انا بعتذر فعلا عن عدم نزولها امبارح بس والله العظيم كنت تعبانه جدا ومكنتش قادره اكتب سامحونى
قراء ممتعه
*******الفصل الثامن********
وقفنا الفص ال فات لما فارس قابل الاء وقالها ان عايز يتكلم معاها ويفهمها ايه سبب جوازه من منى علشان تفهم مليكه
الاء : ها يافارس اتفضل احكى
فارس بحزن : الحكايه بدات اول لما عرفت ان مليكه ماتت انا قعدت شهرين فى صدمه مكنتش بخرج مكنتش بروح الجامعه مكانش ليا طموح علشان مليكه كانت هى كل طموحى وحياتى بعدها صاحبى احمد جه وقالى ان لازم انزل الكليه علشان الامتحانات ودى كانت اخر سنه ومينفعش اضيعها نزلت فعلا المهم كانت منى دى معايا فى الكليه من اول سنه لكن انا عمرى ماكنت باخد بالى منها علشان ال كان شاغل كيانى وعقلى كله مليكه وان هى تبقى ليا عمرى ماشوفت نظرات منى دى خالص كانوا صحابى دايما يقولوا ان هى مبتنزلش عينيها من عليا وانها معجبه بيك بس انا كنت بتجاهل كلامهم خالص ويوم ماخلصت الامتحانات اخر يوم افتكرت اخر كل سنه كنا بنخرج انا ومليكه ونقضى اليوم مع بعض مستحملتش حتى فكرة فراقها للاسف اليوم ده انا روحت وسكرت سكرت كتير جدا لحد مابقتش شايف قدامى وساعتها منى كانت هناك هى وبقيت الشله بتاعتها وجت قعدت معايا وانا سكران وزى ماقولتلك ان مكنتش حاسس باى حاجه حواليا مفوقتش الا تانى يوم صحيت لقيت نفسى فى مكان غريب ولقيت منى معايا بص ل الاء باحراج وسكت
الاء بتفهم : امممم وقالتلك انك ضحكت عليها صح
فارس وهو يومأ راسه بحزن : ايوه
الاء : طب انت اتاكدت من كلامها الاول قبل ماتتجوزها ولا انت ماصدقت بقا
فارس مسرع : لاء والله انا ساعتها مصدقتهاش وضربتها وبعدت عنها وبعدها بفتره كبيره جت وقالت ليا انها حامل ساعتها قولتلها ان مش منى قالتلى تعالى نعمل تحليل DNA ونتاكد وفعلا روحت معاها وللاسف طلعت منى انا واتجوزتها بس والله العظيم انا مكنتش فى وعيى خالص واستحاله ان لوكان محصلش كده كنت هافكر فى حد تانى غير مليكه
الاء بصتله وسكتت ومردتش
فارس : ايه يالاء سكتى ليه
الاء : هاقول ايه يعنى
فارس : قولى انك هتساعدينى ان ارجع لمليكه
الاء حست صدق كلامه ونظرت الحب لمليكه فى عينيه
الاء اتنهدت : بص يافارس انا مقدره حبك لمليكه والصراحه يعنى انا صدقتك بس فى مشكله
فارس : ايه هى المشكله !
الاء : مليكه يافارس مليكه مش سهل انها تقتنع هى قدام عينى عاشت اسود تلات سنين فى حياتها على ايد والدها وبسبب فراقك مش سهل عليها ان بعد ده كله ترجع تلاقيك متجوز ومعاك ولد وكمان هى مش من النوع ال ممكن تخرب بيتك بسببها
فارس : بس انا مش عايز اى حاجه فى الدنيا غيرها هى وبس
الاء : انا عارفه انك بتمووت فيها مش بتحبها بس ومستعد تضحى علشانها كتير بس لازم يبقا عندك اراده وصبر علشان هى مش هتصدق الواقع بسهوله ولا هترجعلك بسهوله
فارس بعدم فهم : يعنى
الاء : يعنى انا هاعمل ال عليا واحاول اقعد معاها وافهمها بس متفتكرش انها هترجع من اول كلام علشان هى مجروحه فعلا انت اكيد هتحاول تقابلها تخليها تسمعك حسسها بصدق مشاعرك ليه وصدقنى ممكن يحصل نتيجه
فارس : تفتكرى ؟
الاء : اه وبعدين ممكن اسالك سؤال
فارس : اتفضلى
الاء : انت هتعمل ايه مع مراتك وابنك لو مليكه رضيت ترجعلك
فارس : انا ومنى من ساعة ماتجوزنا مش متفاهمين مع بعض خالص لان عمرى ماحبتها وساعة مامليكه ترضى عليا انا هاطلق منى علشان تروح تشوف حياتها مع ال يحبها علشان مظلمهاش اكتر من كده انما ابنى هيبقى معايا انا لان مقدرش اسيبه
الاء : ان شاء الله ربك ييسر الامور
فارس بفرحه : يارب انا بجد متشكر ليكى جدا انك سمعتينى وهتساعدينى
الاء : مفيش شكر علشان انا حضرت قصة حبكم جدا وعارفه انتم بتحبوا بعض ازاى
فارس : تحبى اوصلك فين بقا ؟
الاء بمرح : لاء ياعم مش عايزه رشوه انا
فارس بضحك : لاء والله مش رشوه اصل شكلك كنتى بتدورى على تاكسى اعتبرينى صاحب التاكسى
الاء بضحك : طب يلا يااسطى قصدى يافارس ودينى العنوان ده ..........
فارس : ههههههه حاضر وشغل العربيه ووصل الاء وبعدها راح الشركه
