********الفصل التاسع ********
فى صباح اليوم التالى
استيقظت مليكه من نومها وقعدت على السرير ودموعها نزلت لما افتكرت كلام الاء ليها لما قالتلها على حكاية فارس مع منى
الاء صحيت لقت مليكه بتعيط
الاء بحزن : يابنتى انتى ال كاتبه على نفسك العذاب ده سامحيه وارجعيله
مليكه بدموع : مقدرش يالاء انا اه مسمحاه بس مقدرش ارجعله ده عنده ابن عارفه يعني ايه عنده ابن يعنى كده هخرب بيتهم وانا مرضاش ابدا اكون السبب
الاء : طب هو مشتريكى ليه البعد ليه تعذبى نفسك انتى
مليكه وهى تمسح دموعها : الاء من فضلك متتكلميش فى الموضوع ده تانى ممكن
الاء بتنهيده : براحتك يامليكه
مليكه قامت من مكانها : يلا بقا علشان هنتاخر من اول يوم اخلصى
الاء : حاضر يختى قايمه اهو
مليكه دخلت الحمام اخدت شاور واتوضت وخرجت ادت فرضها والاء دخلت برضوا اخدت شاور واتوضت وادت فرضها وخرجوا الاتنين نزلوا وقفوا تاكسى وركبوا ومشيوا
فى فيلا فارس الشرقاوى
استيقظ فارس من نومه وقعد على السرير هو من يوم مارجعوا مصر وهو بينام فى اوضه ومنى فى اوضه
مسك فونه وطلع صورة مليكه وبصلها بحب وقال :
هرجعك ليا ياحب عمرى الاول والاخير وباس الصوره وقام دخل الحمام اخد شاور واتوضه وخرج لبس واده فرضه ونزل
فى الاسفل
كانت نور قاعده بتفطر
فارس : صباح الخير ياحبيبتى وباس جبينها
نورا : صباح النور ياابو الفوارس
فارس : اومال منى فين
نورا بضيق : لسه نايمه
فارس : كويس كنت عايز اقولك على حاجه
نورا بفضول : قول ياحبيبى كل اذنى صاغيه لك
فارس بضحك : هههههههههه بتحبى الفضول انتى
نورا : طبعا ياحبيبى ها قول بقا
فارس : مليكه عايشه
نورا بصدمه : مين ازاى وفين
فارس : هههههه كنت زيك كده اول ماعرفت
نورا لسه مصدومه : انت قصدك مليكه مليكه بتاعتنا
فارس : اه والله مليكه بتاعتنا
نورا : طب انت شوفتها فين
فارس : بصى ياستى وقص عليها ماحدث من ساعة ماشاف مليكه حتى الان
نورا بحزن : يعنى مليكه مش هترجعلك تانى
فارس : لاء طبعا انا مش هسيبها تضيع منى زى المره ال فاتت انا هضحى بعمرى كله علشان تبقا معايا
نورا : طب انت مستنى ايه
فارس : مستنيها تهدا شويه علشان اعصابها تعبانه انا هفضل وراها لحد ماترجعلى
نورا بضيق : طب ومنى
فارس : انا ومنى مش مرتاحين مع بعض خالص انا هطلقها واسيها تعيش حياتها مع ال هيحبها وانا هعيش حياتى مع مليكه قلبى
نورا : ويزيد
فارس : هيبقى معايا طبعا ولو منى حبت تشوفه مش همنعها
نورا بتفهم : اممممم بس والله انا نفسى اشوف مليكه وحشتنى اوووووى
فارس : باذن الله هتشوفيها وهتعيش معانا كمان بس قريب
فى الوقت ده يزيد دخل يجرى على فارس
يزيد : بابى
فارس وهو يشيله ويحضنه : حبيب بابى ايه ياعم رايح فين كده
يزيد : كنت نازل اسوفك
فارس : وشوفتنى خلاص
يزيد : اه
فارس : طب اطلع عند مامى يلا
يزيد وهو يقبله من خده : حاضر ونزل علشان يطلع
نورا : اثبت عندك
يزيد ببراءه : فى ايه
نورا : فين بوسة عمتوا
فارس : ههههه خضتيه
يزيد راح باسها وبعدها طلع
فارس : لو خلصتى تعالى يلا علشان اوصلك
نورا : اه يلا
وخرجو الاتنين نورا ركبت قدام وفارس ركب وشغل العربيه ومشيوا بيها
