ازمة ثقة الحكاية الثالثة من حكايا حوا

أزمة ثقة

بعدها بفترة كانت تقف نيهال بغرفتها تحديدا بالشرفة تتطلع لاسفل لترى هدى تخرج من المنزل تصعد للسيارة لينطلق بها السائق كعادتها ككل يوم لتقول نيهال بدهشة:-الله انا مش عارفه بتروحى فين كل يوم يا ست هدى..

بذلك الوقت استمعت لصوت طرقات على باب غرفتها لتاذن بالدخول لتدخل ابنتها اليها داليا فتاة بالعقد الثاني من عمرها بيضاء البشرة وانف مستقيم وشعرها بلون عسل قصير ولديها زوج من العيون العسلى...

نيهال:-تعالى يادودى ادخلى ياحبيبتي..

دلفت داليا للغرفة باسمه:-مامى أنا كنت عاوزة فلوس ..

نيهال:-خدى يا حبيبتى من غير ما تستأذنى طبعا..

ليدخل بتلك اللحظة كامل يحدثها بغضب:-مش تسأليها الأول عاوزه فلوس ليه مع انها اخدت منى من يومين..

طالعته نيهال بغضب بينما حدثته داليا باسمه:-يابابى ياحبيبى انت بنفسك قولت انهم كانوا من يومين يعنى خلصوا..

كامل بانفعال:-خلصوا فى ايه إنشاء الله..

لتتدخل نيهال بتلك اللحظه قائلة:-ماتخلص زى ما تخلص الله ماتسيبها على راحتها ياكامل..

كامل:-نيهاااال.

داليا:-تمام تمام اهدوا انتوا الاتنين بابا ياحبيبى انا عاوزة فلوس عشان اعمل شوبينج ..

كامل:-شوبينج ..شوبينج ايه يا بنتي انتى ماشبعتيش شرا هدوم..

داليا بدلع:-بابا حبيبى هو انا مش بنتك الوحيدة بردوا يبقى من حقى ادلع عشان خاطري يابابا ياحبيبى..

تطلع لها كامل بضيق للحظات ثم قال:-خلاص اتفضلى خدى الفيزا كارت بتاعتى بس ماتسحبيش كتير مفهوم..

لتقبله داليا على وجنته بفرح وتسرع تخرج من الغرفة لتحدثه نيهال وهى تجلس تضع قدم على اخرى قائلة:-يعنى نفذت اللى هى عاوزاه اهى كان لازمتها ايه بقى الحركات دى ..

كامل:-بنتك لازم تعرف ان فى محاسبة على كل شيء حتى النفس اللى بتتنفسه مش نسيب لها السايب فالسايب كده .

نيهال بسخرية:-والله وانت بقى كده حاسبتها ،عالعموم انت حر دى بنتك زى ماهى بنتى والمهم ماتعرفش هدى بتروح فين كل يوم..

كامل بدهشة:-هدى ..ماعادى يعنى تخرج زى ما هى عاوزة ايه هنسجنها ولا ايه..

ليتركها ويخرج لتتطلع هى له بغيظ هامسة:-خليك انت كده مش هامك حاجه فى الدنيا عاملى فيها عم الزاهد اوووف ..بس انا لازم اعرف هى بتروح فين..
  &&&&&&&&&&&&&&&&&&&&
كانت هدى تجلس بالسيارة شارده وبلحظه وجدت السائق يخبرها بوصولهم للمكان لتومئ هى له وتهبط من السيارة لتتطلع إلى المنزل للحظات لتصعد بعدها...
------------------------------------------------------
بتلك اللحظه كان مجدى يجلس مع عائشه يلاعب ملاك التى بدت تتعود عليه..