حب في معسكر الشرطة
بقلم/نورهان موسى
💞 الفصل الثاني 💞
💓قراءه ممتعه اتمني تعجبكم 💕
في صباح يوم جدا استعدت لينا لذهاب لمعسكر التدريب وحزمت الامتعة الخاصة بها وتوجهت الى الاسفل لتوديع زوجة عمها وريان قبل الذهاب.
لينا: صباح الخير يا سوسو
ثريا: صباح النور يا حبيبتي صاحيه بدرى ليه ورايحه على فين كده
لينا :ان شاء الله هبدا تدريب الفريق انهارده وهقعد هناك شهرين .
ثريا:يا بنتى انتى لحقتى ترتاحى لما تسافرى معكسر وكمان شهرين انتى لسه راجعه من السفر
لينا: يا حبيبتي انتى عارفة مقدرش اقعد من غير شغل كتير وبعدين متخفيش مفيش خطر عليا ده تدريب
ثريا: طيب خلى بالك من نفسك كويس وكلى كويس ها انا عارفكى بتنسى الاكل
لينا: حاضر يا حبيبتي هاكل كويس .
ثريا: ماشى يا حبيبتي ربنا معاكي
لينا: يآرب يا سوسو يلا سلام
احتضنتها لينا واخذت حقيبها وذهبت الى المعسكر
استقلت لينا السيارة وذهبت إلى المعسكر التدريبي . بعد مرور ساعة وصلت لينا
نزلت لينا من السيارة بكل شموخ وغرور وكانوا
الشباب هناك يتابعوها بأعينهم فهى حقا جميله
دخلت لينا الى المكتب وقابلت اللواء محمد
ادات لينا التحية العسكرية وقالت: صباح الخير يا فندم اللواء عدلى قال لى انى هدرب الظباط
الجداد مع ظابط تانى .
اللواء محمد: صباح النورهو لسه متصل عليا دلوقتى قالى كل حاجه انتى هتسافرى مع الفريق والقائد شهاب هتعملوا معسكر فى الصحراء وانتى وشهاب هتكونوا المسؤولين هناك عن كل حاجه واحنا هنا هنتابع معاكم ودلوقتي هتتعرفى على الظابط شهاب
استدعاء اللواء محمد شهاب للمكتب وبعد دقائق دخل شهاب الى المكتب وادا التحية العسكرية
اللواء محمد: شهاب دى تبقى المقدم لينا هتكون معاك وهتدرب الفريق معاك وانت وهى المسؤولين عن الفريق فى كل حاجه واحنا هنتابع معاكم ودلوقتي هتركبوا الطيار مع الفريق وتعرفوا عليهم تمام
شهاب ولينا: تمام يا فندم
اللواء محمد: طيب اتفضلو اجهزو انتو
خرج شهاب ولينا من مكتب اللواء محمد وقف شهاب ثم قام بمد يده لمصافحه لينا وقال: المقدم شهاب العامرى اتشرفت بمعرفتك اهلا بيكى معايا في الفريق
صافحته ليناوقالت : شكرا ليك حضره المقدم ياريت نمشى دلوقتى ونروح للفريق عشان يتعرفوا علينا. اوما شهاب راسه وقال: اتفضلى
ذهب كلا من شهاب ولينا الى الفريق . وكانت هناك منصه صغيره صعدت لينا وشهاب إليها
وفجاه صوت قوى يقول : اااانتباة
وقف الجميع مكانهم ونظرو الى مصدر الصوت
واعتلى على وجوههم الدهشة . وقفت لينا بكل شموخ انثى يليق بها وقالت: احب اعرفكم بنفسى انا المقدم لينا المنياوي هكون القائد بتاعكم انا وحضره المقدم شهاب العامرى طول فترة المعسكر
وهنا تحدث احد الشباب لزميله الواقف بجواره وقال: على اخر الزمن وحده ست تدربنا . كانت لينا قد سمعت كل ما قيل لانهم كانوا قريبين من المنصه الواقفه لينا عليها وهنا تحدثت لينا بنبرة حادة وتحزيريه : أحب اقولكم كده من البداية انى مش بحب الهزار واللعب واياك تفتكر عشان انا وحده ست هكون متساهله معاكم ياريت تنسوا الموضوع ده واياك حد ما ينفذش اوامرى صدقوني هيندم على اليوم الى أتولد فيه فاهمين . وكانت اثناء كلامها كانت تنظر الى ذلك الشاب .
وهنا تحدث المقدم شهاب وقال: مساء الخير يا شباب انا المقدم شهاب وزى ما عرفتم هكون القائد مع المقدم لينا ودلوقتي احنا هنطلع على الطياره عشان المعسكر هيكون في الصحراء
انا عاوز انظباط في كل حاجه مفهوم يا شباب
رد الكل باحترام: مفهوم يا فندم
ثم اكمل شهاب حديثه وقال: قدامنا ساعة والهليوكوبتر توصل الكل يجهز .
بعد مرور ساعة وقف شهاب على المنصة وقال:
انتباه الكل يجمع هنا دلوقتى الطياره وصلت
وقف الكل على اتم استعداد تام للصعود إلى الطائرة وتأكد شهاب من الفرقة انها كامله.
وصعد شهاب الطائرة ثم صعدت لينا بعد ذلك
وبعد مرور ساعتين وصلت الطائرة الى مكان
المعسكر التدريبي ووقفت لينا في منتصف الطائرة وقالت: احنا وصلنا يا شباب استعدوا
وقف الكل ثم نزلوا من الطائرة ووقفوا يتاملون المكان وكان عباره عن خيم للنوم ومكان مخصص للتدريب وكان الجو شديد الحرارة
ظلت لينا تتابع اندهاشهم بابتسامة ساخره
ثم قالت بصوت عالي لاجذب انتباهم: انتباه يا رجاله . وقف الكل فى صف واحد ثم اكملت لينا كلامها وقالت: احنا انهارده راحه باقي اليوم بس من بكره باذن الله هنبتدى التدريب من
الساعه سته ويكون الكل جاهز تمام.
رد الكل باحترام: تمام يا فندم
ثم اكمل شهاب وقال: ودلوقتي تقدرو تروحوا الخيم عشان ترتاحوا.
ذهب الجميع الى الخيم المخصصة لهم للنوم
والراحه من عناء السفر والاستعداد لغد
__________________________________
في صباح اليوم التالي الساعه السادسه صباحا قامت لينا برن جرس انذار لتجمع الفريق .
بعد مرور دقائق قليلة وقف الجميع في طابور تحدث شهاب وقال: صباح الخير يا شباب
رد الجميع: صباح الخير يا فندم
شهاب : دلوقتى احنا هنجرى شويه عشان نسخن وبعد كده هنبتدى التمارين ياريت تجهزو يلا
تحدثت لينا الى شهاب وقالت : احنا لزم نشد عليهم من الاول انا لزم امشى من هنا وانا مهياهم جسمانيا ونفسيا وعايزه يكون ليهم لياقه بدنيه عاليه اظن انت شايف هما عملين ازاي ولزم يكون عندهم قوه تركيز عاليه وتحمل اكتر من كده .
شهاب باعجاب بتلك الشخصية الغامضه: اكيد هيعرفو كل ده متخفيش لسه معانا وقت.
لينا: طيب تمام ياريت نبدا التمارين.
بدأت لينا وشهاب مع الفريق بجرى مسافه طويله جدا
حوالى خمسة عشر كيلو .
ثم بعد ذلك كان التمارين على كيفية التعايش مع الموارد المتاحة معهم وبعض تمارين الصاعقه
كانت التمارين شاقه جدا على الفريق وخصوصاً في اليوم الأول لهم . لاحظ شهاب التعب الظاهر على الفريق
ثم ذهب إلى لينا للتحدث معها في ذلك .
شهاب: لينا انتى مش شايفه ان التمارين كتير عليهم خصوصا في اول يوم ليهم .
لينا: لا مش كتير يا حضرة المقدم وللمره التانيه بقولك دول رجاله لزم يتعودو على كده عشان لما ينزلوا للعمل الميداني يكونوا مستعدين لكل ده كويس .
تركت لينا شهاب ثم ذهبت ناحية الفريق وقالت:
يالا يا شباب عايزين ندرب على ضرب النار .
حسام احد اعضاء الفريق: بعد كل ده ضرب النار ربنا على الظالم والمفترى ستات قادره
لينا : بتقول حاجه يا حسام
حسام: لا ابدا يا فندم منك لله وليه مفتريه.
ابتدى الفريق واستعدو للتمرين على ضرب النار وبعد فترة ليست بقليله انتهى التمارين ثم ذهب كل الفريق للراحه من كثره التعب طوال اليوم .
___________________________________
فى منتصف الليل استيقظت لينا على صوت الهاتف وكان اتصال من الخارج تعجبت لينا من ذلك وقامت برد على الهاتف.
لينا: مرحبا من معى
الشخص: مرحبا لينا انا جون
لينا : مرحبا جون لماذا تتصل بى فى هذا الوقت
جون: اريد التحدث معكى في امر هام جدا.
لينا: ما هو الموضوع جون
جون: لقد عرفوا من انتى لينا وسوف يعثروا عليكى قريبا يجب عليكي الحزر جيدا
لينا: حسنا لا تقلق جون سأكون بخير ولكن ان حدث اى شى اخر اتصل بى فورا
جون: حسنا لينا لا تقلقى
لينا: شكر لك جون لن انسى ما فعلته من اجلى ومساعدك لى فى هذا الامر
جون: لينا انتى صديقه عزيزه لى جدا ويجب عليا مساعدتك في اى شى
لينا: اشكرك جون الى اللقاء
جون:الى اللقاء لينا
اغلقت لينا الهاتف مع جون و ظلت تفكر ماذا ستفعل في القادم الى ان غفت في نوم عميق
من تعب هذا اليوم
____________________________________
في صباح يوم جديد على الجميع كان عدلي وثريا وريان مجتمعين على طاوله الطعام للافطار
عدلى : ريان ما فيش اخبار جديده عن الناس اللي بره
ريان: انا متابع كل حاجه مع العناصر اللي موجود هناك وكمان لما صحيت لقيت لينا بعته ليا رساله بتقول لي ان هم عرفوا كل حاجه
عدلى: طول ما هي تحت عينينا ومعنا تبقى في امان انما انما لو فكرت تسافر هنا الخطر الحقيقي
و هنا تحدثت ثريا بعد صمت طويل وقالت: لا طبعا تسافر ايه انت لازم تمنعها يا عدلي انا خايفه عليها اوى
عدلي مطمئن اياها : ما تخافيش هتكون بخير ان شاء الله دلوقت يلا يا ريان عشان نمشي عندنا شغل كثير
ثريا: ربنا معاكم و يحفظكم يا رب
ريان مقبلا يديها : امين يا رب
وذهب كل من عدلي وريان الى جهاز المخابرات لمتابعه سير العمل هناك .
_________________________________
على ناحيه اخرى في المعسكر عند لينا وشهاب استيقظ الجميع في تمام السادسه صباحا وقاموا بعمل تمرين الجري وبعد ذلك تحدثت لينا للفريق وقالت: ودلوقتي يا رجاله احنا هنعلمكم ازاي تتعيش مع الطبيعه وكمان تعتمد على الموارد المتاحه من الطبيعه الارض مثلا لو انت في الصحراء ممكن تعمل ايه لو مفيش اكل
احد اعضاء الفريق حسام بضحك: ايه يعني هناكل الصبار ولا التراب
نظرت له لينا نظره ناريه وقالت: لا مش هتاكل التراب انت مش هتهون علي برده يا حسام
ثم ذهبت ناحيه الصندوق واخرجت منه ثعبان وقامت بقتل الثعبان واخراج السم منه وقالت: تعالى يا حسام الغداء جاهزه يلا .
حسام: انا بهزر يا فندم هتاخدى على كلام واحد زيى بردو .
لينا: وانا بقول كلامى مره وحده يالا يا حلو عشان تاكل خد جهز ده عشان تاكله
اخذ حسام الثعبان من لينا حتى يقوم بطهيه .
شهاب: طيب يا شباب شويه وبعد كده نكمل باقى التمارين .
_____________________________
على ناحيه اخرى كان تجمع لبعض الأشخاص
الشخص 1: سيدى هذه كل المعلومات المتوفرة لدينا عن هوية الفتاة فى هذا الملف
قام الشخص بقراءة الملف الخاص بلينا جيدا
الشخص 2:لقد قامت بخداعى طوال هذه الفترة يجب ان انتقم منها
الشخص 1: ماذا تريد سيدي وسوف نقوم بتنفيذه في اسرع وقت .
الشخص 2: اريد رأس هذه الفتاة فى أسرع وقت ممكن
لقد تمكنت من معرفة الكثير عنا وعن باقي المنظمه
يجب العثور عليها وقتلها في اسرع وقت فهمت
الشخص 1: حسنا سيدى
______________________________
قام الفريق باستكمال باقى التمارين مع لينا وشهاب
وكانت التمارين صعبه و مجهده جدا على الفريق .
شهاب: كده تمام يا شباب وبكره أن شاء عندنا تمارين ضرب النار استعدو
رود الجميع: تمام يا فندم .
شهاب: تمام الكل على الخيم يلا.
ذهب الجميع الى الخيم المخصصة لها ليرتاحو من عناء هذا اليوم الشاق عليهم .
فى الخيمه المخصصة لشهاب كان يفكر بلينا كثيرا وفى تلك الشخصية القوية والغامضة وظل يفكر الى ان غلبه النوم العميق .
________________________________
ظلت التدريبات الشاقه قائمة لمدة شهر ونصف مع الفريق ولينا وشهاب أصبحوا أصدقاء مقربين فى تلك الفترة القصيرة .
وفى يوم كان شهاب ولينا يتابعون التدريبات مع الفريق الى ان جاء اتصال الى شهاب من احد القيادات.
اللواء عدلى: السلام عليكم يا حضرة المقدم
شهاب: وعليكم السلام يا فندم
اللواء عدلى: شهاب عايزك انت ولينا تكونو فى مكتبى بكره الصبح .
شهاب: خير يا فندم في حاجه حصلت
اللواء عدلى: خير يا ابنى متقلقش المهم تكونوا موجودين على مكتبى بكره اتفقنا.
شهاب: تمام يا فندم بس بالنسبة للفريق هنعمل معاه اى
اللواء عدلى: ياخدو بكره راحه ليهم متخفش هيكونوا مبسوطين بخبر ده جدا انا عارف اكيد لينا عامله معاهم الواجب.
شهاب: دى عامله احلى واجب واللهى يا فندم
اللواء عدلى: طيب على العموم اشوفكم بكره يلا فى حفظ الله.
اغلق شهاب الهاتف وذهب الى باقى الفريق وقال: يلا يا شباب شدو حيلكم انهارده عشان بكره راحه من اى تدريب .
سعد افراد الفريق بهذا الخبر كثيرا فهم بهذه التدريبات الشاقه منذ شهر ونصف .
لينا: راحه اى دى الى بتتكلم عنها
شهاب: تعالى وانا هفهمك كل حاجه
ذهبت لينا مع شهاب وقام شهاب بسرد الحوار الذى دار مع اللواء عدلى بتفاصيل .
لينا: عايزنا ليه اكيد فى حاجة مهمة حصلت
شهاب: عادى ممكن يكون هيناقش معانا حاجه فى تدريبات الفريق.
لينا: ممكن بردو
شهاب: طيب يلا نكمل باقي التدريب مع الفريق عشان عندنا سفر بكره الصبح بدري.
ذهب شهاب ومعه لينا لاستكمال باقي التدريبات مع الفريق وظلت لينا شارده فى تلك المكالمة .
________________________________
خلص الفصل اتمنى يكون عجبكم وتقوقعكم للجاى 💓
