فصلية البصره (مكتملة)

الرابع عشر

ليليان.صح احس كلبي كاعد يموتني من الوجع بس اني جبته لنفسي حبيت شخص اعرف مصيره مو الي بس جان حلم وهسه صحيت ع نفسي بعديش بعد ماورطني هذا الكلب كعدت من الصبح واكيد جان ناس وازدحام عشيرتهم كلش جبيره ههههه بدلت ولبست وكشخت وحطيت مكياج وذبيت الشال ذب ع شعري ونزلت وصلت للدرج صفنت اباوع ع النسوان الي ملتمه اكيد هسه كلهن راح يحجن ليش،ازوج عليه عبالك هو معتبرني زوجته يعني 😔اخذت نفس ونزلت يلا ليليان انت قويه رفعت راسي ومشيت لان ماكو شي يستحق انزل راسي ع موده رحت للمطبخ حتى اساعدهم
صباااحوو😁
لين.صباح النور يعمري😀
ريم.هلا ليش نازله بعدج تعبانه البارحه جايه من المستشفى لو نسيتي
ليليان.اووف هاي شبيج متخلي الواحد يتهنه شويه كمت انطز شوفي شلوني كلش زينه مابيه شي وكلي طاقه خلي اساعدجن😁
ريم.صدك خبله يلا خلي نشوف سبب فرحتج اليوم
ليليان.ماكو سبب اني شخص دائما سعيد ومبتسم😀
ريم.هلا هلا منو هاي هههههه
ليليان.حظرنه الاكل واتونسنه وكلبت الجو لان شكلهم جانوا ضايجين يمكن عليه فبينت الهم اني مامهتمه وكعدنه نسولف ونضحك
ام محمد.ولج مو هاي مرته الاولى
ام علي.اي بس شو مامهتمه ولا كأنوا زوجه راح يزوج
ام محمد.اني سمعت ع اساس هي متدري
اكلج حبيبه ليليان مو؟
ليليان.نعم اتفضلي خاله🙂
ام محمد.تعرفين هاي التحضيرات المن؟
ليليان.اكيد ليش
ام محمد.المن وليش الناس هيج ملتمه تعرفين
ليليان.حجيت بكل فخر حتى اهبط معنوياته اي طبعا اعرف هاي التحضيرات لعرس الشيخ عبد الله
ام محمد.انتي مو مرته؟ شو ولاكأنوا زوجج راح يزوج عليج
ليليان.ويعني شسويله كلنه نعرف هي خطيبته قبل لا اجي وهم يحبون بعض بعد ع شنو هو زوجي واحب اشوفه فرحان والشرع حلل اربعه شتريدين مني يعني اكعد احبس نفسي بغرفتي وابجي لا عيني اني وحد😊هي اصلا خطيبته اول تالي يزوجه بلعكس لازم افرح لان راح تجي اخت وصديقه جديده اليه😁
ام محمد.منو يكول هي هيج رأيه تره هي بنت المدينه من بغداد اكيد راح تحاول تاخذ الشيخ بس اله
ليليان.يمكن ماتعرفين صح هي من بغداد بس اني من اربيل 😊وخلي تحاول والي يريده الشيخ يصير هو صاحب الكلمه
ام محمد. ياا بس
عبد الله.شنو بس لوين تريدين توصلين بكلامج خاله اكيد ماناويه تخربين بيتي مو؟
ام محمد.ياا اكيد لا بس جنت اتعرف ع مرتك الاولى
عبد الله.هاا بنات استعجلن يلا وصبن الاكل
من سمعت صوت ببمطبخ اجيت اشوف بس من سمعت كلام خالتي وياه اتوقعت راح تبجي تنهار شي وردت ادخل بس ماتوقعت هيج جوابه مو بس صدمني صدمهم هم بس ياترى كاعد تظاهر لو فعلا احساسه هيج اووف يكلبي بس ان شاء الله رنا تكون هم نفسه ويصيرن صديقات ولو شاك من ناحيه رنا
ليليان.جنت اعرف بوجود عبد الله وحجيت هل شي عمدا حتى ابينله هل شي ماهزني ولا همني صبينه الاكل وطبعا النسوان بس يباوع عليه ههههه
ريم.اكلج مو النسوان بس يباوعن عليج اكو شي
ليليان.ههههه خليهم ماشايفين كمر يمشي ع الكاع😌
ريم.ههههههه
لين.هههههه خرب يومج قصفتي الجبه ههههه
ليليان.شعبالج وماادراك ما ليليان😌مشه اليوم طبيعي بس كله تعب من الشغل وتنظيف شامل
صعدت للغرفه بعد كل هل تعب
عبد الله.اليوم كله افكر بتصرفات ليليان ومالكيت جواب فقررت اسأله احسن عن مشاعره بشكل واضح صعدت للغرفه بس هي ماكو طبيت للحمام وطلعت فتحت الباب باوعت عليه بأستغراب
ليليان.شو من وكت🤨
عبد الله.ليش ممنوع
ليليان.لا مو هيج بس ماتوقعت تكون بلغرفه
عبد الله.تره هاي غرفتي طبعا راح اكون بيه
ليليان.شي اكيد ومنوره بوجودك😊
رحت حظرت ملابس بس قصير ماتوقعت راح البس هيج كدامه بس اني مقرره احرك كلبه طبيت للحمام سبحت وبدلت وطلعت جان امدد ع السرير من شافني كام عحيله
عبد الله.جنت كاعد افكر شلون راح افاتحه بلموضوع وجان تطلع من الحمام ملاك لا مو بشر لابسه فستان بسيط قصير والشعر مفلول وشلون تمشي كمت افرك بعيوني اكيد كاعد اتخيل كمر طالعه
ليليان.رحت كدام المرايه اشسور شعري وهو عيونه كصتني كص بس سويت نفسي مامهتمه بقيت شعري مفلول وهو طويل مغطي شعري حطيت حمره حمره طوخ ومكياج خفيف وحطيت عطر
عبد الله.احم احم
ليليان.اسم الله اجيبلك مي حجيت وياه بدلع
عبد الله.اي 🙄
ليليان.جبت كلاص مي ورحت يمه بدلع وهو رافع تك حاجب ويباوع عليه بأستغراب
عبد الله.خيرج شكو اليوم
ليليان.اعتقد الاثنين😶
عبد الله.ههههه لا اليوم اكو شي
ليليان.يي شي اكيد بس باجر الشي الاهم😶
عبد الله.وين رايحه؟ اقصد عندج شي
ليليان.لا شعندي قابل
عبد الله.وهذا اللبس والمكياج والعطر
ليليان.ليش ميصر نترتب شويه 😌😌
عبد الله.لا عيني اترتبي بس انتبهي لاحد يشوفج هيج
ليليان.لا ماكو داعي اتوصي اعرف بس بغرفتي اسفه اقصد بغرفتنه طبعا احجي وياه بدلع اعرف ميكدر يقاوم هيج حتى اعذبه شويه😏😏عبد الله
عبد الله.عيونه
ليليان.هه يسلملي عيونك عندك شي ؟
عبد الله.ها لا ماعندي شي ليش
ليليان.ضوجه وردت اباوع فيلم شنو رأيك نباوع سوه اذا تريد طبعا😶
عبد الله.اكيد
ليليان.لعد طلع فيلم انت بين ما اسوي شاميه واجيب حب😀😃
عبد الله.لحظه لحظه وين نازله ولبسج هذا
ليليان.هههه نسيت راح البس جبه فوكاه وانزل😁
عبد الله.اذا هيج يلا بسرعه نزلت وكعدت حظرت الفيلم وفرشت النه بلكاع اجتي نزعت الجبه وباوعت عليه وابتسمت
ليليان.لكيت ببسي هم جبت اليوم سهره😁😁
عبد الله.هههه يلا راح يبدي الفيلم وره شويه فجأه ليليان حطت راسه ع جتفي
ليليان.كعدنه باوعنه فيلم وحسيت الجو حمه ردت ازيده عليه اتجيت راسي ع جتفه واصرف ع اساس ماكو شي
عبد الله.جمدت امكاني ماكدرت اتحرك وره لحظه باوعت عليه لكيته خافيه ماردت اعوفه نمت يمه