فصلية البصره (مكتملة)

الحادي عشر

عبد الله.ولللج رنااااا رنااااا
ام رنا.خير وليدي صاير شي
عبد الله.اي صاير والفضل لبنتج وينه😡😡😡😡ررحت صعدتله للغرفه لكيته بفراشه وكاعد تبجي رناا شبيج شكو شصاير وياج
رنا.سمعت عبد ألله كاعد يصيح جوه وعرفت معصب من خابرت ع هذيج الفصليه قررت اقشمره واستغل جيته
ليش انت يهمك😔
عبد الله.شنو يهمني ولج انتي خطيبتي فاهمه يعني شنو😡😡افتهمي شكاعد تحجين
رنا.عبد الله انت لسه تحبني😥
عبد الله.شنو هل سؤال هاي شبيج
رنا.بس احسك اتغيرت مو مثل قبل😔من لمن ازوجت وانت ناسيني حتى كمت متجيني كل اسبوع انت تعرف صارلي شكد مشايفتك😭😭
عبد الله.مو شغل جان عندي وانتي تعرفين بظرفي ماله دخل بزواجي
رنا.عبد الله كافي حجج جنت مشغول كلش مو بس مشروع تكمش تذكر من جنت كامش حلال اهلك وشغل عندك بس رغم كلشي مااتأخرت دقيقه عليه انتبه ع تصرفاتك وياي 😭
عبد الله.ولج شنو قصدج انتبه ع تصرفاتي هاا😡
رنا.شفت بس تعصب عليه 😭😭😭ليش هيج اريد عبد الله يرجع هذاك إلي يحبني إلي اني اولى اهتماماته😭😭😭ولك رجعلي حبيبي😭😭😭
عبد الله.حسيت ع نفسي صح متغير وياه اني هم مااعرف ليش هيج اكو شي غير كل حياتي☹
رنا حقج عليه واني آسف ماقصدي اتغير ولا شي بس مااعرف شصاير بيه وهسه كولي أي شي تريدين اسويلج
رنا. مااريد منك شي بس اريدك الك ازوجني
عبد الله.اي اكيد راح نزوج واني واعدج بس اطلك ليليان نزوج وهي باقيه بس كم شهر
رنا.مااكدر اصبر كم شهر نزوج هسه
عبد الله.شنو هسه شقصدج
رنا. قصدي احنه صارلنه هواي من مخطوبين خلي نزوج واني قابله ادخل زوجه ثانيه طبعا مادام راح اطلكه مثل ماوعدت
عبد الله.بس لازم اكول لاهلي تعرفين
رنا.اي منا لاسبوع تلحك تكللهم وتحظر للعرس
عبد الله.اسبوع ليش شبيج مستعجله
رنا.مو كلت أي شي تريدين اني اريد ازوجك بأقرب وقت إذا صدك بعدك تحبني وتريدني ☹اثبتلي ليليان ماغيرتك عليه بس هاي الطريقه كدامك
عبد الله.مايصير خاطرج غير طيب تددلين واني عند جلمتي من ارجع ابلغ الشيخ وابوي وانتي حظري نفسج تمام بس مااريد اشوف دموعج او اشكين بحبي
رنا.احبك حبيبي وراحت نطت شبكته
عبد الله.😙عفيه هيج ابتسمي ميلوكلج الدموع حياتي وحتى اعوضج يلا كومي بدلي نتغده بره وهم نتونس شويه
رنا.فدوه حياتي كايمه احبك عمري😍😍😍
(😏😏شتتوقع هاي ليليان ابقيله عبد الله إلي مليان فلوس هههه تحلم بيه وهذا الاثول مصدك كلشي يلا مابقه شي واصير مرت الشيخ وع كلشي اسيطر وأخذ الفلوس كلهن اليه😏)
عبد الله.صدك ضلمته لرنا هاي الفتره وقصرت وياه بس بسرعه هيج راح ازوج المفروض افرح بس مااعرف ليش اكو غصه بكلبي😔يمكن صدك حبيت ليليان اووف ياكلبي شمالك تمشي ع هواك شراح يكون احساسه من تدري اووف
رنا.حبيبي كملت يلا نطلع
عبد الله.بس حياتي مو ملابسج قصيره
رنا.ممم لا اشوفه زينه
عبد الله.غيريهن احسن او لبسي ستره فوكاهن
رنا.لا بالله ماتطلع إلا هيج إذا ماعاجبك لتطلع وياي
عبد الله.رنا لتعاندين وانتي راح اصيرين مرتي هذآ لبسج يتغير فاهمه ماكو هيج لبس بلبصره
رنا.عود من نزوج وكته اشرط عليه هسه اني هنا بغداد براحتي البس مو بلبصره بعدين ياحياتي هو اسبوع وراك اعوف بغداد وتعرف شكد صعبه منطقه جديده واهل جدد😔فوك ماتخفف عليه كاعد ازيد الجديد عليه خلي شويه شويه احاول اتعود😣
عبد الله.تمام بس خاولي اطولين لبسج يلا خلي نطلع(اووف ليليان شو ماحجت هيج بلعكس عادي قبلت وهي اربيل وحتى مامتحجبه ومن حاجيته ماكالت شي غير تؤمر هواي فرق بينهن صح ليليان تعاند بس تفتهم بلاصول هاي شبيك عبد الله بس لا كمت تشتاقله يي وآلله مشتاقله شلون جانت نايمه والخدود حمر لوشعره الاسود اووف هزيت راسي مثل إلي يريد يطرد الافكال منه ارجع لوعيك ليليان مو الك مرتك رنا وراح تزوجه ليليان تاليه ترجع بس كم شهر)
رنا.شبيك حبيبي شارد صارلي ساعه اصيحك
عبد الله.هاا لا ماانتبهت يلا امشي
رحنه افترينه وكعدنه بمطعم اني واكلنه وافترينه شويه بس ماتونست مثل ماجنت ويه ليليان اووف شكلك ياعبد الله حبيت موبيدي ياربي شسوي 😣رجعت للبيت بس أريد اشوفه طبيت للبيت وسمعت صوت بلغرفه مال امي اغاني وضحكه لوين واصله طبيت شفت😳

اسفه ع التأخير بلبارت بس راح اعوضكم😚

اذا عجبتكم القصه كتبوا بلتعليقات صح امو مشاهدات بس ماكاعد اشوف تفاعل زيدوا التفاعل اسرع بلبارت😚