فصلية البصره (مكتملة)

العشرون

ليليان. الي بلبيت احم احم
حسن. منو🤨ام طكه ونص
ليليان. من شفت اخويه رحت عليه ركض اووف اذكرت ايامي قبل وعركاتي وياه اووف حبيبي مشتاقتلك😚😚😚
حسن. ولج اني هم مشتاقلج يعمري شلونج قزومتي
ليليان. بدينه😡اني مو قزومه طولي حلو😌
حسن. اي واضح ام شبر ونص بس شو هل مفاجاة الحلوه
ليليان. رغم حسن يحاول يبين ماكو شي بس واضح بنبرت صوته انو ندمان كلش وحتى احسه مايريد يباوع بوجهي ولا بأهلي كأنوا يريد بس يشرد ومن يشوفنه رحت كعدت يمه باوع بوجهي حسن حسن سمعتني
حسن. نعم شكو
ليليان .اسمعني زين كلنه نعرف انت مالك ذنب بلي صار الله الي قاسمه يصير وبعدين تره هم عاملوني مثل بتهم وهم تعرفت ع بنتهم صارت صديقي وهواي تونست هناك ولتكول صعبه هناك ويختلفون بلعكس تعرفت ع اطباع تختلف وصدك حبيتهم بس طبعا احبكم الكم اكثر بس الي اقصده لتلوم نفسك ع الي صار
حسن. بس ليليان لو مو تسرعي وتهوري بهذاك اليوم جان مامات ابنهم ولا اطريتي بعدين عن اهلج سنه كامله
ليليان. تعرف شي من صار الحادث ودخلت السجن اني لمت نفسي لان اني جنت السبب لحيت عليك الا اجيب عائلتك هسه لو صابره ومنتظره جان ماصار يعني اذا نريد نقرر منو السبب اني هو السبب بكل هذا مو انت فكافي حسن لتلوم نفسك وحتى ماما وبابا مشتاقيلك وابد مامعتبريك السبب رجاء ارجع ☹
حسن. خبله صدك خبله وين اني يمج وين ارجع ودائما راح اضلين الطفله المدلله مال اخوه حظنته حيل لان بعد كل هاي الايام هسه يلا حسيت فعلا اهلي ماشايلين عليه واني عبالي معتبريني اني السبب وميريدوني ابنهم بس طلعت متوهم وهاي الطفله رغم صغر عمره كدرت توضح كلشي
ليليان. فديتك يعمري هسه يلا كوم بطن اختك كاعد توصوص جووووعانه حسوا بيه😭😭😭😭اريد اكل
حسن. هلاا رجعت ام بطن كومي خلي هند اسويلج اكل
ليليان .شنو لا عيني لا اريد اروح للمطعم الصمد وهسه يلا قابل كشخت ولبست حتى اشوفك لا اريد اطلع ضايجه
حسن. هههه يعني هسه انتي كاشخه واني اكول شعده جايه بملابس النوم
ليليان. ملابس النوم موووو😡😡😡😡😡
حسن. عزه عصبت السنفوره لحظه لحظه كافي ولج لظربين اذا تبقين معصبه منروح
ليليان.😒يلا كوم بدل  وهند هم وزيد هم خلي يجي ويانه يلاا كلنه خلي نروح
حسن. ههه لا الطاقه الايجابيه واضحه اليوم ههه انتظري دقايق
ليليان. طلعنه كلنه للمطعم اكلنه وسولفنه وصدك اتونست حاولت قدر الامكان اتونس اكثر واكثر حتى اريح نفسي من التفكير ماخليت شي بنفسي خلصنه اكل ورحنه لمجدي مول افترينه بقينه لل١٢ بليل ورجعنه اكلنه موطه ورجعنه للبيت من التعب كبل بدلت ونمت

بعد اسبوع

حسن. ليليان راح يبدي الدوام انتي لازم اداومين ضاعت عليج سنه هسه انتي سادس مو؟
ليليان. اي راح يصير عمري ١٩ ولسه ماداخله سادس
حسن. باجر اروح اسجلج بمدرستج وترجعين اداومين
ليليان. يي احسن شي حتى التهي بلدراسه وفعلا سجلت وبلشت دوام وقرايه فوك راسي عفت كلشي التهيت بس بدراستي حتى ماانطيت نفسي فرصه افكر بلماضي واجتي الامتحانات وانشغلت هواي بيه والحمد لله طلعت معدل عالي وراح اروح صيدله لان شي حلو للبنيه وصديقتي نور هم صيدله بجامعه كركوك كلت اروح وياه نفس الجامعه ولو هي سابقتني بسنه
وكل هاي الفتره ابد ماسمعت اي اخبار عن عبد الله طبعا ماكدرت انساه ابد وقميصه صارت عاده عندي ماانام الا احظنه واشم عطره عطره قوي لدرجه لسه باقي بلقميص شكد دورت ع مثل هذا العطر مالكيت
ليليان. ماما اليوم راح اطلع اني ونور للمول وصديقاته هم
الام. تمام بس لتتأخرين وديري بالج ع نفسج
ليليان. تمام 😚
الام. شوكت تروحين؟
ليليان. نص ساعه وتجي عليه نور راح اكوم ابدل  صعدت للغرفه ممم صارلي فتره ماطالعه من امتحانات السادس فكلت استغل الفرصه واروح عن نفسي شويه لبست بنطرون زيتوني سبورت وبدي اسود طلع كلش حلو صح باوعت ع نفسي هههه لو يشوفني عبد الله هيج يكسر رجلي غير هاي شبيج ليليان شجاب عبد الله لاربيل هههه صدك خبله سويت شعري ذيل حصان وهو طويل كلش وحطيت مكياج مو كلش خفيف🙄حمره وردي احب الورديات ممم فديت الجمال طبعا بهاي الفتره سمنت هواي مو كلش هواي يعني بلنسبه من جنت هسه صاير جسمي حلو اكثر بهواي لبست حذاء رياضي اسود اجت نور بلسياره هي واخوه🤨هلا محمد ؟
محمد. ليليان😳هاي شلون متغيره ولج محلوه
ليليان. شكرا😊اصلا دائما اني حلوه شنو راح تجي ويانه؟
محمد. ياريت😍
نور. 😒والله لو تكليله تعال يصدك هههه
ليليان. ههههه خلي يجي
نور. لا ولج راح يلتقي بجماعته هناك وهم كلت يوصلنه
ليليان. ممم يلا وصلنه نشوفك بعدين جاو
نور. ولج تعالي شو طالعه تخبلين
ليليان. فديتني طول عمري اخبل
نور. الله يساعد الشباب الي بلمول لعد هههه
ليليان. ممم هسه وينهن صديقتج
نور. ياصديقاتي ولج هاي حجه بس
ليليان. شتقصدين مافهمت
نور .باعي كلت لاخويه راح اطلع اني وليليان وكلتلج تكلين لاهلج طالعه وياي اني وصديقاتي بس النيه تختلف
ليليان. والنيه شنو احجي شنو الي بدماغج
نور. حجت بسرعه اجييييت اشوف حبيبي 😬
ليليان. واستخدمتيني حجه برااافو😑
نور. اسفه مالكيت غير هل طريقه
ليليان. بس ع الاقل كليلي
نور. مو اعرفج مضمين شي فراح تكولين لامج اكيد متكدرين اجذبين عليه  وامج اكيد ماراح تمنع نفسه وتكول لامي واروح بيه
ليليان. تمام تمام بس تره راح اضوج هيج ☹
نور. اعرف لذالك راح تبقين ويانه
ليليان. لا شعندي انتي وحبيبج شنو اني
نور. لا راح يجي صديقه وياه هم 🙄
ليليان. هلاا دبرتيلي موعد هم فديت الصكيكه بس حلوو🤔
نور. ههههههه انتي وحظج اندك الموبايل اكيد وصل هاا الو هلا حبيبي اي اني بلمول يم الباب انت وين شنو درت وجهي جان ورايه 😀امشي ليليان
ليليان. ممم حلو😉
نور. هههه هلاو اني نور وهاي صديقتي ليليان
مراد. واني مراد حبيب نور وهذا صديقي واخويه احمد
احمد. اشترفت بيجن 🙂
ليليان. اليه الشرف😊
نور. هسه راح تبقون هيج امشوا نفتر
ليليان. افترينه بلمول وهاي نور لاطشه بمراد بس شكلهم يحبون بعض واني واحمد جنه نفتر ونباوع الملابس
احمد. اسمج حلو بلمناسبه
ليليان. تسلم حلوين
احمد.منو حلوين
ليليان. هذوله الاثنين شكلهم يحبون بعض
احمد . هههه قصتهم قصه هذوله المهم صاروا سوه بلنهايه
ليليان. مفهمت شقصدك؟
احمد. نور مو صديقتج شنو معقوله ماتريد بيه
ليليان. بلى هي اعز صديقاتي بس صارت ظروف وانجبرت ابتعد عنه وعن الكل ليش اخو شي مهم؟
احمد....

انتظروا البارت الثاني حتى نتعرف ع قصه نور ومراد😉