******الفصل العاشر******
فى شركة فارس الشرقاوى
فارس بعصبيه فى التليفون : ازااااى يااحمد ازااى الصفقه تقع ومين سرق الورق
احمد وهو يبلع ريقه بصعوبه : ا ا انت عارف يافارس يوسف هو ال عمل كده بس اموت واعرف مين ال ساعده فى كده
فارس بعصبيه اكتر : يوسف حسابه تقل معايا اوى وقريب اووى هيكتب وصيته سلام يااحمد دلوقتى
احمد : طب ناوى على ايه
فارس بحده : خلاص هاكلمك بعدين سلام
احمد بقلة حيله : سلام
فارس قفل الفون وزفر بضيق وقال :
ماشى والله العظيم لهندمك يايوسف انت وهشام نهايتكم على ايدى وفجأه فونه رن
فارس : الو
فارس بضيق : مش وقته لقاء صحفى
الشخص :....
فارس : يعنى فين والساعه كام
الشخص :......
فارس : ماشى تمام وقفل الفون وقال :
ناقصه هى
فى الجريده عند الاء ومليكه
الاء : بت يامليكه المدير عايزك انتى نيلتى ايه
مليكه : والنبى يااختى ماعملت حاجه ياترى عايزنى ليه
الاء : معرفش روحى شوفيه
مليكه ماشى وقامت خرجت من مكتبها واتجهت الى مكتب المدير وسالت السكرتيره ودخلتها جوه
مليكه :خير يافندم حضرتك عايزنى
المدير : اه اتفضلى اقعدى
مليكه قعدت وقالت : خير
المدير : انتى النهارده هتروحى تقابلى رجل اعمال كبير وهتعملى معاه لقاء صحفى
مليكه : من اولها كده يافندم
المدير : انا هجربك وان شاء الله واثق انك هتنجحى
مليكه بقلق : طب الميعاد امتى
المدير : النهارده الساعه 5 فى كافيه .....
مليكه بتوتر :ربنا يستر ماشى يافندم انا هاروح اكمل شغلى
المدير : تمام اتفضلى ربنا معاكى
مليكه : شكرا وخرجت من المكتب وراحت عند الاء وهى بتكلم نفسها
الاء : لاحول ولا قوة الا بالله انتى اتجننتى ولا ايه بتكلمى نفسك
مليكه : المدير قالى ان هاروح اعمل لقاء صحفى مع رجل اعمل كبير وانا من ساعتها هيغمى عليا دى اول مره
الاء : متخافيش امسكى نفسك كده بس لو طلع مز اوعى تقربى منه هههههههه اتصلى بيا وانا اجيلك فورا
مليكه : يختى اتنيلى علطول دماغك شمال كده انا مش عارفه اعمل ايه
الاء : هتعملى انك تروحى وتعملى معاه علشان منترميش فى الشارع انا وانتى وبعدين هو الساعه كام
مليكه : 5
الاء : يعنى المفروض تبتدى تجهزى الساعه 3:30
مليكه بقلق : ماشى
فى تركيا
هشام : هههههههههه الله ينور عليك ياجو قرب ينتهى خلاص
يوسف بخبث : ولسه بس بقولك ايه انت منفذتش بوعدك ليا
هشام :انت عارف ان هى نزلت مصر ولسه بفضى نفسى علشان انزل اظبطها بنفسى
يوسف بتهديد : انت عارف انا دفعتلك كام انا ممكن احبسك بيهم بس لو طلعت كويس كده وسلمتنى بنتك هدفعلك قدهم
هشام : خلاص هاحاول اوصلها باى طريقه والله
يوسف : لما اشوف
فى فيلا فارس الشرقاوى
منى لبست وكانت خارجه كانت لابسه عباره عن فستان اسود قصير عارى الكتفين وفرده شعرها وحاطه ميكب كتير جدا وبرفيوم وخرجت من الاوضه وهى فى طريقها للسلم قابلت محمد وهو داخل غرفته
محمد صفر باعجاب اول ما شافها
منى ضحكت ضحكه مش كويسه وبصتله
محمد : ايه راحه فين
منى بدلع : مفيش زهقانه شويه وقولت اخرج اتمشى مخنوقه
محمد : تؤ تؤ مخنوقه وانا موجود استنى بس اغير هدومى هوا واجيلك ودخل اوضته
منى ضحكت بخبث ونزلت تستناه وبعدها بشويه نزل محمد وخرجوا الاتنين وركبوا العربيه ومشيوا
عند مليكه جهزت نفسها للمقابله
وفارس كذلك
مليكه راحت الاول واستنته ومكنتش تعرف ان هو فارس
وفارس دخل بيبص لاقاها قاعده فرح جدا وراح عندها وقالها : مليكه بتعملى ايه هنا
مليكه بصدمه : فارس ! انت عرفت ان هنا ازاى
فارس : انا جاى هنا فى شغل وانتى
مليكه : وانا جايه فى شغل عن اذنك انا هخرج استنى بره
ولسه هتمشى فارس مسكها من ايدها وعينيهم اتقبلت فى نظره طويله قاطعها كلام فارس
فارس : مش كفايه بعد بقا يامليكه
مليكه اتوترت من نظرته ليها وقالتله : ل لو سمحت يبنى امشى
فارس : مليكه متعذبيش نفسك وتعذبينى معاكى انا ماصدقت لقيتك ارحمى حبى
مليكه بدموع : مش قادره يافارس مش قادره انسى انك اتجوزت الفكره نفسها بتقتلنى ارجوك كفايه بقا وسيبنى ابعد
فارس : طب وحياة حبنا
مليكه : انا بعمل كده علشان حبنا يافارس ولسه هتمشى
فارس : فكرى يامليكه تانى فكرى براحتك
مليكه : ان شاء الله عن اذنك
فارس : انتى قولتى جايه شغل ايه هنا
مليكه : جايه اعمل لقاء صحفى مع رجل اعمال
فارس بصدمه : انا
مليكه بصدمه : هو انت رجل الاعمال ال هاعمل معاك.
فارس بفرحه : اه ده احلى لقاء هاعملوا فى حياتى
مليكه بتوتر : ط طيب اتفضل علشان اخلص شغلى وامشى
فارس : تمام يلا
وقعدوا الاتنين وابتدت مليكه تبدا بالاسئله وهو يجاوبها بس كان بيتكلم وهو سرحان فى عينيها وهى كانت متوتره من نظراته ليها بس كانت بتتهرب من نظراته
وبعد وقت طويل
مليكه بتعب : تمام كده بعد اذنك ولسه هتقوم
فارس : طب خلينى اعزمك على حاجه
مليكه : لاء شكرا وخرجت من الكافيه ركبت تاكسى وطلعت على الجريده
فارس بتنهيده : ربنا يهديكى يامغلبانى وخرج هو كمان ركب عربيته ومشى بيها
يتبع
لو لقيت تفاعل هنزل فصل كمان تفااااااعل ياقمراااات😍😍
دمتم بخير 💜
