******الفصل الثامن والعشرون*******
وقفنا الفصل ال فات لما مصطفى وفارس انقذوا مليكه ومصطفى اخد مليكه وتجاهلوا فارس ولسه هينزلوا يوسف فاق ومسك المسدس ال جنبه وضرب طلقه
مليكه سمعت الرصاص اتجمدت مكانها مش قادره تقبل فكرة ان الرصاصه اخترقت اخوها او حبيبها وفى لحظه لقت مصطفى وقع على الارض وفارس هجم على يوسف تانى وفضل يضرب فيه مليكه فقدت الوعى لما شافت اخوها سايح فى دمه البوليس دخل فى اللحظه واخد يوسف وكان معاهم الاسعاف رجال الاسعاف شاله مصطفى وفارس شال مليكه ونزل جرى حط مليكه فى العربيه ومشى ورا الاسعاف وذهبوا على المستشفى
وصلوا المستشفى دخلوا مصطفى اوضة العمليات وفارس دخل مليكه اوضة الكشف
وخرج يستنا بره وبعد وقت خرج الدكتور
فارس جرى عليه بلهفه وقلق : مليكه مالها يادكتور
الدكتور : جالها انهيار عصبى بسبب صدمه نفسيه اتعرضت ليها الفتره دى انت تقربلها ايه
فارس بتوتر : جوزها
الدكتور : حاولوا تبعدوها عن اى ضغط نفسى الفتره دى عن اذنك
فارس بص للاوضه ال فيها مليكه باسف وخوف خوف من مواجهتها مش عارف يكلمها ازاى استجمع بعض شجاعته ودخلها
مليكه كانت نايمه من اثر المهدئ
فارس قعد جنبها على الكرسى وبصلها شاف وشها الدبلان الباهت الحزن على وشها
فارس بحزن : انا اسف ياروحى ياعمرى كله انا عارف انك مش هتسامحينى بسهوله بس انا معذور برضه ولاد ال .....* عملوا الدور صح بس والله ماهرحمهم حتى لو كان اخويا بس هندمهم وحياة حبنا تسامحينى وفى الوقت ده قامت مليكه مفزوعه وصرخت باسم مصطفى
فارس وقف مسك ايدها وقالها : اهدى ياحبيبتى مصطفى ان شاء الله هيبقى كويس هو فى العمليات دلوقتى
مليكه سحبت ايدها منه بجمود وقامت ولسه هتخرج فارس مسكها من معصمها : مليكه استنى ممكن تسمعينى
مليكه نفضت ايده وقالت بقسوه : اوعى مش عايزه اسمعك عايزاك تبعد عنى وتنسى ان كان فى حياتك واحده اسمها مليكه خالص ولسه هتمشى
فارس وقف قدامها وبصلها فى عينيها باسف وندم : مليكه اسمعينى انا معذور والله اتجننت لما شوفت الصور وورقة الجواز مكنتش فى وعى والله سامحينى
مليكه بصراخ ودموع : اسامحك على ايه ولا ايه على ان رجعت لقيتك متجوز ولا انك ضربتنى وهنتنى فى شرفى ولا على انك جرجرتنى من على السلم وشدتنى من شعرى ولا على ان كنت السبب فى ان رجالة يوسف ياخدونى لما رمتنى فى عز الليل اه اسامحك على ايه ولا ايه ابعد بقااا حرام عليك حرام عليك اوعى اما اروح اطمن على اخويا ال هو سندى وضهرى وحمايتى وعمره ماهياذينى ولا يسيبنى وبصتله نظره كسرته فعلا من جواه ومشيت راحت تشوف اخوها
فارس وقف مكانه متجمد : فعلا هى عندها حق فى كل كلمه انا كسرتها وهنتها مش بالساهل هتسامحنى بس هافضل وراكى ومش هابعد عنك ابدا ولا هاسيبك انتى حبيبتى انا وبس وخرج من الاوضه ومن المستشفى باكملها
مليكه راحت عند غرفة العمليات تشوف مصطفى كان الدكتور خارج مليكه راحتله
مليكه بدموع وقلق : طمنى يادكتور والنبى على مصطفى
الدكتور : هى الرصاصه جاتله فى صدره بس الحمد لله لحقناها
مليكه : طب ينفع اشوفه
الدكتور : هيفضل تحت الملاحظه ساعتين وبعدها هيروح اوضه عاديه تقدرى تشوفيه
مليكه : شكرا يادكتور
الدكتور : العفو عن اذنك
مليكه : اتفضل وقعدت على احدى الكراسى وحطت ايدها على وشها ودموعها نزلت
مليكه : يارب قومهولى بالسلامه ماليش غيره
