ازمة ثقة الحكاية الثالثة من حكايا حوا

ازمه ثقة

خرج ادهم من الشركه متجها الى سيارته ليجد خاله عثمان يحاول بسيارته ليذهب اليه مبتسما..

أحدهم:-ايه ياخالى هى عملتها معاك تانى ولا ايه..

عثمان:-ايوة ياسيدى أنا مش عارف بس اعمل فيها ايه كل يومين عالحال ده..

ادهم:- ما انا قولتلك بيعها..

عثمان:-وانا قولتلك لاء ماحدش بيبيع ذكرى الوحيدة اللى بقياله من ابوه ...

طالعه ادهم مبتسما:-طب سيبك منها بقى وتعالا معايا اوصلك..

عثمان:-لاء روح انت أنا هطلب عربية أصل انا مش رايح عالبيت..

ادهم بمزاح:-الله الله اومال رايح فين ياخالى ايه رايح تقابل الجو من ورانا ولا ايه ياكبير ..

عثمان:-لا ياخفيف رايح عيد ميلاد ملاك..

أدهم:-امم ملاك دى اللى تبقى بنت فيروز مش كده..

عثمان:-بالظبط كده يلا روح انت بقى عشان ماعطلكش.

ادهم:-لا أنا هوصلك وبعدين حضرتك هتعطلنى على ايه يعنى تعالا ياخالى يلا اوصلك هو أنا يعنى هتأخر على ايه ،وبعدين اروح ازاى بقى قولى كده لو الرئاسة عرفت تصورك هتعمل فيا ايه،ولا انت عاوز الرئاسة تزعل منى وتقولى ازاى تسيب خالك لوحده ايه عاوزنى اتطرد يعنى برا البيت ولا ايه..

عثمان ضاحكا:-لا وعلى ايه مايخلصنيش تطرد بسببى ياابن اختى خلاص ياسيدى وصلنى اهو استغلك شوية..

ابتسم له ادهم بمرح:-وانا مرحب بالاستغلال ده بدل ماتلاقينى فى وشك بالليل وابات عندك كمان..

عثمان ضاحكا:-طب ياريت تعملها وتيجى كرم وهيام هيفرحوا اوى..

ادهم بمزاح:-يفرحوا بايه يفرحوا بيا وانا مطرود ولا وانا معاهم..

عثمان:-انا مش هخلص منك أنا عارف اركب يالمض اركب..

ادهم:-عالعموم أنا كده كده رايح عندكوا البيت هقعد مع كرم وهيوم شوية...

عثمان:-تنور ياحبيبى بس يارب تصدق ياابن اختى..

ادهم:-لا أنا هوصلك المكان اللي أنت عاوزه واطلع عليكم على طول..

تحرك ادهم مع عثمان ليصعدوا معا للسيارة وينطلق ادهم بها وبداخله شئ واحد هو أن يعرف من تكون فيروز..
&&&&&&&&&&&&&&&&&&&&&
بتلك اللحظه كانت فيروز تقف امامه بثبات على الرغم من الخوف الذى بداخلها الذي كان يدب باوصالها عندما تراه ولكن الان الوضع يختلف فهو يقف امامها يقطع عليها طريقها وبيده ذلك النصل ليهددها به وعلى وجه ابتسامه سمجه تكره رؤيتها كما تكره رؤية صاحبها ...

لتحدثه فيروز بهدوء:-خير ياحسن ايه اللى موقفك كده وعاوز ايه..

رد عليها حسن وهو يترنح بوقفته قليلا وبلسان ثقيل:-مستنيك ياجميل..