نار العشق

اسكربيت

اسكربيت
~ممكن اقعد 😁
"وتقعدي ليه هو انتي تعرفيني
~ما انا ممكن اقعد وبعد كدا نتعرف
"استغفر لله العظيم يارب هي ناقصكي
~ممكن تطلبلي شاي بقا
"انتي هبله يابنتي
~بنتك ليه هو انت عندك كام سنه
"وانتي مالك
~افندم
"انتي مالك
~مليش انا تمام الحمدلله
"يارب صبرني 
~مالك بس متعصب ليه
"لا ولا حاجه خالص واحده فضوليه بس جات قعدت علي نفس التربيزه بتاعتي وعاوزني اطلبلها شاي كمان
~ لو الشاي مضايقك اوي كدا ممكن تطلب عصير
"لا ده انتي هبله بجد بقا
~ ماشي ياسيدي شكرا بس احنا متعرفناش انا عشق وانت
"ملكيش دعوه
~تصدق حلو اووي اسمگ
"يا حول الله يارب انتي مين يابنتي
~شكلك بتنسي بسرعه انا لسه معرفكك بنفسي وقولتلك انا عشق
"تشرفنا يا ست عشق
~ الشرف ليا يا اسمك اي
"اسمي اياد
~ الله اسمك حلوو اوي يااياد انت عارف انا عاوزه لما اتجوز واخلف اسمي اياد وفريده.
" اشمعنا
~عادي بحب الاسامي دي
"اممم ممكن اسالك سؤال بقا
~ لا متسالش
" نعم
~اصل انا عارفه هتسال تقول اي
" طب هسال اقول اي يا عبقريه هانم
~ اشمعنا انت الوحيد اللي جيت قعدت جمبك و ازاي بنت كيوت زي تعمل كدا
" هو ده السؤال بس من غير بنت كيوت دي
~امم بص يا عم انا اول مره اجي الكافيه ده بس وجيت اصلا عشان مخنوقه ف اكيد مش هقعد لوحدي بصيت ف الكافيه كله ملقتش حد قاعد لوحده غيرك ف قولت اجي اقعد معاك وافك عن نفسي وعنك 😂🤦‍♀️
" بجد ولله
~ اه ولله شوفت بقا
بصلي بصه غريبه وسكت
~طب اي مش هتطلبلي شاي او عصير
" اطلبلك وتقومي تمشي
~ لا
" لا اي
~لا متطلبش عشان مش هقوم
" انا هقوم امشي
مسكت ايده مره واحده وقالتله
~ طب وانا
" وانتي اي يا عبيطه انتي
~هقعد لوحدي
" انا ورايا شغل مش فاضي زيگ
~ بتشتغل اي
" ميخصكيش
~طب هنتقابل تاني
" الله واعلم بس ياريت لا
~ان شاء الله هتتقابل تاني
وفعلا مشي وانا كمان مشيت وروحت البيت فضلت ادعي اننا نتقابل تاني معرفش ليه بس حسيت انه خطف قلبي بجد بجمالو وعيونه الرمادي دي 🤤
وفعلا تاني يوم روحت نفس الكافيه علي امل اننا نتقابل بس مشفتهوش لكن قعدت شويه ولقيته داخل الكافيه وقعد علي الترابيزه بتاعته ( بيروح الكافيه ده كتير وليه ترابيزه معينه ) روحتله
~متاخر ليه
"بسم الله الرحمن الرحيم انتي تاني
~ مقولتليش متاخر ليه
"راحت عليا نومه
~تمام سماح المره دي
لما قولتله كدا قام ضحك وقالي
" هو انتي ولي امري ولا حاجه
~حاجه زي كدا
" انتي عاوزه مني اي
~مش عاوزه منك حاجه
"امال في اي شغاله بالك بيا ليه
~ مش عارفه بس انا امبارح قعدت معاك عشان كنت مخنوقه وانت الوحيد اللي قاعد لوحدك لكن بعد كدا لقيتك شاغل بالي وبدعي اننا نتقابل تاني
" امم حب من اول نظره ده
~ حاجه زي كدا والله واعلم برضو
" ربنا يهديكي يا عشق
~تصدق اول مره احس ان اسمي حلو
" قومي امشي
~ انت بتطردني ولا انا متهيقلي
"لا مش متهيقلك انا فعلا بتطردك
~ طويب انا همشي بقا واجيلك بكره وياريت متجيش متاخر 👌
وفضلنا فعلا شهرين كل يوم اروح الكافيه ده وهو كمان بيروح وبنقعد مع بعض وكل واحد عرف كل حاجه عن حياه التاني وانا اتاكدت اني فعلا حبيته من اول نظره 💞
لحد ما اتقابلنا ف مره وقالي
" ليلي انت عاوز اقولك علي حاجه
~ اي يا اياد
" احم انا
~انت اي يابني انجز
" ماتصبري بقا
~حاضر صبرت اهوه
" الله يخربيتك فصلتيني
~ معلش يلا كمل
" احم احم
~ انت هتغني
بصلي بقرف وقالي
" ما تتهدي بقا عشان اقول ام الكلمه
~ خلاص ياعم انا اسفه قول وانا هسكت
" ليلي انا بحبك تتجوزيني
بصتله بصدمه وفرحه ف نفس الوقت وبعدين قولتله
~ اخيرا قولتها ده انا كنت قربت افقد الامل
" اي يا بنتي ده بدل ما تقولي اي ده بجد مكنتش متخيله وتعملي نفسك مكسوفه
~ دي حركات البنات التوتو
" انا شكلي هرجع كلامي
~ ارجع ياعم انت الخسران
"يابنتي اتمسكي فيا طيب
~ خلاص بقا نتكلم بجد بقا انا كمان بحبك جدا من اول يوم شوفتك فيه وانا بتمني من ربنا انك تكون من نصيبي ، انت الشخص الوحيد اللي بحب اتكلم معاه وبرتاح معاه وبكون مبسوطه وحاسه اني مالكه الدنيا ومافيها
" ربنا يخليكي ليا و تكوني حلالي وام عيالي  
~طب يلا بقا انا همشي
" طب مش هتقوليلي اجي اقابل ابوكي امتي
~هاخد منه معاد واقولك
" تمام ، خلي بالك من نفسك
~ حاضر وانت كمان
وفعلا جاه قابل بابا واتخطبنا ودلوقتي بنحضر لفرحنا وقررنا اننا نسمي عيالنا فريده زي ما كنت عاوزه وعمرو عشان مش هينفع نسمي اياد بس كدا وفعلا كانت احلي صدفه ف حياتي🖤🌍
مريم منتصر