بسم الله
_____________
"
بعد لورانس جواله عن اذنه وسحب التلفون وبصوته الحاد : جهزولي طيارتي لتركيا حالاً ..•
رمى التلفون بقهر ورجع ثاني للجوال وبصوت حنون : بابا هلالة قوليلي ليش تبكين ..•
انفجرت نور تبكي بعد ماسمعت حنيته بدون لاتتكلم .. ماتدري انها بهالحركة جننته اكثر سحب محفظته وخرج من مكتبه بسرعة .. لمح مساعده اولماز يقرب منه
اولماز بخوف من حدة وجهه : الطيارة جاهزة ، تبيني اعطي خبر ل سيد سآمر ..•
لورانس بحدة : لاا ، انا نازل على تركيا انت خلك هنا خلص بقية الاشغال معاه ..•
هز اولماز راسه بأحترام وهو مستغرب عصبيته وعروقه اللي باينة
قفل لورانس جواله وقلبه مع طفلته وبلاوي الدنيا تدور براسه
.. كان يتخيل سيناريوهات براسه .. كل مرة يخطر بباله شي يحرك راسه بعنف يمين ويسار كأنه ينفض هالأفكار ..
**********
اسطنبول
كانت جالسة بمكانها الخاص عفواً قصدي مكانهم الخاص هي ولورانس صح أن عندهم كذا اماكن خاصة .. ولكل مكان حكاية .. هالمكان كانت حكايته الوحدة .. كل مايحس واحد منهم انه وحيد ومحتاج الثاني بقربه .. يجي هالمكان لأن فيه من ريحة الثاني .. كانت جالسة تمسح دموعها كل ماتنزل بخشونة ..
مرت ساعات طويلة وهي جالسة بنفس المكان رسلت رسالة للبنات انها مع فريدة وسوت العكس مع فريدة .. كانت تبي تختلي بنفسها ماتبي ابد توريهم ضعفها .. بنظرهم هي الحين قوية .. يفكرونها تعودت على قدرها وحياتها .. مايدرون انها تنزف بكل مرة اكثر وكأنه اول مرة تعيشه .. ماتبي تشكي عن حياتها والسبب فيها ابوها .. تحس انها عاشت اشياء كثيرة المفروض تخليها قوية وصبورة وعاقلة ووقآرة بالنسبة لعمرها
همست بغصة موجوعة : ودي اشكي بس مالي حق .. ودي ابكي بس مالي حق .. ودي اصرخ بس ما اقدر ودي اهجر الكون بس ما اقدر ودي وودي ولاني قادرة اسوي شي ..•
نزلت عينها تتلمس الدرج اللي جالسه فيه الذكريات اللي داهمتها بهالمكان رسمت البسمة على شفاتها بدون حسبان
أنت تقرأ
المتاهة ..🖊
Lãng mạnأنا أكتب لأتعلم الكتابة، أكتب الرواية التي أرغبُ دائما في قراءتها، أكتب بدون غرض أخلاقي أو سياسي أو تربوي، لأن الخيال هو المكان الوحيد الذي يمكنني أن أعيش فيه بحريّة تامة دون خوف ثم قال هذه العبارة: عندما أكتب أصبح أقل حيوانية وأكثر إنسانية -دييغو...
