*******الفصل الثالث عشر*********
فى الجريده عند مليكه والاء
الاء : بت يالوكه
مليكه : نعم
الاء : بتعملى ايه
مليكه : بظبط تقرير اللقاء مع فارس علشان اقدموا للمدير
الاء بغمزه : ايوه بقا وقاعده وحاطه الهاند فرى وبتسمعى صووت فارس بقا وهييببح
مليكه بصتلها بسخريه : ست النحنوحه اتلمى انا بشوف شغلى ياام دماغ شمال
الاء : الله يابنتى اش بقول الحقيقه برضوا ولا ايه
مليكه : لااا انا هاقوم اجيب حاجه من بره علشان القاعده معاكى ممنهاش فايده
الاء : هاتيلى اكل وانتى جايه جعانه
مليكه بنفاذ صبر : صبرنى يارب وخرجت من المكتب
الاء : هى ايه ال معصبها دى بس وبصت فى الورق ال فى ايدها
فى شركة فارس الشرقاوى
مصطفى بصدمه : فارس !!
فارس بدهشه : مصطفى !!
مصطفى راح حضنه : وحشتنى ياصحبى
فارس وهو يحضنه : وانت اكتر والله عامل ايه
مصطفى : الحمد لله تمام ايه ياعم ماشاء الله يعنى الشركه دى بتاعتك
فارس بابتسامه : اه ياسيدى ايه رايك انت لو بتسال بس كنت عرفت الاخبار
ملحوظه ( فارس ومصطفى اصحاب جدا من قبل فارس مايعرف مليكه )
مصطفى : وربنا ياابنى انت عارف سفر تركيا ده اثر على العلاقات كلها الله يسامحه بابا
فارس بشرود : ابوك ده سبب وجعى سنين
مصطفى : والله ظلمنا كلنا واولهم مليكه
فارس : يرضيك ال مليكه عاملاه فيا ده والعذاب ده
مصطفى : معلش اعذرها يافارس انت مشوفتش طول السنين ال بعدتها عنك كانت عامله ازاى مش سهل عليها ترجع بعد ده كله وتلاقيك اتجوزت
فارس بحزن : اظن هى حكتلك انا اتجوزت ليه
مصطفى : اه حكتلى بس سيبها فتره ومتخفش انا هافضل لحد متقتنع
فارس بتنهيده : ماشى
مصطفى بمزاح : الا قولى ياض انت وقعت على ورث ولا ايه
فارس : هههههههههه لاء هاقولك انا بعد متخرجت علطول مكنتش عارف اعمل ايه بعد ماابوك بلغنى بموت مليكه الحياه اسودت قدامى بس ساعتها كان عندى احساس انها موجوده بس بعيده اوووى المهم روحت قدمت على كذا وظيفه بالشهاده بس مكنش حد طالب موظفين يئست وروحت كنت قاعد على البحر وكنت بعيط على فراق مليكه وعلى حظى جه راجل كبير كده وقعد جنبى وقالى مالك ياابنى بصتله ساعتها وسكت بس قالى قول احكى وفعلا حكيتله على كل حاجه بس ارتحت جدا لما حكيتله حسيت باحساس غريب كده وبعدين قالى يبنى انت صعبت عليا انا عندى شركه هنا فى مصر انا اه مش طالب موظفين بس انت زى ابنى تعالى اشتغل معايا ومش هتندم وفعلا مندمتش كان هو طاقة القدر بالنسبالى روحت واشتغلت معاه وساعتها جت للشركه بعثه لايطاليا سافرت فيها وربنا فتحها عليا ده كله كان احمد معايا سافر معايا فى البعثه وابتدينا انا وهو وانا عملت مبلغ حلو واحمد برضوا وابتدينا نتشارك وعملنا شركه انا وهو وبعدها بقا لينا تلات فروع فى ايطاليا ومصر ولبنان بس لبنان كانت فيها مشاكل صفيناها وشغلين فى فرعين بس بس ياسيدى دى كل الحكايه
مصطفى : ياااااه انت تعبت اوووووى يافارس
فارس : اومال انت فاكر ايه اه صحيح انت بتدور على شغل
مصطفى : امممم اه ياسيدى شوفت بقا اخيرا جاتلى فرصتى ان ادور على شغل بشهادتى
فارس بمرح : هههه ابوك فك سجنك ولا ايه
مصطفى : لاء وانت الصادق انا ال خرجت من سجنه وجيت مصر منه علشان ابقا جمب مليكه ومنه ارتاح واخد حريتى
فارس : خلاص صعبت عليا قبلتك فى الشغل
مصطفى : ههههههه ايه ده بالسرعه دى مش عايز مؤهلات طيب
فارس : لاء لاء عيب عليك احنا بتوع الحاجات دى اؤمر ياسيدى لو عايز تبقى مكانى انا موافق
مصطفى : مش اوى كده انا مبفهمش الا فى الهندسه ها فى ولا اشوف رزقى فى حته تانيه
فارس بضحك : لاء فى حتى لو مفيش نخليلك فيه
مصطفى : حبيبى بقولك ادينى رقم احمد وحشنى
فارس : خد اهو واداله رقم احمد
مصطفى : تمام
فارس : المكتب اسال على وائل ده هيوصلك وهتعرف كل حاجه عن الشغل
مصطفى قام وقف : تمام الى اللقاء ولسه هيخرج
فارس : مصطفى
مصطفى : نعم
فارس : اوعى تنسى مليكه
مصطفى : قولتلك متخافش يلا سلام
وخرج من المكتب وقفل الباب فى الوقت ده خبط فى واحده
مصطفى : ا انا اسف ايه ده ازيك
نورا : الحمد لله انا اسفه مااخدتش بالى
مصطفى بهيام : انا ال اسف انتى فاكرانى
نورا بتوتر : ا ا ه مش انت اخو مليكه
مصطفى بابتسامه : اه انا مصطفى ومد ايده
نورا مدت ايدها : اهلا وسهلا
مصطفى : انتى جايه لفارس
نورا : اه هو جوه ؟
مصطفى : اه انا لسه خارج من عنده
نورا : احم طب عن اذنك
مصطفى : اتفضلى
نورا دخلت ومصطفى وقف وسرح فى جمالها وشكلها الملائكى وقال : ياااه ايه ال حصلى ده بس وراح يشوف شغله
نورا دخلت عند فارس
نورا بمرح : ابو نسب
فارس : انتى هبله يابت انا اخوكى مش جوز امك
نورا : ايه ده صح ازيك ياابو الفوارس ايه مشوفتكش النهارده يعنى
فارس : مفيش خرجت بدرى وكنتى نايمه مردتش اقلقك
بس ايه المفاجأه الحلوه دى
نورا : احم الصراحه يعنى كنت محتاجه فلوس والاستاذ التانى مبيعبرنيش
فارس : اممم انا قولت برضوا عايزه كام
نورا : 500 جنيه
فارس طلعلها الفلوس ال هى طلبتها خدى ياحبيبتى
نورا : ربنا يخليك ليا يارب وميحرمنيش منك
فارس بابتسامه : ولا منك ياقلبى
نورا : سلاموووز بقا علشان راحه الكليه باى
فارس : بااى
فى تركيا
يوسف بعصبيه : انت عارف ايه ال حصل ياهشام الشركه كده هتتدمر وده كله علشان اعتمد عليك
هشام بارتباك : ا انا مليش ذنب فارس هو ال
قاطعه صوت يوسف الحزم
يوسف بحده : خلاص خلصنا ملكش انت دعوه وبوعيد ماشى ياابن الشرقاوى حسابك كبر اووى وبعدين انت عملت ايه فى موضوع بنتك
هشام : من الناحيه دى متقلقش الموضوع قرب يخلص
يوسف بتريقه : لما اشوف
فى فيلا فارس
منى قاعده فى غرفتها بتفكر ازاى تنتقم من فارس وال بيحبها وفونها رن
منى : الو
الشخص : مالك زعلانه ولا ايه
منى بضيق : اه مخنوقه اووى الصراحه ايه رايك نخرج انت فين
محمد : انا فى الاوضه بتاعتى وانتى
منى : انا فى الاوضه
محمد : طب اجهزى وانا اسهرك سهره ملوكى
منى بفرحه : موافقه ربع ساعه وتلاقينى جاهزه
محمد : وانا كمان سلام
منى : سلام
يتبع
تفاااااعل ياقمرات اللهى تنستروا تفاعل يابشرررر اجيب مايك وانادى يعنى 😂 يلا
دمتم بخير 💜
