" بسم الله "
__________________
طلعت نور لغرفتهم وفتحتها وهي تدور بعيونها على لورانس بس مالقته كانت الغرفة مثل ماتركتها ظلام مع ريحة الفواحات اللي ترد الروح .. قفلت الباب وهي تفكر وين ممكن يكون .. توجهت للشباك الكبير اللي بالممر وهي تفتحه ونظراتها تدور عليه بالحديقة .. تأفأت من مالقته ..قررت تنزل تحت ..
قابلت ليونا بوجهها بعد مانزلت قربت وهي تسمعها : نوني ماشفتي سولي وين ..•
أشرت نور للغرفة اللي دخلتها سلوى : دخلت تغير لبسها ، إلا صح من حاس لبسها ..•
رمت ليونا شعرها الكثيف على ورا بضيق : سمسم الله يهديها ضربتها بكتفها بمزح والثانية كان بيدها عصير وانحاست هي ولبسها ..•
هزت نور راسها بأسى من سمسم وهي مبتسمة : عاد ليتني معكم ..•
تمتمت ليونا وهي تنزل كوب الحلبة لوحدة من الطاولات : خلك منا بتلقينا بكل وقت وتعالي بشريني عسى طيحتي الكبارية بحبك ..•
ابتسمت نور بعذوبة وبنبرة واثقة : ماعلي من حبهم اهم شي عندي يحترموني ..•
ناظرتها ليونا بنص عين وبهمس وهي تقلدها : ماعلي من حبهم ! اجل من اللي كانت تحوم حولهم من دخلوا ..•
ضربتها نور على كتفها بخفة : لاتقلدي مو لايق ، بعدين شي طبيعي اني بحوم حولهم على قولتك تراهم اهل الغالي وضيوفي اكيد بدور رضاهم دامهم ببيت ولدهم ..•
تمتمت ليونا بضيق وهي مكشرة : البلا مو منهم البلا بخوان زوجك ماتشوفينهم كيف يناظرونك يمه منهم يخوفوا ..•
تضايقت نور وبصوتها الناعم وهي ترجع خصل شعرها لورا : تصدقي مانتبهت لهم ..•
جلست ليونا على الدرج وبهمس : ازين لك ماتنتبهين لهم بس والله ما ارتحت ابد من نظراتهم ..•
شاركتهم جنى القعدة وهي تجلس بقرب ليونا على طرف الدرج : انا مو قلت لك لاتقولين لها ..•
تنهدت نور وهي تستند على خشب الدرج وتناظرهم من فوق : وانتي كمان لاحظتي ..•
هزت جنى راسها فوق وتحت وبقهر : ماعليك انتي منهم حدك زوجك وبس ..•
قربوا سمسم وروان وصوت ضحكم واصل للبنات : ليه جالسين هنا وتاركين الكل داخل ..•
أنت تقرأ
المتاهة ..🖊
Romanceأنا أكتب لأتعلم الكتابة، أكتب الرواية التي أرغبُ دائما في قراءتها، أكتب بدون غرض أخلاقي أو سياسي أو تربوي، لأن الخيال هو المكان الوحيد الذي يمكنني أن أعيش فيه بحريّة تامة دون خوف ثم قال هذه العبارة: عندما أكتب أصبح أقل حيوانية وأكثر إنسانية -دييغو...
