه وشكرا ع الريوك😊
عمر. ولو كم ليون عدنه
عبد الله. 😒😒
ليليان. 😏😏يلا هند خلي نروح دخلت للمحاظره وره ثواني اجه عبد الله الوكت كله عيونه عليه بس اني ابد ماباوعت عليه احسه يباوع بس مطنشه ولا كأنوا شايفته خلصت المحاظره وطلع ااخ هسه يلا اكدر اخذ راحتي
هند. شنو موضوعه هذا تره الطلاب كلهم انتوا شلون بس يباوعلج
ليليان .اندري غير معجب بجمالي 😊
هند. هههه لا شكله هذا معجب قديم
ليليان .مر اسبوع ع هاي الحاله عبد الله بقه يراقبني واحس عيونه وياي وين مارحت بس اني كباله احجي ويه عمر بهاي الفتره كمت احس عمر صديق اليه من احتاجه موجود ومن يشوفني زعلانه يحاول اي شي حتى يضحكني رغم هو صدك استاذي بس بعد المحاظره يختلف هذاك الجدي والعصبي يتحول بره القسم الى شخص سبورتي ويحب يضحك اما عبد الله لا نفس طبعه والشراره الي بعيونه طبعا طلع حجي علينه لان بس يباوع عليه عيونه تلاحكني وين مااروح بلبداية جنت اكلش اضوج لان اتقيد بس هسه ماادير بال اتعودت عليه وع نظراته وصرات هوايتي اثير غضبه صح لسه كلبي يدك بس لعبد الله بس مااكدر انسه الي سواه بيه شكد حاولت انسه بس مااكدر احس بعد لازم اشلع كلبه قابل هينه عذاب هذاك الوكت وكل هاي الفتره الي انتظره بيه مافكر يجيني يسأل بعد وكت هسه يجي بعد ماكدرت اوكف ع رجلي وحدي
هند. راح تروحين للسفره باجر؟
ليليان. ياسفره هااا قصدج مال المصايف ليش راح تروحين انتي ونور
نور. اي اكيد نروح
ليليان .لعد اروح اني هم بس اكول لاهلي
عمر. صدك اني هم اروح
ليليان. بسم الله من وين اجيت
عمر. هههه جني مو اني هههه
ليليان. هههههه يلا اني اترخص باي رجعت للبيت