بسم الله الرحمن الرحيم 🌹🌹
الفصل الخامس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
"يلا يا جميلة قومي كفاية نوم هنتأخر علي الشغل "
كان ذلك صوت قمر التي كانت توقظ جميلة لبدء أول يوم عمل لها في شركة والد قمر
جميلة بنعاس: أيوه اديني قومت اهو...معلش أصل نمت متأخر إمبارح
قمر: و يا تري أي اللي شاغل عقلك و خلاكي تنامي متأخر إمبارح
جميلة بتنهيده : لا أبدا... بس بفكر في حياتي الجاية هتكون عاملة إزاي
قمر: متفكريش في حاجة يا جميلة و مترهقيش نفسك في التفكير... سيبي الأمور تمشي لوحدها و أنا حاسة و متأكدة و الله أن ربنا هيكرمك أوي و هيعوضك عن كل اللي فات بس خلي عندك ثقة فيه
" أماءت جميلة برأسها إيجابا "
فقالت قمر: متزعليش مني إني سيبتك اليوم كله امبارح قاعدة لوحدك بس معلش بقي... أصلي اتوحشتهم أوي و الواد كيمو دا الصراحة ميخليش الواحد يعرف يبطل حكاوي معاه.
جميلة: أزعل أي يا هبلة إنتي...لا طبعا..و بعدين مش كفاية إني قاعدة علي قلبكم كدا... كمان هخليكي تتربطي بيا و تقعدي جنبي..إنتي هبلة يا بت
قمر بحنق: برضو هتقولي قاعدة علي قلبكم...مفيش فايدة فيكي...قومي طيب أحسن أطلع جناني عليكي علي أول الصبح...ادخلي خدي شاور كدا و غيري علشان تنزلي تفطري معانا و بعدين هنروح مع بابا في العربية
جميلة و هي تنهض: ماشي...يلا انزلي بقي
$$$$$$$$$$$$$$$$$$$$$$$$
نزلت جميلة برفقة قمر و جلسا علي مائدة الطعام مع كل من جيهان و خالد
خالد بود: ها يا جميلة عاملة أي... يا رب تكوني ارتحتي هنا في الفيلا
جميلة بابتسامة : اه طبعا ارتحت جدا....بجد شكرا ليكم علي كل اللي بتعملوه معايا دا
جيهان : شكر أي بس يا بنتي...إحنا مفيش بنا شكر...إنتي زيك زي قمر بالضبظ
خالد : النهاردة أول يوم ليكي إنتي و قمر في الشركة عايزين شغل من نار لأن الشهر دا في صفقات كتير و شغل مهم جدا ...مش عايزين دلع....إنتوا إن شاء الله هتشتغلوا في قسم الترجمة في الشركة.. و أنا واثق فيكم و في قدراتكم
قمر : متخافش يا بابا...إحنا هنرفع رأسك إن شاء الله
جيهان: طيب أنا بقي هروح عند أم كريم هقعد معاها شوية.. كريم كان بيقول إمبارح إنها تعبانة....و اهو أسلي نفسي بدل ما أقعد لوحدي في البيت هنا
قمر: آه صحيح.... أنا عايزة أخلص شغل و أروح اطمن عليها برضو
خالد: خلاص تمام....يلا بقي علشان منتأخرش
