ازمة ثقة الحكاية الثالثة من حكايا حوا

ازمه ثقة

وقفت فيروز تتطلع اليهم بصدمه والدموع تسيل من عينيها وهي تقول:-اللى سمعته ده صح ياسلوى حازم رجع..

دق قلب سلوى بعنف من شده خوفها على فيروز بعد رؤيتها لها بتلك الحالة لتحدثها بهدوء مزيف:-فيروز اهدى وانا هفهمك كل حاجه بس عشان خاطري حاولى تهدى...

فيروز بصوت باكى صارخ:-ماتقوليلش اهدى انتوا ازاى تبقوا عارفين حاجة زى دى وتخبوها عنى ازاى...

بتلك اللحظه خرجت عائشه وهى تستند على الحائط بعد ان وصت ملاك بان تجلس بغرفتها ولاتخرج أبدا:-انا السبب يابنتى انا السبب..

وقتها تطلعت لها فيروز بغرابة:-ازاى..ازاى ياخالتى..

وقتها تدخل مجدى:-الكل كان خايف عليكي يا فيروز..

فيروز بدموع:-خايفين عليا... طب وماخفتوش عليها هى لو حصل ووصل لهنا ممكن يعمل معاها ايه..

مجدى:-مش هيقدر اطمنى..

فيروز:-والله وانا مين بقى اللى يضمنلى ده..

تحدث عائشه بتعب:-عشان هو مش هيقدر يجى هنا حازم حالته الصحيه مش كويسه..

فيروز:-ليه البيه ماله..

مجدى:-حازم اكتشف من حوالى ٧شهور وهو برا ان عنده كانسر وده مع الوقت بيأثر على حركته..

وقتها تطلعت له فيروز بصدمه لتتحول بعد ذلك صدمتها تلك لنوبة ضحك وهى تقول:-حازم..حازم اللى انا اعرفه جاله كانسر وبعد فترة مش هيعرف يمشي حازم..

عائشه:-ماتفرحيش فى اذي حد يابنتى ربنا يشفيه ومايكتبهاش علينا..

فيروز بدموع:-انا مش شمتانه ولا فرحانه ياخالتى انا بس مش مصدقه نفسي مش قادره اصدق ان ربنا اخد حقى ربنا ورانى ان الظلم اللى شوفته اترد ليا وجه اليوم انه اشوفه مذلول زى ماذلنى..

سلوى:-لا يافيروز لايا حبيبتي اوعى تبقى كده تفرحى فى مصيبة حد لمجرد انه ظلمك أو جه عليكى..

وقتها طالعتها فيروز بغرابة دامعه:-جه عليا انتى شايفة انه ظلمنى بس وجه عليا مابهدلنيش وكسرنى قودام الكل ماحرمنيش من انى اشوف امى وابويا ولو لآخر مرة ماحرمنيش من اخويا ولا كرهوا فيا وبعد كل ده جاية تقولى ليا كده..

مجدى:-ايوة يافيروز بس الاحساس اللى انتى حاسة بيه ده مش كويس ده بياذيكى انتى قبل اى حد..

فيروز:-لا اطمنوا انا كويسة اوى ربنا اخدلى حقى خلاص لازم أبقى كويسة..

وقتها تطلع الجميع لبعضهم البعض لينظروا لها بقلق لتقول:-ايه هو طالب يشوف بنته ولا ايه عالعموم مرفوض تماماً..

سلوى بارتباك وقلق:-لاء هو الحالة بتاعته يعنى الدكتور بيقول انه الكانسر اللى عنده يعنى..

فيروز بعصبية:-ممكن افهم فى ايه ماتتكلمى على طول ياسلوى بتتلجلجى ليه فى الكلام..

سلوى:-الله طب اهدى طيب يعنى هنتكلم معاكى ازاى وانتى عصبية كده..