*****الفصل الرابع والثلاثون******
فى شقة الاء
مازن : لولا يالولو خلصتى
الاء من الداخل : خلاص اهو يامازن مستعجل كده ليه
مازن بضحك : يابنتى بقولك مصر وحشتنى يلا بقا
الاء خرجت وقالت : خلاص اهو يلا بينا
مازن صفر باعجاب : ايه القمر ده
الاء : يابكاش بتضحك عليا بكلمتين
مازن : والله قمر الناس كده هتحسدنى عليكى
الاء بضحك : ماشى هصدقك يلا بقا مش انت مستعجل من الصبح
مازن : يلا ياقمرى واخدها ونزلوا
راحوا الاول على النيل واتمشوا كتير جدا والاء كانت بتحكيلوا عن حياتها الفتره ال فاتت وحكتله على احمد برضوا ومازن حكلها كتير جدا عن حياته برضوا وفى الاخر الاء قالت : مازن انا جعانه
مازن : عايزه تاكلى فين اؤمرى وانا انفذ
الاء بتفكير : امممم عايزه اكل سى فود
مازن بابتسامه : عارف انك هتقولى كده يلا ياحبيبتى وركبوا تاكسى وذهبوا للمطعم
عند احمد كان رايح يقابل ناس مهمه فى المطعم وقاعد مستنيهم
احمد وهو يبص فى ساعته : هما اتاخرو كده ليه وفجأه بص على الباب شاف الاء داخله ومعاها مازن وطبعا هو ميعرفش مازن اتعصب وقام راح عندها
احمد بعصبيه : الاااء
الاء بصتله بتوتر : ا ا حمد
احمد : اه احمد ولا انتى فاكرانى مش هاشوفك استغربتى صح للاسف مكنتش فاكرك كده ياخساره وسابها وراح مكانه تاني وهو متعصب
الاء بدموع : احمد استنى ولسه هتروح وراه
مازن مسك ايدها : متروحيش وراه يالاء هو موثقش فيكى وحتى ماستناش انك تفهميه حاجه سيبيه هو هيرجع ندمان
الاء مسحت دموعها : تفتكر
مازن بابتساهه : اه افتكر متبصيش عنده خالص
الاء : حاضر
احمد كان قاعد من بعيد ومراقبهم وهو متنرفز وفى الوقت ده جاله فون والناس بلغوه ان هما مش جايبن علشان حصلتلهم ظررف احمد مستحملش يشوف الاء مع حد تاني قام ساب المكان كله وخرج
الاء بصت بياس لاخوها واخوها بصلها باطمئنان
عند فارس
كان لسه هيروح يصالح مليكه ويقنعها بقا ان هما يعيشوا حياه سعيده بس جاله فون ان يوسف هرب فارس كان هيتجن خرج من الشقه وقفل الباب جامد بدرجه افزعت مليكه
مليكه اتخضت قامت تشوف فى ايه لقت فارس نزل اخد عربيته ومشى
مليكه باستغراب : هو ماله ده وانا مالى ودخلت اوضتها
فى العربيه عند فارس
فارس رن على احمد بعصبيه
احمد بضيق : الو يافارس فى ايه
فارس بعصبيه : يوسف هرب يااحمد هرب عارف يعني ايه يعني الكل فى خطر دلوقتى
احمد بقلق : طب وهتعمل ايه
فارس : تعال دلوقتى قابلني فى المخزن ال فى الزفت منصور
احمد : تمام تمام مسافة السكه
فارس قفل معاه وكلم مصطفى : الو يامصطفى انت فين
مصطفى : انا فى الفيلا ليه حصل حاجه جديده
فارس : اه يوسف هرب
مصطفى بصدمه : ايه هرب ازاى
فارس : مش وقته انا عايزك دلوقتى تطلع على الشقه ال فيها مليكه تجيبها وبعدها تطلع على الفيلا وخليك مع نورا ومليكه ويزيد علشان هما فى خطر دلوقتى
مصطفى : طب ومين هيجى معاك
فارس : احمد جاى معايا اعمل ال قولتلك عليه دلوقتى
مصطفى : ماشى سلام
فارس قفل معاه وخبط بايده جامد وقال : ماشى يايوسف اخرتك قربت خلاص
