" بسم الله "
________________
تقدمت لونا والدموع بعيونها : شفيها نُور وليه ماخذ لها جناح ..•
دفن سيجارته بكف يده وهو يناظر خوف البنات وبهدوء : لأنها أجهضت ، حبيت اخليها تحت العناية لـ يومين ..•
عضت حور على شفايفها من شافتهم يناظرونه بعدم استيعاب ، كسر أسماعيل الهدوء وهو يردف بذهول كانت حامل ؟ ..•
هـز لورانس راسه بجمود عكس الأنهيار اللي بداخله من كلمت "كانت حامل "
تمتمت ليونا بعد ماشهقت : حامل ؟ مرة ثانية ..•
عقدت حور حواجبها من كلمة "مرة ثانية" وهي تتقدم لهم وتواسيهم بكلامها : ربي ماكتب ، الله يعوضهم خير أن شاءالله..•
جلست سمسم وهي لسا مصدومة ، رفعت عينها للورانس بعد ماسمعت سؤال سلوى : وش كان سبب اجهاضها تكفى لاتقول هم ..•
فهمت حور مغذى سؤالها وبهدوء وهي تمسح على ظهر سلوى : الدكتورة تقول من الارهاق الجسدي ..•
جنى اللي كانت تحاول تتماسك : كيف وضعها الحين ؟..•
رجع الورانس يجلس وهو موكل حور ترد عليهم : الحمدلله مافي ضرر عليها ..•
سمسم بصوت مبحوح وهي تمسح دموعها وتناظر بالورانس : كيف مافي ضرر عليها وهو حاجز جناح لها وبيخليها تبقى لـ يومين زيادة ..•
ابتسمت حور بخفة تطمنها : حب يتطمن عليها زيادة لجل كذا طلب من الدكتورة تبقى نُور يومين زيادة ..•
وقفت لونا فجأة وهي تتمتم : ابي اشوفها ..•
وقفوا البنات معها على كلام مارينا : أي صح حنا ليش باقي واقفين ..•
تنهدت حور وهي ترجع تجلس جنى اللي كانت بقربها : البنت نايمة وين تدخلون ..•
رجعوا البنات يجلسون وأسماعيل واقف وساند ظهره على الجدار وباله مع نُور وأخوانها لا دروا
استقام الورانس بهدوء وتعب داخلي وهو يدخل غُرفة نُور متجاهل نظرات الكُل ، ارتخت أعصابه وانكسر جموده من شافها نايمة بسكينة رغم الإرهاق والانهيار اللي مرت فيه ، تقدم لها بخطوات بطيئة ومع كل خطوة يضعف أكثر ! جلس على المقعد بعد ماقربه من السرير ، نزل راسه على كتفها يحاول يهدي من العواصف اللي بداخله يكره نفسه لاشافها تبكي بسببه واليوم هي نايمة على هالسرير بذبول وهو السبب حتى لو ماكان قاصده ، غمض عينه وهو يحاول يسحب شهيق عميق من ريحتها وبهمس مُرهق وهو يحس بثقل بجفونه : نُـور حياتي ..•
ختم تمومه وهو يستسلم للنوم وذراعه اليسار محاوطة نُور.
قربت حور من ليونا وغايتها تفهم معنى "مرة ثانية" وبهمس وهي تمسح على كتفها : ليونا ..•
همهمت لها ليونا وهي مرخية ظهرها ومتكتفة وعيونها مغمضة : همم ..•
تمتمت حور وهي تناظرها : بصراحة ودي اسألك عن كلمتين قلتيهم قبل شوي أشغلوا بالي ..•
فتحت ليونا عيونها وهي تستعدل بجلستها وبأهتمام : وش ممكن اكون قايلة ..•
التفت حور كُلها على ليونا : من دريتي أنها كانت حامل ، قلتي "مرة ثانية" وبصراحة هالـ كلمتين أشغلوا بالي ودي تفهميني ..•
عمّ الهدوء بينهم لـ ثواني ، ليونا كانت تناظرها والأستغراب بتفكيرها على حسب كلام نُور أن حور أقرب خوات الورانس له أجل كيف ما تدري، وحور اللي كانت تنتظر ردّها بـ فارغ الصبر تبي تأكد شكوكها اللي داهمتها من سمعت الكلمتين من ليونا .
مسحت ليونا على شعرها من قدام وهي ترجع خصلاتها ورا اذنها وترفع عيونها لـ حور : لأن هذا مو أول حمل لـ نُور ..•
ناظرتها بعدم فهم : قصدك أنها أجهضت قبل كذا ..•
توترت ليونا وماعرفت وش تقول ، اكتفت بكلمة وحدة : لا ..•
جوابها مازاد حور إلا الفضول ، حست بعقلها يتشوش وعجزت تفهم مغزى كلام ليونا : مافهمت ..•
وصلها صوت سمسم اللي قربت منهم من لاحظت أرتباك ليونا من حركاتها ، وتمتمت من سمعت كلامهم : وش اللي مافهمتيه ياحضرة الدكتورة ، أن نُور كانت حامل من أخوك المصون قبل كذا ..•
التفت عليها حور وهي تحاول تفهم : طيب وش صار على حمّلها ..•
تمتمت سمسم وهي تجمع شعرها على ورا بضيق منه : الحمدلله قدرت أنها تولد بالسلامة بدون لايصير عليه شي ..•
توسعت عيون حور بذهول وهي تنزل راسها وتناظر بالفراغ وبتمتمه هامسّة : أخوي أب ..•
____________
فراشة اللِيل معَاكم ..🦋
أنت تقرأ
المتاهة ..🖊
Romanceأنا أكتب لأتعلم الكتابة، أكتب الرواية التي أرغبُ دائما في قراءتها، أكتب بدون غرض أخلاقي أو سياسي أو تربوي، لأن الخيال هو المكان الوحيد الذي يمكنني أن أعيش فيه بحريّة تامة دون خوف ثم قال هذه العبارة: عندما أكتب أصبح أقل حيوانية وأكثر إنسانية -دييغو...
