فصلية البصره (مكتملة)

البارت السابع

ليليان.تصرف عبد الله وياي وعدم احترامه لعلاقتنه خله باقي العائله يجاهلوني ويعاملوني كفصليه صدك يعني مكاني بلبيت مجرد تنضيف وخدمه الصغير والجبير بس مجبوره أنفذ إلي يريدوه لأن مااحب اسبب مشاكل وبلكت مع مرور الوقت يحبوني صار الاكل وصبوا الغده سفره شطووووله اني انصدمت يعني شكلهم متعودين ياكلون كلهم سوه وين احنه شوكت ما الواحد يعجبه يصب وياكل هنا يختلفون عنا حسب مالاحظت بهواي اشياء حاولت اتقلم وياهم شويه شويه وبصراحه عجبتني طريقه حياتهم من انصب الغده الكل كعدت بمكانه اني صدك انقهرت هنا كل وحده كاعده يم رجله واني وين مكاني إذا أصلا رجلي ميعترف بيه رحت ردت اكعد يم ريم
اخلاص.هييي وين كاعده انتي شكاعد اسوين
ليليان.اكعد ع الاكل غير
اخلاص.ههههه ومنو سمحلج تكعدين ويانه مشوفين العائله كاعدين انتي فصليه مكانج بلمطبخ وممنوع تكعدين ويانه طبعا من حجت جنه يم المرر محد سمعه غيري صدك انقهرت من نفسي والدمعه صارت بطرف عيني ع هاي الذله رحت ركضت للغرفه وبجيت حسيت دموعي وحدهن ينزلن مثل الشلال
عبد الله.رحت من صار الاكل بس حتى اشوف هذيج بنت المدينه احب اتحداه اريد اشوف لوين راح تصبر وتتحمل بعد رحت شفت الكل كاعد اباوع هي ماكو اذا سألت عنه يكولون هيج حبه مااردت ارين نفسي مهتم بيه طنشت وكعدت اكل بس ماانكر عيوني الي كل شويه تراقب وادور عليه خلص الاكل وهي ماكو صدك عصبتني
ليليان.باوعت بلمرايه صفنت ع نفسي لا هاي مو اني هاي مو ليليان إلي اعرفه ليليان القويه إلي ميهزه شي وإلي مستحيل تضعف بيوم لا هاي مو اني اني وييين شصار بيه لاا هنا وكافي لازم اتحمل هذا التحدي اني كده اي اكدر ع كلشي غسلت وجهي ونزلت رحت ع المطبخ لكيتهم مخلصين أكل
اخلاص.هييي انتي يلفصليه غسلي المواعين يلا
ليليان.حاظر🙂
اخلاص.🤨
عبد الله.ردت احاجي ليليان بس لكيته ويه عمتي بلمطبخ عفتهم وصعدت للغرفه مددت شويه
..
..
بعد مرور شهر
..
..
ليليان.مر شهر وهم ع نفس الحاله بل زادت وكل يوم اغسل وانظف واسوي الاكل يعني باختصار كلشي اني اسويه إذا وكعدت قشايه يصيحوني اشيله صرت خدامه بلبيت هم ياريت خدامه ع الاقل اله احترام شويه إلا اني لا بطريقه كلامهم يحترموني ولا بشي وعبد ألله صاله مده مااشوفه لأن دائما بلشغل يجي بليل ياكل وينام واكعد الصبح الكاه ماكو خطيه امبين كاعد يتعب هواي هاي الفتره لأن سمعت فتحوا مشروع جديد وهو إلي لازمه اووف بس تمنيته ع الاقل يوكف وياي مااريد منه شي غير بس كم كلمه تخفف عني بس محد هنا يواسيني او شي حتى ريم خطيه اشوفه تريد تحاجي عمته عليه بس هم مابيده شي مرات تجي بدون علمهم اساعدني بلشغل خطيه هي الوحيده اي وياي بس هم يحاولون يبعدوه عني 😔

عبد الله.بهذا الشهر رنا رجعتلي وكدرت افهمه ع سالفه ليليان ووعدته من اطلك ليليان ازوجه وانوب ماادري من وين اجاني هذآ المشروع الجديد هواي تعبت بس إلي ينسيني كل تعبي من ارجع من الشغل والكه ملاك يجنن ينتظرني تسويلي الاكل خطيه اعرفه تبقه كاعده حتى تنتظرني أرجع وتعودت قبل لا اطلع ابوسه وهي نايمه واشم عطره اووف صدك ملاك يمكن بلشت احبه ماادري ماتعرف شنو شعوري تجاه
رجعت اليوم من وكت وجانت روحي طالعه من وره واحد عاند ماادري من وين طلعنه وشكله عنده حلال ويه حلالنه فكلت استشير الشيخ الجبير بهاي الشغله رجعت الظهر وجنت ناوي اصعد للغرفه ابدل ملابسي بس يم الدرج سمعت صوت صياح من المطبخ طبيت اشوف شكو والصدمه من شفت😳😳😳