فصلية البصره (مكتملة)

البارت الرابع

عبد الله.اليوم هو اليوم الي تجي بيه الفصليه
ريم.عبد الله عبد الله شيخنه يلا اكعد راح تجي مرتك اليوم
عبد الله.من كالت مرتك كرهت حتى النوم
وللللج مرتك شني كولي الفصليه اخت القاتل مرتك شني😡😡
ريم.المهم يلا اكعد😒
عبد الله.كعدت ورحت لبست دشداشه وعكال طبعا لازم اكشخ مو لأن راح تجيني فصليه لا بس لأن إني هو الشيخ صح متمني اشوفه لأن صدك جماله ساحر وعصبيته تحسه بنت بألف زلمه ولك عبيد شمالك هيج تحجي نسيت خطيبتك رناوي تسواه شني هاي الفصليه يلا خلي اطلع اشوف الوضع
طلعت وشفت التجهيزات للفصليه وره شويه وصلوا اجوي بس ابوه وعمه اتوقعنه العشيره كله المهم من شفته صدك عصبت هاي بنت الكلب لابستلي بنطرون وقميص قصير ولا انوب مالابسه شال والزلم كله تباوع عليه وهي عادي عده وانوب عيونه منا ومنا اوووف لو بس هسه اكمشه غير اموته من الجتل عيونه إجت عليه إني بينتله عصبيتي شو خافت وفلتت جوه ولج اني ابن الشيخ هيج تطلع مرتي بنص الولد اني اعلمج بنت المدينه ام الدلال راح انسيج دلال اهلج
صار وكت العقد وجانت راح اطب بس اكيد مااخليه هيج اطب😒
عبد الله.ريييم
ريم.ها شيخنه لبسي الفصليه شال شي مااريده هيج اطب مفهوووم😡
ريم.تؤمر شيخنه هسه احاجيه
ريم.اكلج انتي هييي
ليليان.اني؟
ريم.اي🙄بس مااعرف اسمج وماعرفت شصيحلج
ليليان.ماالكل يصيحلي فصليه ماصحتيلي مثلهم😔
ريم.لا مااريد اصيحلج هيج انتي مرت اخويه صدك ماعرفتج اني اخت الشيخ عبد الله
ليليان.يعني إلي راح ازوجه اسمه عبد الله وهم شيخ😫
ريم.ههههه اي اي صدك ولج نسيتيني الشيخ يكول لدخلين هيج
ليليان. شلون يعني😒
ريم.هاج شال لبسيه لأن جوه كله زلم وستري نفسج من عصبيته انصح لتلعبين بأعصابه تره هو ماجن العصبيه تخووف😬
ليليان.عزه ولج انطيني الشال لعد ليطلع مثل الوحش😝😂
ريم.ياوحش🤨
ليليان.هاا لا هيج يلا ندخل
دخلنه وعقدلنه الشيخ بس مارفعت راسي أبد وشفته بس سمعت صوته من كال اقبل صوته ما مبين جبير كلش بس هو شيخ اكيد يطلع بكد ابويه إذا مو اكبر😫😫
عبد الله.عقدلنه الشيخ بس اويلي مو جن مره تخبل😍الجمال والجسم إلي شايلته تكولن مو بشر وابد مارفعت راسه وخطيه امبين عليه كلش خايفه ومتوتره لحظه هاي شبيك يلشيخ جنك نسيت منو هاي ولك هاي اخت الجاتل أخوك الغزيز بكر نفضت راسي من افكاري هاي وطلعت بره كعدت ويه الشباب شويه
ليليان.خلصنه العقد وريم ودتني لغرفه وكالت هاي هي غرفة الشيخ
اووف من اسمع تكول شيخ صدك انقهر ع نفسي هاهيه ولج ليونه صرتي فصليه بس اباوع ع الغرفه جبيره وكله فصال تركي تخبل والاخشاب امبينه راقيه وتصميم رجولي كعدت ع الجربايه انتظر اجلي
ريم.عبد الله شيخنه الحجيه تريدك
عبد الله.اي هياتني جاي
دخلت جوه وشفت الحجيه خير حجيه سمعت صايحتني
الحجيه.شيخنه شنو ماناوي تروح لمرتك
عبد الله.يامره😐هاا قصدج الفصليه ليش شبيه😒
الحجيه.ابني اعرف بيك شكد مقهور ع بكر بس كلنه نعرف هذآ لا بيدك ولا بيدنه كله صار الي راده الله وكلمن ويومه وبعدين خطيه هي مجرد بنيه لا حول ولاقوه إله وجابوه اهله فصليه واطرت تبتعد عن اهله وانوب نجي احنه نزوده عليه خطيه اتحمله هي سنه وتروح
عبد الله.بس لتتوقعين مني اعترف بيه او اعتبره مرتي تبقه بس للخدمه وماله علاقه بيه ولحد يجبرني عليه هي وسنه وتروح
اووف اني بالي كله يم حبيبتي رناوي خطيه شنو رد فعله من تعرف اووف وماصدكنه انو قرب زواجنه من وين تجي هاي الفصليه
ليليان.كعدت انتظر ماكو اي همزين عساه ميجي هذآ العجوز كمت بدلت لبست تراك اسود ومشطت شعري صفنت شويه بلمرايه وع نفسي ولج ليونه تالي عمرج تزوجين شايب😐عاااا هيج صار بيه حطيت خصله من شعري بشكل شوارب وكعدت اقلد عليه هاهاها اني زوجج الشيخ هاهاها هههههه صدك ضحكني وفجأة سمعت صوت ورايعزه جمدت امكاني عرفت اجه الشيخ خرب واكيد سمعني اقلد عليه هنا اتمنيت الكاع تنشك وتبلعني من فشلتي
عبد الله.بعد ماخلصت سهره ويه الشباب صعدت انام بغرفتي كلت اكيد هسه الفصليه نامت بشي غرفه بس من دخلت وشفته واكفه اويلي الطول والشعر وخرب يومه شلون لبس لابسه امبين جسمه خلتني صافن عليه وسمعته تقلد عليه عاد عرفت هنا عباله إني شايب من سمعت يصيحولي الشيخ بس شلون كاعد تقلد قررت انتقم منه
عبد الله.احم احم
ليليان.درت وجهي ولاااا الوحش كبالي بدون رد فعل ولا عقل صحت اوحش😳
عبد الله.الوحش؟ شنو شكلتي؟
ليليان.اقصد لا بس...
عزه حتى الكلمات اختفت احس لساني انشل وخاني مااكدر احجي شي
عبد الله.ولج لاجن واحد كاعد يحاجيج شنو مامربيه انتي اني اعرف شلون اربيج
ليليان.وبلله شلون🤨
عبد الله.وعندج لسان تحجين هم ولج انتي هنا فصليه انتبهي لحجيج
ليليان.صح اني فصليه بس هم متكدر تحجي وياي او تسويلي شي لأن اني هسه بذمه شخص وهو إلي اله حق عليه فاهم منو انت وتحلسبني ابويه اخويه زوجي هااا؟
عبد الله.بذمه منو ولج منو هذا إلي كاعد تحجين عنه
ليليان.الشيخ عبد الله هو إلي عقد عليه وهو بس اله حق عليه فاهم انت منو وتحجي وياي روح احسن مااصيح الشيخ عليك
عبد الله.من سمعته هيج حجت صدك لزمت الضحكه كوه بس ردت اشوف تاليته وياه شنو وهم شويه العب بعصابه😏لهاي بنت المدينه المدلله
عبد الله.شو بالله صيحيه خلي اشوف منو هذآ إلي يكدر يوكف بوجهي
ليليان.من سمعته هيج يحجي صدك طلع وحش بس حسب ماسمعت سلطة الشيخ هنا كلش قويه فكم اصيح ع ريم
ليليان.ريييييم ريييييم
ريم.عزه ها ولج خير شصاير
ليليان.تعالي كولي لهذا الوحش منو إلي عاقد عليه😏
ريم.هاشبيج اكيد الشيخ عبد الله
ليليان.سمعت يا سيد😏
عبد الله.ريم كليله منو اني😏
ليليان.🤨
ريم.هاشبيكم انتوا الثنين ألله بلاني بيكم
عبد الله.ريم سألنج جاوبي😠
ريم.انت الشيخ عبد الله😑بعد رايدين شي لو اولي انام
ليليان.شنو😳
عبد الله.روحي ولي نامي وانتي حسابج جوه
سحبته من ايده ودفعته جوه الغرفه وقفلت الباب
ليليان.لحظه والله مجان قصدي عبالي الشيخ واحد جبير اسفه ماجنت ادري اني احجي وهو يتقدم بأتجاهي واني ارجع ليوره عفيه يلوحش اقصد الشيخ فدوه اسفه مااقصد بعد مااعيده بس بعد عني عاد بلش يقرب اكثر وحصرني بلكنتور صحت يممممممه
عبد الله.من شفته هيج خليفه ومتوتره عاد حبيت العب بأعصابه وباوعتله بنظره خليته ترجف واتقرب منه وهي تبتعد وتتوسل اعوفه لحد ماانطخت بلكنتور وحاصره هناك قربت من اذنه شويه شويه
عبد الله.وخري شويه اريد ملابسي
ليليان.😳هااا اي بس
عبد الله.شنو بس شتتوقعين يعني ميت عليج😏
ليليان.بصدمه لا بس😳لا ولا شي😶