ازمة ثقة الحكاية الثالثة من حكايا حوا

ازمه ثقة

فى بيت عائشة..

كانت فيروز تقف بالمطبخ تغسل بعض الاوانى لتدلف اليها سلوى لتراها لتسرع تاخذ منها الصحن صارخه بها:-انتى بتعملى ايه يامجنونة انتى واقفه بتغسلى الاطباق وانتى تعبانه كده روحى اقعدى مع ماما او ادخلى اوضه استريحى فيها ايه ناوية تولدى وانتى واقفة..

فيروز:-ياستى ماحصلش حاجة دول طبقين يعنى..

سلوى:-ولو روحى يافيروز بدل ماوالله العظيم اكلم اخوكى يجى يعرفك الطبقين دول ..

فيروز باسمه:-ياسلام هو انتى فاكرة يعنى انه،لتشعر فجأة بألم حاد يضربها باسفل ظهرها لتصرخ رغما عنها :-ااااااه

لتتطلع لها سلوى برعب:-مالك يافيروز حصل ايه..

فيروز بألم:-اه مش قادرة اه حاسة ..حاسة بوجع جامد اوى ياسلوى اظاهر كده انى بولد اااه..

سلوى برعب:-طب أهدى ماتخافيش طب أنا هعمل ايه دلوقتي،لتصرخ فيروز بقوة أكثر:-اااااااه.

لتهتف سلوى صارخه باعلى صوت لها:-يا ماما،ياماما الحقينى ،لتخاطب فيروز بهدوء:-امشي بشويش وبراحه تعالى معايا كده اظاهر أنا ماما راحت عند جارتنا زى ماكانت بتقولى تعالى معايا تمام هلبس واخدك ونروح على أقرب مستشفى تمام ..

فيروز بصوت متقطع من الالم:-لااااء أنا عاوزه اروح المستشفى اللى بتابع فيها سلوى اوى اوعى...الشنطه اوعى تنسيها ااااااااه..

بتلك اللحظه دلفت عائشة مسرعه بقلق:-ايه اللي حصل أنا سمعت صوت صريخها وانا طالعه نزلت جرى..

فيروز:-الحقينى ياخالتى حاسة بالم جامد اوى المرادى..

عائشة:-يعنى مش زى امبارح..

فيروز:-لاء ياخالتى ده وجع شديد اكتر من امبارح..

عائشة:-خلاص يلا بينا يابنتى نروح عالمستشفى على طول بسرعه..

اتت سلوى بعد ان ارتدت ملابسها سريعا لتحدثهم بعجالة:-يلا ياماما أنا طلبت عربية وهى وصلت دلوقتى هنروح عالمستشفى على طول يلا..

لتسرع عائشة تسند فيروز التى تبكى بقوة من شده الألم الى المشفى،ليصلا بعد فترة قصيرة الى المشفى ويتم اخذ فيروز لغرفة العمليات بعد ان اخبرتهم الطبيبة بصعوبة ولادتها ولكنها ستفعل المستحيل حتى يبقوا بخير هى والطفل..

لتجلس عائشة على احد المقاعد وبيدها سبحتها تسبح عليها وتدعو لفيروز ،بينما كانت سلوى تجيب الممر ذهابا وايابا بقلق لتجد هاتفها يرن بيدها لتتطلع له لتجد ياسر هو من يحدثها:-ياسر أنا نسيت معلش..

ياسر:-انتوا فين ياسلوى ..

سلوى:-فى المستشفى فيروز بتولد ياياسر..

ياسر بفرح:-بجد طب انا جايلكم حالا مش بردوا فى المستشفى بتاعتها اللى كانت بتابع فيها..