ازمة ثقة الحكاية الثالثة من حكايا حوا

ازمه ثقة

تطلع لها ياسر بصدمه غير مصدق لما استمع اليه منها عندما بدأت تقص عليه ماحدث لاخته طوال سنين زواجها من ذلك المدعو حازم الملقب برجل ولكنه لم يكن يمت لتلك الصفه بشئ وليس به شيئا منها فمن يعامل زوجته بتلك الدونية والاخلاق الرديئة ويسمعها ذلك الحديث المؤلم لم يكن رجلا من الاساس،ظل يستمع الى عائشة وهى تخبره بما اخبرتهم به فيروز وكلما كانت تتكلم كان يشعر بقبضة قوية تعتصر قلبه ليقبض على يده بقوة يعتصرها وبعدما انتهت من حديثها صرخ ياسر بقوة وهو يضرب يده بالحائط من الغضب،لتسرع اليه عائشة تربت على كتفه تحدثه بهدوء:-اهدى ياابنى الغضب والعصبية مش هينفعوك بالعكس..

ياسر بغضب:-الكلب الجبان يعنى هو عمل فيها كل ده اختى اللى كنا شايلنها فى عيونا ومحافظين عليها يعمل هو فيها كده ،فيروز اللى ابويا كان مسميها جوهرته الغالية هو فيا يوصلها لكده ، كدب وخيانه وضرب وكمان هو اللى كان بيبعدها عننا .

عائشة:-ايوة ياابنى قالتلى انه ماكنش مخليها تعرف عننا حاجه وهو اللى كلمك وقالك ان اختك مش عاوزه تعرفكوا تانى كدب علينا زى ماكدب عليها ياابنى الغلبانه عرفت بأن ابوها وامها ماتوا من حوالى اسبوعين بس وجرحها بينزف ووجعه ماانتهاش ياابنى فماتجيش انت كمان عليها كفاية اللى عاشته وشافته ولسه بتشوفه من الندل الواطى ده ..

ياسر بكسرة وحزن:-مش هى اللى اختارته ياخالتى ، مش هى اللى سمحت له انه يعاملها كده ..

عائشة:-بلاش تقسي ياابنى دى اختك الوحيدة وهى مبقاش ليها غيرك دلوقتى ولاانت ليك غيرها وبعدين هى عارفة انها غلطت دى ياابنى قالتلى كلمه وجعت قلبى اوى..

ياسر:-قالت ايه يعنى..

عائشة:-قالت انها عارفة ان هى اللى اختارته بنفسها لكنها استمرت بالجواز واتحملته واتحملت اهاناته وضربه ليها وخدته كعقاب عشان هى تستحقه،اختك ياابنى راجعه مدمرة ومحتاجاك جمبها دى لسه فى كارثة حكاية الحمل والاجهاض ده..

ياسر:-مستحيل مش هسيبها تعمل كده اختى ماغلطتش عشان تعمل التخريف ده والطفل ده كان نتيجه جواز وجواز علنى الناس كلها تعرف بيه يعنى حكاية حملها طبيعي والاجهاض ده فى حرمانيه وانا مش ممكن اخليها ترتكب جريمه زى دى..

عائشة:-بس ياابنى دى بتقولك انه مطلقها من اربع شهور يعنى..

ياسر:-ياخالتى هو مطلقها أه بس من غير ماتعرف والحمل ده يبقى حلال ..

عائشة:-ازاى بس ياابنى ده كده يبقى فى حرمانية وان الحمل ده يعنى ...

ياسر:-ياخالتى ياحبيبتى اسمعينى مادام الزوج ماتلفظش بكلمه طلاق ومدام الزوجه ماكنتش تعرف بحكاية تطليقه دى يبقى خلاص لكنه لو كان حصل وتلفظ بكلمه طلاق دى فى خلال فترة انفصاله عنها وقتها يبقى كلامك صح..