ازمة ثقة الحكاية الثالثة من حكايا حوا

ازمه ثقة

بعد مرور خمس سنوات اخرين...

كانت فيروز تعمل بمكتبها حتى وجدت عثمان مديرها يطلبها إلى مكتبه طالبا منها احدى العقود لتدخل اليه مبتسمه وبيدها الملف..

فيروز:-اتفضل يافندم أنا دققت فى صيغة العقود دى كويس وترجمتها لحضرتك بالحرف..

حدثها عثمان بصوت مجهد:-طب تمام يابنتى كويس انك خلصتيه ...

تطلعت له فيروز بقلق لتحدثه:-استاذ عثمان حضرتك كويس..

عثمان:-ماتقلقيش يابنتى أنا كويس بس..

فيروز:-اكيد نسيت تاخد حباية القلب زى كل مرة...لتسرع تذهب الى حقيبته تخرج منها علبة دواء لتعطيها له على الفور..

لتحدثه بعدها بمرح:-على فكرة أنا كده هشتكيك لطنط هيام وملاك ..

عثمان بصوت ضعيف:-لاء كله الا هيام وملاك دول مش هيسكوتوا لو عرفوا وخصوصاً بنتك هتخاصمنى اسبوع..

فيروز:-يبقى خلاص بلاش حضرتك تنسي الدوا تانى عشان خاطرهم..

عثمان:-حاضر ياستى تمام ..

فيروز:-بقيت كويس دلوقتى..

عثمان:-الحمد لله يابنتى بقيت احسن نرجع لشغلنا بقى..

فيروز:-بس حضرتك لسه مجهد وتعبان من رأى ترتاح شوية وماتقلقش انا هتكفل بكل شئ..

عثمان:-لاء لاء انا كويس ومافيش حاجه المهم ماتنسيش احنا انهارده عندنا اجتماع مهم جدا مع الشركه الاسبانية والمرادى انتى هتحضريه معايا ..

اومأت له فيروز مبتسمه:-حاضر بس ترتاح شوية وانا هراجع الملف بتاع الاجتماع واترجمه ولو فى حاجه هبلغ حضرتك بيها تمام..

عثمان:-يعنى مافيش فايده يعنى حاضر ياستى هرتاح...

بعد مرور ساعة...

كانت فيروز قد انتهت من ترجمه العقود وبدأت بتجهيز الاوراق المطلوبه للاجتماع لتخبر عثمان بذلك..

عثمان:-طب تمام عملتى نسخ بعدد الافراد الموجودين في الاجتماع..

فيروز:-حصل وكله جاهز أنا حتى بعته للسكرتيرة عشان تجهزه ..

عثمان:-تمام يلا بينا بقى نروح دلوقتى اوضه الاجتماعات وخدى بالك انا عاوزك تكونى مركزه جدا مع الوفد ده الصفقة بتاعه انهاردة دى من اهم الصفقات للشركه ..

فيروز:-ان شاء الله ناخدها ماتقلقش..

عثمان:-انا مش قلقان طول ماانتى هنا انتى وشك حلو عليا وعلى الشركه ده كفاية أن كرم ابنى اللى كان مسافر ماكنتش عاوز يرجع رجع من السفر وشوفته قبل مااموت..

فيروز:-بعد الشر على حضرتك ..

عثمان:-نسيت اقولك مش هو ناوي يشتغل هنا فى الشركة صالح بيه قال انه هيشغلوا فى قسم المحاسبة اللى فى الشركة..