ازمة ثقة الحكاية الثالثة من حكايا حوا

ازمه ثقه

ظل الجميع يبحث عنها بكل مكان بالمشفى ولم يجدها ،بلحظه فكر ادهم بحديقة المشفى ليخرج سريعا ليبحث عنها وبالفعل سار بضع خطوات ليجدها امامه تجلس على العشب تبكى بصمت ليزفر براحه ويذهب اليها يجلس بجانبها بصمت نظرت له ملاك للحظات ولكنها لم تتكلم ليقول هو :- تعرفى انك زي ..

تطلعت له ملاك بعيونها الدامعه بغرابة وعدم فهم ليبتسم لها وهو يكمل:-انا كمان بحب اقعد لوحدى لما اكون مدايق أو زعلان ...

لتحدثه ملاك بصوت طفولى باكى:-انا مش مدايقه ولا زعلانه..

طالعها ادهم مبتسما:-اومال مالك ياجميل..

ملاك:-انا خايفة..

ادهم:-خايفة من ايه ياحبيبتي..

ملاك باكية:-انا خايفة على تيته اوى ياعمو خايفة تسبنى..

شعر بها ادهم فهو اكثر من يتفهم ذلك حدثها ادهم مبتسما بهدوء:- لاء ياحبيبتي تيته كويسة وهتفوق وتبقى احسن مش الدكتور قالنا كده..

اومأت له ملاك بعيونها الدامعه ليكمل:-يبقى خلاص نصدقه وماينفعش نخاف احنا بس ندعي ربنا انها تفوق وتقوم لنا بالسلامة تمام..

ملاك:-ماشي..

ادهم باسما:-بماانه ماشي بقى يبقى من هنا وجاى العيون الحلوة دى ماتدمعش لحظه،وثانيا بقى لما نحب نختفى زى المرادى لازم نعرف ماما عشان ماتقلقش علينا تمام..

اومأت له ملاك وهى تكفف دموعها بكفها الصغير ليقف ادهم سريعا ليحمل ملاك وهو يحدثها بمرح ومزاح وهو يدلف الى المشفى متجها بها إلى الطابق المتواجد بها فيروز...

بتلك اللحظه كانت فيروز تجلس كما هى بمكانها تبكى بانهيار لتستمع فجأة لصوت ملاك وهى تهتف باسمها لتسرع اليها تأخذها من بين يد ادهم تحتضنها بشدة وهى تقبل كل انش بها فرحه برجوعها اليها...

فيروز:-كنتى فين يا ملاك كده تعملى فيا كده انا كنت هموت..

ملاك وهى تزيل دموع والدتها بكف يدها الصغيرة قائلة:-انا اسفه ماتزعليش منى سامحينى..

فيروز بصوت باكى:-انا عمرى ماازعل منك ابدا ياقلبي..ثم تطلعت لادهم بنظرات ممتنه:-انا مش عارفة اشكرك ازاى انت رجعت ليا روحى من جديد..

ادهم:-ماتشكرنيش على حاجه المهم انها بخير وان شاء الله تطمنوا على والدتك كمان..

فيروز:-شكرا...

وقتها وصلت سلوى ومجدي وعثمان معا ليجدوا ملاك معهم ليزفروا براحه لتذهب سلوى اليهم مسرعه تحضتنها بقوة وهى تقبلها...

بعد فترة كان ادهم يخرج مع خاله من المشفى ليوصله لمنزله أثناء ذهابهم حدثه عثمان براحه:-الحمد لله اننا لاقينا البنت واطمنا كمان على الست عيشة دى هيام مابطلتش سؤال عليها..