ازمة ثقة الحكاية الثالثة من حكايا حوا

ازمه ثقة

بعد مرور يومان...

خرج الطبيب من غرفة العناية المركزه ليراه ادهم ليسرع اليه:-ها يادكتور اخبار جدى ايه انهارده..

عدنان:-للأسف صالح الجلطه دى اثرت عليه وحالته خطر جدا ..

ادهم:-يعنى ايه جدى حالته ايه بالظبط..

عدنان:-الجلطه دى اتسببت فى ان الدم مبقاش يوصل للقلب بشكل كامل وده له اخطار جسيمه زى السكته القلبية المفاجئة وفشل القلب ومشاكل فى صمامات القلب واخطرهم انسداد الشريان التاجى ..

ادهم بحزن:-وده سببه ايه يعنى ممكن الانفعال والزعل أرجوك يادكتور طمنى ...

قاطعه عدنان:-اطمن ياابنى انت مالكش ذنب، ادهم جدك عمره مش صغير سنه كبير يعنى، ده غير التدخين اللى مش بيتوقف عنه ده له أكبر عامل للحالة اللى هو عليها..

ادهم:-يعنى ايه يادكتور أنا مش فاهم جدى هيفضل كده..

عدنان:-جدك ياادهم محتاج لعملية جراحية وعملية ضرورى كمان..

تطلع له ادهم بصدمة ليربت عدنان على كتفه بمواساه ليخبره:-عملية قلب مفتوح ،ماتقلقش نسبة نجاح العملية دى 90% وان شاء الله يبقى احسن المهم أن ماحدش يدايقه او يوصلوا اى اخبار عشان حالته الصحية ماتتدهورش اكتر ..

اومأ له ادهم بضياع لينظر له عدنان باسف ويتركه بعدها ويذهب ليصلوا بتلك اللحظة والدته وعمته وكامل ليسألوه بلهفة..

هدى:-جدك فاق ياادهم مش كده .

ادهم:-فاق بس دكتور عدنان بيقول ان حالته خطر ومحتاج انه يعمل عملية قلب مفتوح..

نيهال ببكاء:-انت بتقول ايه عملية ايه بابا كويس مستحيل اللي أنت بتقوله ده..

كامل:-اهدى يانيهال لوسمحتى خلينا نعرف نفهم ونتصرف..

ادهم:-مافيهاش تصرف ياعمى الدكتور بيقولى لازم عملية ضرورى والا الحالة هتدهور ..

هدى:-بس عمى لاصحته ولا عمره يساعده فى
انه يتعمل له عملية زى دى..

ادهم:-الدكتور بيقول انه نسبة نجاح العملية 90% واننا لازم نقنعه بيها ده غير انه محرج علينا أننا نزعله او يعمل اى مجهود لان بكده هنكون بنضره اكتر..

نيهال ببكاء:-انا هكلم داليا وشروق يجوا من أمريكا لجدهم يبقوا معانا..

ادهم:-لا ياعمتى ماحدش يكلم لاداليا ولاشروق احنا مش عاوزين جدى يحس انه تعبان احنا لازم نقنعه ان دى عملية سهلة وبسيطه مش عاوزينه يحس بقلق ..

كامل:-ادهم كلامه صح ملهاش لازمه اننا نخلى البنات يسبوا دراستهم وينزلوا ده أولا وثانيا عشان صحه عمى النفسية ماتتأثرش وبعدين احنا هنتكلم مع الدكتور واللى هو يقرره احناهنوافق عليه ولو قال عملية يبقى عملية واحنا نقنعه بيها وان شاء الله عمى يقوم منها بالسلامة ويرجع لبيته ينوره باذن الله..
------------------------------------------------------
اما فى منزل فيروز...
ياسر:-ها ياستى ارتحتى دلوقتى لما اطمنتى وسمعتى بنفسك كلام الشيخ انتى مالكيش لادخل ولاذنب كل الذنب هو اللى هيتحمله لوحده وربنا مش هيسيبه والجنين ده ...