******الفصل السادس والثلاثون****** (الاخير)
وقفنا الفصل ال فات لما فارس انضرب بالنار ومازن كلم احمد وعرف منه ومليكه اول ماعرفت كده فقدت الوعى
نورا والاء فى صوت واحد : مليييييكه
مازن جرى عليها وقال لازم نوديها المستشفى انا هاروح اجهز العربيه وانتوا سندوها براحه
الاء بدموع : ماشى
وابتدت هى ونورا يسندوها براحه وخرجوها وراحوا العربيه ركبوها ورا وهما ركبوا جنبها ومازن استقر مكان القياده وشغل العربيه وراحوا على المستشفى
فى شقة مريم
مريم قلقت على اخوها احمد ومسكت فونها وكلمته
احمد بصوت مبحوح : الو
مريم بقلق : مالك ياابيه احمد واتاخرت ليه
احمد : فى المستشفى
مريم بخضه : ليه فى حاجه انت حصلك حاجه
احمد : انا كويس بس فارس انضرب بالنار واحنا بننقذ ابنه انا حاسس ان هموت من القلق عليه
مريم بحزن : طب وهو فين دلوقتى
احمد : فى العمليات من ساعة ماوصلنا ولسه محدش طمننا
مريم بزعل : ربنا يستر طب ابقا طمنى ياابيه
احمد : ماشى مع السلامه
مريم : سلام وقفلت معاه وفى لحظة لقت فونها رن برقم محمد اترددت ترد بس فى الاخر ردت
مريم بتردد : ا الو
محمد بابتسامه : عامله ايه
مريم : الحمد لله
محمد : على فكره انا هاخرج النهارده
مريم : هو انت عرفت
محمد باستغراب : عرفت ايه
مريم بتوتر : ان ف فارس فى المستشفى
محمد بصدمه : ايه مستشفى ليه
مريم : اخوك اتضرب بالنار وفى المستشفى
محمد بصدمه : انتى بتقولى ايه مين قالك !
مريم : ابيه احمد لسه مبلغنى دلوقتى
محمد : طب سلام سلام انا هاروحله وقفل معاها
مريم بقلق : يارب استر
فى المستشفى
وصل مازن بالعربيه ونده على الممرضين يجوا ياخدو مليكه وكان من حسن الحظ ان دى نفس المستشفى ال فارس فيها
اخدوا مليكه على اوضة الكشف والاء وقفت تستنا بره ونورا عرفت ان فارس هنا راحت علشان تشوفه وتطمن عليه
عند العمليات
كان احمد واقف على اعصابه هيموت من الخوف على صديق عمره ونورا جت عليه
نورا بدموع : احمد فارس عامل ايه
احمد بقلق : لسه مفيش اخبار اومال فين مليكه
نورا : لما سمعت الخبر اغمى عليها وجبناها المستشفى هنا
احمد : طب وانتى سايباها لوحدها ليه
نورا : الاء ومازن معاها
احمد لسه هيتكلم الدكتور خرج جريوا عليه
نورا بدموع : اخويا ماله يادكتور طمنى
احمد : طمن يادكتور والنبى
الدكتور : للاسف هو نزف كتير جدا ومحتاج نقل دم وفصيلته نادره جدا
احمد : ياخبر طب هنعمل ايه
نورا بدموع : حاوله تنقذوه بسرعه انا مش نفس الفصيله
مازن جه عليهم : ايه الاخبار
نورا : محتاجين نقل دم ضرورى والفصيله نادره
مازن : فصيلته ايه
الدكتور : فصيلته ......
مازن : دى نفس فصيلتى انا جاهز يادكتور يلا
الدكتور : كويس يلا علشان اعملك التحاليل الازمه ودخلوا الاتنين
نورا بدموع : يارب يارب
احمد كان شرد شويه بيفكر فى مازن ده وايه علاقته ب الاء وافتكر مصطفى لما قالوا مازن اخو الاء معاهم
احمد فى نفسه : غبى غبى اتسرعت فى قرارك بسرعه وضيعتها منك
