شُآهّيَنِيَ
لَلَکْآتٌبًةّ يَآسِمًيَنِآ آلَعٌآيَبً ♡حًوٌر♡
ــــــــــــــــــــــــــــــــــــــــــــــــــــــــــ
الفصل الثالث
كانت تجلس في غرفتها تترجم أحد الكتب، سمعت صوت سيارة في الخارج، ركضت للشرفة علها تراه ٠
ابتسمت بعشق و هي تراه ينزل من سيارته بطلته الخاطفة للأنفاس، شعرت بدقات قلبها تتسارع بوتيرة عهدتها منذ أن راته أول مرة، لكن ابتسامتها بدأت تتلاشى شيىا فشيئا عندما رأت تلك الفتاة التي نزلت من سيارته هي الأخرى، اتسعت عينيها و هي تراه يضع ذراعه حول كتفيها، وابتسامته المهلكة تعلو ثغره، شعرت بتلك الدموع الساخنة التي بدأت تبلل وجنتيها كأنها تشاركها ألمها، رفع هو رأسه على حين غرة فابتسم بعشق لمرآها، لكنها أسرعت بالدخول و أغلقت النافذة بقوة ٠
بدأت شهقاتها تعلو لكنها كتمتها بصعوبة:_ليه كده يعني لما حبيتو يطلع بالآخر حابب واحدة تانية؟
أما في الخارج نظر شاهين باستغراب للشرفة المغلقة لأول مرة تتصرف معه بهذه الطريقة حسنا هو معتاد على جديتها و معاملتها الجافة لكن ليس لهذه الدرجة
_إيه روحت فين
_هاه مفيش حاجة
غمزته بمكر:_شكلك سرحت مع المزة
قال بسخرية:_مزة يا بيئة بس حتوقع إيه من واحدة زيك؟
_هو انت عيشت يومين فلندن فاكر نفسك بقيت هاي كلاس؟لا اركن على جنب يابابا حتفضل ابن حواري طلعت ولا نزلت ودلوقتي يلا دخلني عشان آكل و أأكل الديناصور اللي فبطني ده
_اتحججي بالبيبي دنا عارفك من طول عمرك فجعانة
********"""""
_برافو انتي بتثبتي كلام مازن يوم عن يوم
قالت بجمود استغربه:_ميرسي دلوقتي حتناقش فالفصل التاني مش كده؟
_هو انتي كويسة باين عليكي معكرة؟
قالت بحدة:_ مالي أنا كويسة بعدين حتى لو كنت معكرة ده موضوع ميخصكش متنساش أني مجرد طالبة و انت المشرف
حدتها ادهشته و ملامحها الذابلة الواضحة لكنه آثر الصمت كي لا يزيد الطين بلة أو بالأحرى هي محقة لأنه للآن مازال دون صفة
_ممكن أدخل؟
التفت كلاهما لمصدر الصوت تحولت نظرات صويلا لنيران مشتعلة فور رؤية تلك الفتاة،نظرت لها بتمعن إنها جميلة بل أجمل منها بمراحل و ملابسها الأنيقة و المحتشمة هي فتاة أحلام كل رجل
قال شاهين بابتسامة تمنت إزالتها:_سمسة اتفضلي يا حبيبتي
_أتمنى ما كونش عطلتك؟
_لا مانا متعود عليكي
قالت بمرح:_شامة ريحة طرد و لا انا غلطانة؟
_لا مش غلطانة
كانت صويلا تنظر لها بغيرة قرأتها أسماء جيدا،وشعرت بالسعادة من أجل شقيقها خاصة عندما لاحظت نظراته الهائمة بهذه الفتاة .
وقفت بغضب حاولت التحكم فيه لكنها فشلت:_أنا حروح بقى يا دكتور بلاش أكون عزول
لم تمهله فرصة الرد بل خرجت بسرعة وتلك الدموع تحاربها كي تنزل لكنها تحكمت بها لكنها لم تستطع التحكم في نيران الغيرة التي اشتعلت في قلبها بلا رحمة
********""""""
_ماتهدي كده و تفهميني حصل إيه بالظبط
قالتها همس و هي تنظر لحالة صديقتها المزرية عبر الكاميرا،أما صويلا فكانت تجلس وسط كومة من المناديل الورقية لكنها رغم ذلك تمسح دموعها بكم فستانها،قالت بحزن:_طلع بيحب واحدة تانية الخاين الواطي بعد ما علقني بيه
_مين ده اللي بيحب
_شاهين يا همس شُآهّيَنِيَ
_شاهين مين يابت؟ انا مش فاهمة حاسة
نظرت لها بغضب:_ما تركزي معايا كده شاهين المشرف بتاعي أبو عيون زرق
_هو انتي بتتكلمي جد؟!أنا فكرتو مجرد إعجاب
قالت بصعوبة من بين شهقاتها:_ماعو كان إعجاب بس مش عارفة هوب كده بقى حب
_هوب كده!؟!؟هو انتي متأكدة أنك فحالة أكتئاب
_يووووه أومال الدموع دي إيه بلالين ماية
زفرت همس بقلة حيلة:_طب فهميني كده من الأول عشان دماغي لفت
قصت لها كل ماحدث منذ أن أتت إلى لندن إلى غاية ماحصل اليوم في الجامعة رغم دموعها إلا أنها كانت تبتسم متى ماذكرت تفصيلا من تفاصيل شُآهّيَنِيَهّآ
قالت همس بتفكير:_هو انتي متأكدة أنها حبيبتو؟
_بقولك كان حاضنها و بيق لها يا سمسمة و اللي قاهرني أنها حلوة حلوة أوي ده كفاية عيونها اللي تفتن
_آه و انتي طبعا بذكائك اللامتناهي استنتجتي أنها حبيبتو؟يابت انتي ناوية تموتيني فعز شبابي؟!
_قصدك ايه؟
_الصبر ياربي ماهي جايز تكون قريبتو يا أغبى خلق الله
نظرت لها ببلاهة:_تصدقي فكرة ازاي مخطرتش فبالي دي؟
_لا مانتي مش شاطرة غير فالعياط و الولولة
_واعرفها ازاي دي؟
كزت على أسنانها بغيظ:_يابت انتي مش قولتي أنو جار عمتك من سنين؟
_وده إيه علاقتو بموضوعنا؟
قالت بهمس:_كبدي عليك يا شاهين يا ابن ام شاهين ده باين عليك ذنوبك كتيرة عشان وقعت الوقعة دي
_بتبرطمي بتقولي إيه يا بت؟
ابتسمت باصفرار :_مفيش حاجة يا قلبي بدعيلك،المهم دلوقتي زي الشاطرة تسألي البت لولو بطريقة غير مباشرة عن علاقتهم تمام؟غير مباشرة بلاش غبائك
أومأت صويلا ببرائة فقالت همس بسخرية:_الله يستر
أنهت المكالمة و هي تدعو أن يكون ما تظنه هنس صحيحا فهي لن تتحمل فكرة أن يكون شاهين عاشقا لغيرها ،حتى لو لم تكن متأكده أنه يكن لها نفس مشاعرها ،وضعت يدها موضع خافقها وكأنها تطمأنه أن القادم سيكون أفضل و أن تلك الزهور التي تمت في قلبها أن تذبل
************************
في الصالون كانت ليلى تشاهد التلفاز بتركيز تام، لكنها انتفضت عندما جلست صويلا فجأة بجانبها و احتضنتها بقوة
_مالك يابت؟ حد عاقل يعمل كده؟ قطعتيلي الخلف
قالت ببساطة كادت تقتلها:_حتبقي تكفلي طفل مش مشكله، المهم بتتفرجي على إيه؟
_زي مانتي شايفة
اصطنعت صويلا المشاهدة هي الأخرى، بعد دقائق من الصمت قالت بأسلوب جاهدت لتجعله عاديا لا مباليا:_لولو
_إيه؟
_هو جارنا الدكتور شاهين عايش لوحدو؟
قالت دون إزاحة عينيها من التلفاز:_بتسألي ليه؟
_فضول مش أكتر
_آه عايش لوحدو بس من يومين جات أسماء أختو
_أختو؟
_آه ماهي عايشة مع حوزها فمصر و بتيجي مرتين فالسنة
شعرت بقلبها يتراقص بين ضلوعها عندما سمعت كلمات ليلى، لكنها سرعان ما انتبهت لنفسها (انتي مبسوطة كأنها قالتلك أنو بيحبك) تجمعت تلك العبرات في عسليتها لكنها ألجمتها بصعوبة كي لا يفتضح أمرها (يارب اذا كان فيه خير ليا اجعلو من نصيبي)
#شاهيني
#بقلمي_ياسمينا*حور*
_
